JHS- LS4

Pumunta si Maricel sa ukay-ukay upang bumili ng kasuotan para sa sports activity. Marami ang namimili dito dahil ang mga produkto ay

• mahal at bago

• mura at luma

• mura at imported

• mahal at imported

Dahil maraming namimili ng motorcycle parts, nagsulputan ang mga tindahan para sa ganitong produkto. Ano ang paliwanag tungkol dito?

• Konti ang namimili kaya konti ang paninda.

• Mura ang paninda kaya maraming namimili.

• Mahal ang paninda sa mall kaysa sa palengke.

• Maraming namimili kaya maraming nagtitinda.

Malakas kumita ang kainan ni Aling Nida. May dalawang kapitbahay na naganyak, gumaya at nagbukas din ng kainan. Nabawasan ang mamimili niya. Ano ang magiging epekto nito kay Aling Nida?

• Tatamarin at magsara na lamang ng kainan.

• Sisiraan ang mga gumaya ng kaniyang kainan.

• Gagayahin ang putahe ng mga katabing kainan.

• Mas pagagandahin ang serbisyo ng kaniyang kainan.

Naisip ni Julia na irehistro ang kaniyang account sa e-banking. Hindi na niya kailangang pumila ng mahaba sa bangko at maaari niyang gawin ang mga transaksyon sa pamamagitan nito. Isang araw, napansin niyang unti-unting nababawasan ang naipon niyang pera nang hindi naman niya ito winiwithdraw. Ano ang HINDI magandang epekto ng paggamit ng e-banking batay sa kaniyang karanasan?

• Mas mabilis ang mga transaksyon.

• Pwedeng mapasok ng kahit sino ang account.

• Maaaring magbayad ng bayarin gamit ang account.

• Maaring matingnan ang pera nang hindi na pupunta sa bangko.

Ang mag-inang Lara at ang tatlong taong gulang na si Jun ay bumili ng laruan. Nakapili si Jun ng limang laruan na gusto niya. Bago ito bayaran ni Aling Lara ay binasa niya ang nakasulat sa mga pakete at nakita niya na ang tatlo ay hindi bagay sa edad ng kaniyang anak. Sinabi niya sa tindera na isosoli niya ang mga ito. Ano ang magiging magandang kalutasan sa problemang ito?

• Magagalit ang tindera.

• Bibili sa ibang tindahan.

• Papalitan ng tindera ang isinoling laruan.

• Aalis siya ng tindahan ng walang binibili.

Nagbahay-bahay si Titser Eva para makapagpatala ang mga mag-aaral sa ALS. Ipinaalam niya sa bawat lugar na may iba’t ibang learning center doon. Dahil sa kaniyang ginawa, ano ang maaaring maging magandang resulta?

• Iisnabin sya ng tao.

• Mapapagod lang siya.

• Dadami ang pupunta sa learning center.

• Marami ang magpapatalang mga kabataan.

Si Karla ay magsusulat ng liham para sa pag-apply ng trabaho. Ano ang dapat niyang tandaan sa pagsusulat ng liham?

• Gumamit ng mabulaklak na mga salita.

• Isulat ang sahod na gusto niyang matanggap.

• Isulat ang tungkol sa sarili at naging karanasan sa trabaho.

• Gumamit ng maraming pahina upang mapaniwala ang magbabasa.

Nagtatrabaho si Ben bilang serbidor sa isang restawran. Laging matao kapag Biyernes ngunit kulang ang mga tauhan. Gusto niyang lumabas kasama ang kaniyang mga kaibigan. Ano ang dapat niyang gawin?

• Maghanap ng karelyebo.

• Pumasok pero umalis nang maaga.

• Magpaalam nang maayos sa may-ari.

• Sabihin sa employer na siya ay may sakit.

Si Ana ay mahusay mag-alaga ng maysakit sa bahay. Nais niyang palawakin ang kaniyang kaalaman sa trabahong ito. Ano ang dapat niyang gawin?

• Magtrabaho sa ibang bansa bilang caregiver.

• Maghanap ng maraming maysakit na aalagaan.

• Maghanap ng training center para sa mga caregiver.

• Panatilihin ang mahusay na pag-aalaga sa maysakit.

Si Karen ay isang working student. May isa siyang anak na inaalagaan kaya kinakailangan niyang magtipid. Ano ang maaari niyang gawin upang matustusan ang kaniyang pag-aaral?

• Tipirin ang bata sa bitamina.

• Mag-budget ayon sa kinikita.

• Manghiram ng pera sa kaibigan.

• Maghanap ng iba pang mapagkakakitaan.