Paribasan Bebasan Saloka

Andi iku bocah sing seneng ngapusi lan ora sopan marang wong tuwa. Dheweke kerep gawe onar ing sekolah, nganti asring diceluk guru lan wong tuwane dipanggi menyang sekolah. Merga kelakuane Andi sing ala, wong-wong ing desane dadi ora ngajeni bapak lan ibune.

Pitakonan:

Paribasan apa sing cocog kanggo nggambarake kedadian ing crita mau?

• Anak polah bapa kepradhah

• Becik kethithik ala ketara

• keplok ora tombok

• jalukan ora wewehan

Rina lan keluargane pindhah saka Jawa menyang Bali amarga bapake kerja ing kono. Ing sekolah anyar, Rina ngerti yen ana adat lan aturan sing beda karo desane biyen. Tuladhane, ing Bali ana tradisi Nyepi sing kudu dihormati, lan ana aturan-aturan adat sing kudu dituruti. Rina banjur sinau lan beradaptasi karo kabudayan anyar supaya bisa rukun karo warga sak panggonan.

Pitakonan:

Paribasan apa sing cocog kanggo nggambarake kedadian ing crita mau?

• rukun agawe santosa crah agawe bubrah

• Desa mawa cara negara mawa tata

• Jer basuki mawa beya

• sepi ing pamrih rame ing gawe

Dina iku, Bagas njaluk dipinjami dhuwit marang kancane, Reza. Bagas janji bakal mbalekake sajrone seminggu. Nanging, wis tekan sewulan, Bagas durung mbalekake dhuwit mau. Nalika Reza njaluk maneh, Bagas malah ngindari lan ora gelem mbayar utange.

Pitakonan:

Paribasan apa sing cocog kanggo nggambarake kedadian ing crita mau?

• Jer basuki mawa beya

• Kalah cacak menang cacak

• Anak polah bapa kepradhah

• Jalukan ora wewehan

Dina iki, Rini lagi wisuda saka universitas. Dheweke rumangsa seneng banget amarga bisa ngrampungake kuliahe kanthi apik. Nalika kuliah, Rini kudu kerja sambilan kanggo mbantu biaya pendhidhikane. Sanajan kadang kesel lan kudu ngorbanake wektu dolan, dheweke tetep semangat amarga ngerti yen sukses mbutuhake perjuangan lan pengorbanan.

Pitakonan:

Paribasan apa sing cocog kanggo nggambarake kedadian ing crita mau?

• tut wuri handayani

• kumenthus ora pecus

• Jer basuki mawa beya

• keplok ora tombok

Siti ora seneng karo Ana, nanging dheweke ora wani nglawan langsung. Mula, Siti ngojok-ojoki Rina supaya nglawan Ana. Rina sing ora ngerti niat ala Siti banjur nyerang Ana. Pungkasane, kabeh wong ngerti yen Siti sing nyebabake masalah.

Pitakonan :

Paribasan apa sing cocog kanggo nggambarake kedadian ing crita mau?

• Nulung menthung

• Nabok nyilih tangan

• Sing sapa salah seleh

• Keplok ora tombok

Siti kepengin dadi juara kelas lan dipujeni wong tuwané, nanging dhèwèké ora tau sinau lan mung ngandelake contekan nalika ujian. Nalika asil ujian metu, dhèwèké kuciwa amarga ora oleh nilai sing apik.

Pitakonan:

Apa bebasan sing cocok kanggo sikapé Siti?

• arep jamure emoh watange

• angon ulat ngumbar tangan

• ancik-ancik pucuking eri

• diwenehi ati ngrogoh rempela

Pak Warto duwe warung cilik ing desané. Ing cedhak warungé ana warung liyané sing diduweni Pak Karyo. Sanajan padha-padha dodolan, Pak Warto tetep rukun lan ora nglarani warung liyané. Dhèwèké tetep adol kanthi jujur lan ora ngucapake ala bab warung tanggané.

Pitakonan:
Bebasan apa sing cocok kanggo sikapé Pak Warto?

• ancik-ancik pucuking eri

• dudu berase ditempurake

• dikena iwake aja nganti buthek banyune

• mburu uceng kelangan deleg

Rina janji arep melu kerja bakti ing desané sesuk esuk. Nanging, sore iku dhèwèké ngowahi pikiran lan milih dolan karo kanca-kancané. Besuké, nalika warga desa padha kerja bakti, Rina malah ora rawuh lan ora tanggung jawab marang janjiné.

Pitakonan:
Bebasan apa sing cocok kanggo sikapé Rina?

• emban cindhe emban siladan

• dudu berase ditempurake

• esuk dhele sore tempe

• diwenehi ati ngrogoh rempela

Sari pengin menang sayembara hadiah cilik ing pasar, mula dhèwèké ngentèkaké dhuwit tabungané kanggo tuku tiket undian. Nanging, nganti akhiré sayembara, dhèwèké ora menang apa-apa. Dhuwit tabungan sing sakjané arep digunakaké kanggo tuku sepatu sekolah malah entèk tanpa hasil.

Pitakonan:
Bebasan apa sing cocok kanggo sikapé Sari?

• angon ulat ngumbar tangan

• mburu uceng kelangan deleg

• emban cindhe emban siladan

• kadang konang

Bayu dikenal minangka bocah sugih lan seneng mbayari kanca-kancané nalika dolan. Akeh wong sing kepengin cedhak lan dadi kancané. Nanging, nalika keluargané Bayu nemui masalah keuangan lan dhèwèké ora bisa nraktir maneh, kanca-kancané padha ngadoh lan ora gelem dolan karo dhèwèké maneh.

Pitakonan:
Bebasan apa sing cocok kanggo kanca-kancané Bayu?

• kadang konang

• diwenehi ati ngrogoh rempela

• arep jamure emoh watange

• dudu berase ditempurake