9 ASTS GANJIL 2024

Kagiatan nyarita di hareupeun balaréa kalawan maké tatacara anu husus pikeun nepikeun informasi anu tangtu disebut ….

• Biantara

• Wawancara

• Warta

• Déklamasi

Biantara dina basa Indonésia sarua hartina jeung ….

• Diskusi

• Rapat

• Pidato

• Upacara

Simkuring, kalayan asmana réngréngan Pangurus OSIS, seja ngahaturkeun nuhun ka réngréngan panata calagara anu parantos tihothat, ti ngawitan ngararancang dugi ka derna ngalaksanakeun acara dina dinten ieu.

Sempalan biantara di luhur kaasup kana struktur biantara bagian ….

• Eusi

• Bubuka

• Kacindekan

• Panutup

Ayeuna kelas IX keur diajar matéri biantara. Nalika pangajaran lumangsung, Lina anu saacanna pernah janten pinunjul pasanggiri biantara, ditunjuk ku ibu guru pikeun midang ka hareup méré conto cara nepikeun biantara. Lina ka hareup tuluy nepikeun biantara.

Dumasar kana situasi di luhur, Lina nepikeun biantara kalawan make métodeu ….

• Ékstémporan

• Maca

• Impromtu

• Ngapalkeun

Kadua, simkuring sadaya neda dihapunten ka Pangersa Ibu miwah Bapa Guru. Kedah dihapunten ti luhur satungtung rambut ti handap sahibas dampal, wiréh simkuring sadaya rumaos pisan moal luput tina kalepatan, boh nu karaos boh nu teu karaos, neda agung nya paralun jembar pangampura, ku galih nu wening, ku mamah nu sétra.

Eusi biantara dumasar kana sempalan di luhur ngeunaan ….

• Ngahaturkeun nuhun

• Ngawilujengkeun

• Ngadu'a kaséhatan guru

• Neda pangampura

Bapa Présidén RI, Joko Widodo keur nepikeun biantara ngeunaan virus corona atawa biasa disebut covid-19. Pa Jokowi ngadadarkeun rupa-rupa usaha pikeun nangkes sumebarna covid-19

Dumasar kana gambar, Pa Jokowi nepikeun biantara kalawan make métodeu ….

• Impromtu

• Maca

• Ékstémporan

• Ngapalkeun

Salajengna, kumaha atuh tarékah sangkan basa katut budaya Sunda janten kareueus nonoman Sunda? Saeutikna aya tilu perkara anu kaémut téh.

Kahiji, basa jeung budaya Sunda kedah tiasa midang luyu jeung kamekaran élmu pangaweruh katut panéka téhnologi. Tangtos ogé kana situasi dianggona. Upamana baé, basa Sunda dipidangkeun dina situs-situs internét, dianggo nyerat nyerat buku-buku paélmuan, dianggo nyerat serat-serta resmi ti kantor pamaréntahan, dianggo nyerat jenengan wangunan nu aya di sakuliah Jawa Barat, katut dianggo basa resmi dina biantara-biantara gegedén pulitik. Hal ieu sangkan basa Sunda téh katémbong mampuh ngigelan tur ngigelkeun jaman.

Kadua, meungpeung aya lolongkrang, meungpeung aya kaludeung, ogé meungpeung aya widi ti Nu Mahasuci, bari écés jéntré aya Perda No. 5 Taun 2003 nu tos diropéa janten Perda No. 14 Taun 2014 ngeunaan “Ngamumulé Basa, Sastra, jeung Aksara Daérah” katut Palaturan Gubernur Jawa Barat No. 69 Taun 2013 ngeunaan pangajaran basa Sunda téh kedah diwulangkeun di sakola-sakola ti TK dugi ka SMA. Jalaran numutkeun para ahli budaya, pakakas pangseukeutna kanggo ngawariskeun budaya téh taya sanés pangajaran sareng sakola. Di sakola, nonoman Sunda baris diwaris tur dideudeul rupaning élmu pangaweruh ku guruna.

Katilu, dina kahirupan kiwari mah tos teu luyu deui urang némbongkeun sikep parangkat-purungkut, kodomoyo, bari sumuhun dawuh mangga ti payun. Ayeuna mah tos waktosna urang téh kudu goong nabeuh manéh. Némbongkeun kabisa tur katapis nyiptakeun karya dina sagala widang nu aya mangpaatna keur balaréa. Jalaran dina enas-enasna mah, ngaronjatna ajén basa jeung budaya Sunda. Ayeuna urang teu kudu gimir mayunan alam kamodérenan, tapi éstuning kudu saged tur tarapti.

Dumasar kana ték biantara di luhur, salasahiji tarékah sangkan basa katut budaya Sunda jadi kareureus nonoman, nya éta ….

• Nonoman Sunda teu kudu diajar basa jeung budaya lian

• Pangajaran basa Sunda teu kedah diwulangkeun di sakola-sakola ti TK dugi ka SMA

• Ngaganti kabiasaan maké basa Sunda ku basa Inggris sangkan kasohor di dunya internasional

• Némbongkeun kabisa tur katapis nyiptakeun karya dina sagala widang nu aya mangpaatna keur balaréa

“Sakumaha anu parantos jadi kayakinan urang sadaya, yén agama Islam téh agama anu lempeng tur pinuh ku kaadilan dina sagala aturanana. Agama salian Islam aya anu ngaku pangéranna kana cai, batu, kuéh, panonpoé, ogé mangéran ka bapa, ibu jeung kapercayaan séjénna. Sedengkeun agama Islam mah maréntahkeunana téh ngan ka Pangéran Anu Nunggal, nyalira, teu ibuan, teu ramaan, teu putraan, malah henteu aya anu nyarupaan ka Mantna ti saantéro kumelip di alam dunya ogé,” saur Pa Ustad sateuacan solat Juma’ah.

Ditilik tina eusi, sempalan di luhur paling cocog kaasup ka na téks ….

• Hutbah

• Caramah

• Wawancara

• Biantara

Assalamu’alaikum warrahmatullahi wabarakatuh (1)

Sampurasun!

Bapa Kapala Sakola anu  ku sim kuring dipihormat,

Bapa miwah Ibu nu sami-sami ku sim kuring dipihormat,

Sareng réréncangan sadaya anu ku sim kuring dipikanyaah (2)

Puja sareng puji kagungan Gusti Nu Maha Suci, solawat sareng salam mugia ngocor ka jungjunan alam Nabi Muhammad Saw. (3)

Dinten ieu téh mangrupi dinten ngawitan kagiatan Pekan Kréatifitas Siswa anu dilaksanakeun saseméster sakali. Salami saminggu ka payun, urang sadaya bakal ningalikeun sagala katiasa payuneun Bapa sareng Ibu Guru. (4)

Anu kaasup kana bagian salam bubuka dina sempalan biantara di luhur nya éta ditunjukkeun ku nomer ....

• 4

• 3

• 2

• 1

Kantenan baé salami tilu taun diajar di ieu sakola, tangtosna gé siswa kelas IX seueur pisan perkara anu bakal janten panineungan. Di dieu, di sakola urang nu genah pikabetaheun, urang sadaya diajar babarengan néangan élmu. Ruang-riung boh di kelas boh di rupa-rupa kagiatan, bari sempal guyon gogonjakan.

Nu dimaksud "sempal guyon gogonjakan" dina sempalan biantara di luhur nya éta ….

• Nu pinter ulah sombong

• Ocon atawa heureuy jeung papada babaturan bari suka bungah

• Mun rumasa teu apal mah kudu loba tatanya sangkan jadi apal

• Diskusi di kelas