PRETEST

Babagian biantara anu eusina kacindekan jeung ngajak ka balaréa ngalaksanakeun nu ditepikeun dina biantara nya éta dina .....

• bubuka
• eusi
• panutup
• tujuan

Salasahiji maksud jeung tujuan tina biantara, nya éta .....

• Nepikeun gagasan atawa eusi pikiran
• Jadi tongtonan tapi teu kudu jadi tungtunan
• Ngabingungkeun anu ngabandungan
• Nimbulkeun harti anu euyeub keur anu ngabandungan

Pa Tato biantara di payuneun tamu ti sakola Mitra Jerman. Dina prakna biantara Pa Tato henteu nyandak téks, aya interaksi sareng tamu tur gésturna ogé laluasa. Métode nu dipaké Pa Tato dina nepikeun biantara nyaéta .....

• Métode nyatetkeun bagéan-bagéan nu penting anu rék ditepikeun
• Métode ngadadak atawa impromtu
• Métode ngapalkeun atawa ditalar
• Metode maca

Halim calon ketua OSIS nepikeun biantarana, visi misi na dicatet dina kertas. Dina prakna biantara henteu maca tapi sakali-kali ningali kana kertas anu dicepengna. Métode nu dipaké Halim dina nepikeun biantara nyaéta .....

• Métode ngapalkeun atawa ditalar
• Métode ngadadak atawa impromtu
• Métode nyatetkeun bagéan-bagéan nu penting anu rék ditepikeun
• Métode ngarang

Para hadirin, moal panjang nu kapihatur, rupina sakitu baé ti simkuring. Bobo sapanon carang sapakan, hapunten anu kasuhun Sempalan biantara di luhur, kaasup kana bagian .....

• Eusi biantara
• Salam bubuka biantara
• Panutup biantara
• Salam panutup biantara

Sikep nu kudu dipimilik ku saurang panumbu catur diantarana nya éta .....

• Nétral, objéktf, adil
• Pinter, kasép, bageur
• Amis budi, beunghar, taliti
• Gaya, kawentar, luwes

Jalma anu ahli biantara disebut...

• Orator
• profesor
• doktor
• koruptor

"Ngadegna sim kuring di dieu téh taya sanés hoyong ngadugikeun pangwilujeng ka Akang sareng Tétéh kelas XII anu parantos lulus ti ieu sakola. Tangtos seueur pangalam anu mundel, boh amisna boh peuheurna, anu tiasa janten eunteung kanggo sim kuring saparakanca dina neraskeun tapak lacak Akang kalih Tétéh dina ngulik pangarti." Kalimah biantara di luhur kaasup kana bagian ....

• bubuka
• eusi
• panutup
• salam panutup

Titénan ieu ungkara-ungkara bubuka dina biantara di handap. 1) Réréncangan nu dipikareueus 2) Assalamu'alaikum Wr.Wb 3) Bismillah nu jadi sekaring pangiring catur pangréka basa, malah mandar sagala amaliyah katut lalampahan jadi utama. 4) Sateuacanna hayu urang sasarengan sanggakeun puji sinareng sukur ka Gusti Nu Maha Agung anu parantos masihan kaséhatan réhna dina dinten ieu urang tiasa kempel riung mungpulung paamprok jonghok di ieu patempatan dina kaayaan séhat walafiat. 5) Para hadirin nu dimulyakeun ku Alloh SWT! Susunan ungkara bubuka biantara di luhur anu merenah nya éta ....

• 1,2,3,5,4
• 3,2,5,1,4
• 4,5,3,2,1
• 2,1,5,3,4

leu dihandap padika atawa léngkah-léngkah dina nyieun téks biantara anu bener nyaéta...

• Jejerna aktual, rangkayna weweg, eusina basajan, basana loma
• Jejerna aktual, rangkayna weweg, eusina basajan, basana hormat
• Jejerna aktual, rangkayna weweg, eusina mundel, basana hade
• Jejerna aktual, rangkayna weweg, eusina basajan, basana lemes