Kuiz Bahasa Using

Urip nong dunya iku kang apik bisa nguweni manpaat nong wong liya, iku salah siji maknane isine peras kang disimbulaken ambi...

• Lawe wenang

• Gula jawa

• Kelapa

• Pitik lanang lan wadon

Aran urip sara wong Banyuwangi wis tuwuk kebontang banting. Mulai perang ambi Mataram, Blambangan sing tau aman. Taunan dijajah Landa urip sara sing kira-kira. Serta akhire Mas Alit munggah dadi Bupati, endheng-endhengan Banyuwangi bisa ngangso nata awake, dandan sakcukupe. Sedurunge, sing kober seneng-seneng. Saiki arep paran bain keturutan. Kahanan gedigi disukuri ambi Rakyat Banyuwangi. Apuwa sedurunge Mas Alit dadi bupati, wong Banyuwangi sing kober seneng-seneng?

• Urip sara wis tuwuk

• Kepingin seneng-seneng sing keturutan

• Blambangan sing tau aman

• Perang ambi Mataram lan taunan dijajah Landa

Kadhung kepingin lebih parek ambi alam lan kepingin weruh wisata laut age-age nyanga pesisir Bangsring kecamatan Wongsorejo. Aran wisatane Bangsing Underwater utawa disingkat Bunder, taman laute bener-bener dirumat lan dijaga. Hang nggarai betah ring kana rika disuguhi maneka rupa iwak-iwak laut. Bunder iki uga panggonan kanggo ngerumat terumbu karang. Ana terumbu karang alami lan terumbu karang gawean. Gunane panggonan iki wujud usaha lan perjuwangane para nelayan ring Desa Bangsring. Ringkesane wacan ndhuwur...

• Disuguhi maneka rupa iwak laut

• Bangsring Underwater wujud usaha lan perjuwangane para nelayan

• Betah ring kana

• Bangsring Underwater utawa disingkat Bunder

Sedina muput tabuhane sing mandheg belaka, cengkang-cengkung abane gong, suwara kendhang, kempul, lan serompet saut-sautan, tambah soren jaranane akeh hang kesurupan, malah ana kang sing gelem digambuhi. Nurut wacan ndhuwur carane ngunekaken serompet...

• Dikeplak

• Disemprong

• Digosok

• Dithuthul

Wis seminggu iku Jaemah lara nginep nong puskesmas. Emake kerasa bingung merga Jaemah hing kelebon panganan blas sakliyane ngombe banyu putih. Madang buru...wetenge wis kerasa seneb. Kalimah wilangan kang cocok enggo ngelengkapi kalimah ndhuwur yaiku...

• Sepiring

• Sak jumput

• Sak kepel

• Sak puluk

Timbang dadi kembang lambe ilangana sipat elek, kudu rukun ambi kanca, sing ulih duwe sipat iri lan sombong, paran maning ngaku lan rumangsa pinter dhewek sak kancaan. Kembang lambe artine...

• Dadi omongan elek

• Lambene ana kembange

• Didhemeni kanca

• Dadi lakon

Wis tah aja deling kambang wonten lautan kabeh iku Pangeran hang ngatur, antarane dulur aja kayu cendhek temumpang ring lambang, hang rukun makene apik disawang tangga. Artine kayu cendhek temumpang ring lambang...

• Rukun

• Gelibegan

• Sender-senderan

• Gandholana

Anggepe kaya wong sugih, sombong kaya hang paling pinter dhewek, lagake ngalah-ngalahi Ndara Biskal padhahal nong umah nana diuntal. Unen-unen hang cocog kanggo kalimah ndhuwur...

• Sundhul langit wibawane

• Cankrak ungkal

• Kembang terong

• Kembang lambe

Bik Saripah mbelung nangka mikir hang lanang ngumbara nong kadohan kerana lawas seru sing ana teka, angger mapan turu jumplang-jampling mikir kapan tekane. Ucap balen ndhuwur iku kelebu...

• Ucap balen murni

• Ucap balen samar

• Ucap balen uwah suwara

• Ucap balen sak bagian

Kanggo ramonane adol rujak Bik Sanah tuku janganan, lembayung, kacang jangan, junggul, ebung, ambi kangkung telung... lan gedhang keluthuk sak lirang. Takeran lan ukuran kang tepak kanggo nyukupi kalimah ndhuwur yaiku...

• Curung

• Unting

• Tala

• Dompol