Kuis Drama

KABAYAN DIUK DINA GOLODOG, NYARANDÉ KANA TIHANG BARI NUNDUTAN, TULUY NGAGOLÉDAG. DIHARUDUM SARUNG.

Pupuh Balakbak (Rampak)

Aya imah sisi lembur mencil pisan, ku simpé

Hateup eurih bilik awi butut pisan, teu agréng

Nu bogana, nu bogana

Mang Kabayan geus kasohor, bet ahéng

Sempalan téks drama di luhur téh kaasup kana wangun drama…

• gending karesmén

• banjét

• sandiwara

• téatér

• longsér

Sanip           : “Buru lalaunan, lalaunan!”

Ajén              : “Buru bantuan! Lain lalaunan

                        lalaunan!”

Sanip            : “Sip atuh, urang gancangan

                       asupkeun kana karungna!”

Ajen              : “Bawa tuh katél jeung sosodok!”

Sempalan naskah drama di luhur kaasup kana bagéan…

• dialog

• monolog

• prolog

• epilog

• latar/setting

Di hiji rohangan. Peuting.

Dalka keur néangan bulan tina jandéla. Burhan diuk sila rada béh juru bangun nu keur menekung. Sarwani keur sasaréan dina bangku bari melong lalangit. Ti kajauhan kadéngé sora tihang listrik ditakol 10 kali. Unggal sorana ngabelentrang, ku Dalka diitung.

Unsur anu ngadominasi dina sempalan téks drama di luhur nya éta…

• latar

• tokoh

• amanat

• galur

•       téma

MANÉHNA JONGJON NGEUNTEUNG. NEUTEUP IMEUT KANA BAGIAN-BAGIAN BEUNGEUT JEUNG AWAKNA: IMUT, KERUNG, JEBI, JSB

Ih geus puncengis deui, geuning. Tanda cinta téh. Tanda cinta anu tara bisa dibobodo téa. Hé hé.. jarawat.

Sempalan naskah drama di luhur kaasup kana bagéan…

• dialog

• monolog

• prolog

• epilog

• adegan

Dua garong kalabur, di Imah Pa RT pada ngadagoan garong nepi ka isuk-isuk, tapi teu datang deui. Maranéhna sadar yén garong téh geus nipu saréréa. Ku sabab tunduh kénéh, nepi ka bisa katipo ku garong.

Sempalan naskah drama di luhur téh kaasup kana bagéan…

• dialog

• adegan

• prolog

• monolog

• epilog