Dongeng 1

Baca sempalan dongéng ieu di handap!

“Ngadéngé jawaban kitu, Sakadang Monyét saré deui. Meni dug-ker. Ari Sakadang Kuya mah rada hésé kana saré deuina téh. Keur kitu, kadéngé Jang Onyé ngalindur. Cenah, "Ah, isukan mah rék ngala nangka.”

Dumasar kana sempalan dongéng di luhur, dongéng di luhur kaasup kana jenis ...

• A.    Farabel

• B.    Fabel

• C.    Sage

• D.    Sasakala

Ieu di handap mangrupa ungkara anu sipatna pamohalan, nya éta ...

• A.    Si Kabayan ngala nangka tuluy dipalidkeun ka walungan

• B.    Sakadang peucang lumpat tarik sataker kebek

• C.    Patih Selang Kuning ngalegaan wilayah karajaan Galuh

• D.    Sakadang peucang ngajak balap lumpat ka sakadang tenggek

Baca sempalan dongéng ieu di handap!

“Ku naon meni atoh atoh teuing manéh téh?” “Kumaha  rék teu atoh, kuring mah rék dikawinkeun ka anak aki pangebon, naha manéh can nyaho? Indungna ayeuna keur ka pasar balanya keur hajat.” Tuluy sakadang monyét mikir. Otak licikna mimiti digawé. Pok ngomong kieu ka sakadang kuya “Kumaha mun ku déwék dihilian euy? Manéh kaluar urang rék asup kana kurungan” “Ah embung, engké manéh geus dikawinkeun ka anak aki pangebon manéh poho ka urang.” Ceuk sakadang kuya bari terus igel- igelan.” “Is moal atuh sanajan geus jadi minantu aki pangebon ogé.” “Heug atuh ari kitu mah, asal kuring anteurkeun heula ka leuwi.” Kacaritakeun sakadang kuya geus dialungkeun kawahangan, tuluy sakadang monyet asup kana kurungan. Teu lila aki pangebon datang bari ngagorowok ka pamajikannana, “Pamajikan, geura peuncit kuya anu dikurungan téh, ari geus aya samarana mah.” Ngadéngé kitu, sakadang monyét reuwas awakna ngeleper bawaning ku sieun, tuluy sakadang monyét papaéhan, barang kurung dibuka aki pangebon héraneun, naha kuya jadi monyet? geus paéh deuih? tuluy sakadang monyét dialungkeun ka jarian, ari gubrag téh sakadang monyet beretek lumpat.

 

Dumasar ungkara dongéng di luhur, nu ngalantarankeun sakadang kuya igel-igelan téh nya éta ....

• A.     Sakadang kuya api api atoh, padahal rék nipu sakadang monyét

• B.     Sakadang kuya atoh rék dikawinkeun jeung anak aki pangebon

• C.     Sakadang kuya atoh bisa méakeun cau

• D.     Sakadang kuya atoh dikurungan ku aki pangebon

Upama nilik kana obrolan sakadang kuya jeung sakadang monyét, tétéla monyét ngabogaan sifat ....

• A.    Licik tapi sarakah

• B.    Licik jeung sarakah

• C.    Licik tapi bodo

• D.    Licik jeung bodo

Dongéng wangun na pondok jeung susunan basa nu dipakéna basajan, lantaran ...

• A.    Dongéng wangun lisan

• B.    Objék nu ngadéngékeunana biasana barudak

• C.    Waktu ngadongéng ngan ukur panyelang

• D.    Dongéng teu kapanggih saha nu mimiti nyiptakeun éta carita