ວິຊາ ພາສາລາວມ.1 (10)2021

ການອ່ານມີຈັກປະເພດຄືປະເພດໃດແດ່?

• ມີ 2 ປະເພດຄື: ການອ່ານແບບເປັນທາງການ ແລະ ບໍ່ເປັນທາງການ.
• ມີ 2 ປະເພດຄື: ການອ່ານຄົນດຽວ ແລະ ອ່ານໃຫ້ຄົນອື່ນຟັງ.
• ມີ 2 ປະເພດຄື: ການອ່ານໃນໃຈ ແລະ ອ່ານອອກສຽງ.
• ມີ 2 ປະເພດຄື: ການອ່ານໃນໃຈ ແລະ ອ່ານໃນທີ່ສາທາລະນະ.

ຂໍ້ໃດບໍ່ແມ່ນຈຸດປະສົງຂອງການອ່ານ?

• ອ່ານເພື່ອຄົ້ນຄວ້າສຶກສາຫາຄວາມຮູ້ໃໝ່ໆ.
• ອ່ານເພື່ອຮັບຮູ້ຂາວສານຄວາມເປັນຈິງ ຫຼື ຫາຄໍາຕອບໃນສິ່ງທີ່ເຮົາສົງໄສ.
• ອ່ານເພື່ອຄວາມບັນເທີງ ແລະ ຄວາມມ່ວນຊື່ນ.
• ອ່ານເພາະບໍ່ມີແນວເຮັດ.

ສຽງໃນພາສາມີຈັກຊະນິດຄືຊະນິດໃດແດ່?

• ມີ 2 ຊະນິດຄື: ສຽງພະຍັນຊະນະ ແລະ ສຽງສະຫຼະ.
• ມີ 3 ຊະນິດຄື: ສຽງແທ້, ສຽງແປ ແລະ ສຽງດົນຕີ.
• ມີ 2 ຊະນິດຄື: ສຽງແທ້ ແລະ ສຽງດົນຕີ.
• ມີ 2 ຊະນິດຄື: ສຽງແປ ແລະ ສຽງດົນຕີ.

ອົງປະກອບຂອງການແຕ່ງເລື່ອງມີຈັກພາກສ່ວນຄືພາກສ່ວນໃດແດ່?

• ມີ 2 ພາກສ່ວນຄື: ເປີດຫົວເລື່ອງ ແລະ ເນື້ອເລື່ອງ.
• ມີ 2 ພາກສ່ວນຄື: ເປີດຫົວເລື່ອງ ແລະ ສະຫຼຸບເລື່ອງ.
• ມີ 3 ພາກສ່ວນຄື : ເປີດຫົວເລື່ອງ, ເນື້ອເລື່ອງ ແລະ ສະຫຼຸບເລື່ອງ.
• ມີ 3 ພາກສ່ວນຄື: ເປີດຫົວເລື່ອງ, ວິເຄາະເລື່ອງ ແລະ ສະຫຼຸບເລື່ອງ.

ການອ່ານມີຄວາມສໍາຄັນແນວໃດ?

• ຊ່ວຍຝຶກໃນການອອກສຽງອັກຂະຫຼະ.
• ຊ່ວຍໃຫ້ການສື່ສານດີຂຶ້ນ.
• ຊ່ວຍໃຫ້ເຮົາໄດ້ທັກສະການໃຊ້ພາສາ.
• ຊ່ວຍໃຫ້ເຮົາໄດ້ຄວາມຮູ້, ຮູ້ທັນເຫດການທີ່ປ່ຽນແປງໄປ.

ຫຼັກການອ່ານທີ່ຖືກຕ້ອງໄດ້ແບ່ງອອກເປັນ ຈັກຊະນິດ?

• ມີ 2 ຊະນິດ
• ມີ 3 ຊະນິດ
• ມີ 4 ຊະນິດ
• ມີ 5 ຊະນິດ

ຂໍ້ໃດແມ່ນຫຼັກການຂຽນ?

• ໃຊ້ພາສາເວົ້າປົນພາສາຂຽນ.
• ຂຽນໃສ່ປຶ້ມຕໍາລາຮຽນ.
• ຂຽນໃຫ້ຈະແຈ້ງ, ສະອາດ, ຈົບງາມ, ຖືກຕ້ອງຕາມພາສາລາວ.
• ໃຊ້ສໍານວນສັບປົນກັບພາສາຕ່າງປະເທດ.

 ຂໍ້ໃດບໍ່ແມ່ນມາລະຍາດໃນການຂຽນ?

• ຂຽນບິດເບືອນຄວາມຈິງ
• ຂຽນໃຫ້ຖືກວິທີຕາມຮູບແບບຫຼັກການຂຽນ.
• ຕ້ອງຂຽນໃຫ້ຖືກວັກ, ຕອນ, ຍະຫວ່າງ, ຫຍໍ້ໜ້າໃຫ້ຖືກຕ້ອງ.
• ບໍ່ຄວນຂຽນຂໍ້ຄວາມທີ່ສະແດງເຖິງສິ່ງທີ່ເປິເປື້ອນ.

ການແຕ່ງເລື່ອງ ໝາຍເຖິງຫຍັງ?

• ໝາຍເຖິງ ການຈັດລໍາດັບຂໍ້ຄວາມຕ່າງໆໃຫ້ກາຍເປັນເລື່ອງທີ່ໜ້າສົນໃຈ.
• ໝາຍເຖິງ ການຂຽນເລື່ອງໃດເລື່ອງໜຶ່ງ.
• ໝາຍເຖິງ ການຈົດກ່າຍເລື່ອງໃດເລື່ອງໜຶ່ງ.
• ໝາຍເຖິງການຖ່າຍທອດຄວາມຮູ້.

 ການແຕ່ງເລື່ອງມີຈັກຂັ້ນຕອນ?

• ມີ 2 ຂັ້ນຕອນ.
• ມີ 3 ຂັ້ນຕອນ.
• ມີ 4 ຂັ້ນຕອນ.
• ມີ 5 ຂັ້ນຕອນ.