SALAWIKAIN

Habang maiksi ang kumot, matuto munang mamaluktot. Kung mahaba na at malapad, saka na mag-unat-unat.

• Hindi mo matatakpan ang paa mo kung maiksi ang kumot kaya bumili ka ng mahaba para hindi ka nakabaluktot.

• Lalamukin at giginawin ka kapag nagkumot ka ng maiksi.

• Kung ano ang mayroon ka ay pagkasyahin mo muna. Saka ka na lang gumasta nang malaki-laki kapag mas mayroon ka na ring mas maraming pera.

• Huwag kang matulog nang nakaunat ang paa mo kung maiksi rin naman ang kumot mo.

Hindi lahat ng kumikinang ay gintoSapagkat may sarili ring kinang ang tanso.

• Mag-iingat ka parati at huwag magpapadala sa taong akala mo ay may mabuting kalooban. Maaaring ang taong iyon ay mabait lamang sa simula. Kilatisin mong mabuti kung ang sinasabi niya ay ang katotohanan.

• Huwag kang bibili ng alahas sa hindi mo kakilala. Baka ka maloko.

• Kung may mapulot kang makinang huwag ka kaagad mag-akalang ginto iyon. Baka mapeke ka lang.

• Ang ginto at tanso ay parehong makinang.

Bago ka pumuna ng uling ng iba, uling sa mukha mo’y pahirin mo muna.

• Tanggalin mo muna ang uling sa mukha mo bago mo tingnan ang uling sa mukha ng kaharap mo.

• Maghilamos ka muna bago ka makiharap sa ibang tao.

• Kakalat ang uling sa mukha ng ibang tao kapag ikaw ang nagpahid nito. Hayaan mong siya ang maglinis ng mukha niya.

• Bago ka magsalita nang kung anu-ano tungkol sa ibang tao, tingnan mo muna ang sarili mo’t baka mas marami kang kapintasan.

Matalino man ang matsing, napaglalalangan din.

• Ang mga matsing ay matalino ngunit mas matalino sa kanila ang ibang hayop.

• Kahit gaano ka man katuso o katalino, mayroon pa ring mas matalino o tuso kaysa sa iyo.

• Ang matsing ay matalinong hayop na ayaw malamangan.

• Kahit matalino ang matsing, puwede pa rin siyang maloko.

Saan mang gubat ay may ahas.

• Lahat ng kagubatan sa Pilipinas ay tinitirhan ng mga ahas at iba pang mga hayop.

• Hindi nawawalan ng masasamang tao. Kahit saan ka magpunta ay may taong hindi mabuti ang kalooban.

• Ang mga gubat ay pinamamahayan ng mga ahas.

• Ang ahas ay magaling maglungga lalo na sa mga lugar na mapuno.