REVIEWER AP10(25-26)

Ano ang tinutukoy sa mga pampublikong bagay na may kaugnayan sa krisis o

suliranin sa mga institusyong panlipunan. Mga suliranin ito na nakakaapekto

hindi lamang sa isang tao kundi sa lipunan sa kabuuan?

• Isyung Personal

• Isyung Panlipunan

• Isyung Ekonomiko

• Isyung Sibiko

Alin sa mga sumusunod ang HINDI nagpapamalas ng halimbawa ng

Kontemporaryong Isyu?

• Pagbebreak ng tambalang Jadine

• Pagpapasara sa istasyon ng telebisyon na ABS-CBN.

• Kawalan ng hanapbuhay ng maraming manggagawang Pilipino

• Ang paglaganap ng pandemya (COVID 19) sa buong mundo.

Paano masasabi na ang isang pangyayari o suliranin ay isang

Kontemporaryong Isyu?

• Ito ay may malinaw na halaga sa lipunan o sa mga mamamayan.

• Ito ay may epektong hindi kawili-wili sa mga tao at lipunan.

• Ito ay may matinding impluwensya sa buhay ng tao,sa lipunan at sa

  pulitikal na kalagayan

• Ito ay may mga temang napag-uusapan at may positibong impluwensya sa

  lipunan.

Dahil sa patuloy na pagtaas ng halaga ng dolyar kontra piso at ng pinsalang

idinulot ng Bagyong Karding sa sektor agrikultura, lalong nagiging mahirap sa

mga ordinaryong manggawang Pilipino na pagkasyahin ang kanyang minimum

wage para sa mga gastusin sa araw-araw. Ang sitwasyon ay nagpapakita ng

anong uri ng kontemporaryong isyu?

• Isyung Personal

• Isyung Pangkapaligiran

• Isyung Panlipunan

• Isyung Pangkalakalan/Ekonomiya

Patuloy ang pag-iral ng ibat-ibang kontemporaryong isyu lalo na sa panahon

natin ngayon at lubhang naka-aapekto ang mga ito sa ibat-ibang aspekto ng

ating buhay. Ano sa iyong palagay ang mahalagang tungkulin ng kabataang

kagaya mo upang malunasan o kung hindi man ay mabawasan ang epekto ng

mga isyung ito?

• Tularan ang ginagawa ng mga kabataan sa kasalukuyan.

• Maglatag ng mga alternatibong kayang maisakatuparan at maging kabahagi

  ng mga solusyon.

• Magpanukala ng mga napapanahong batas at ordinansa para sa kaunlaran

  ng lipunang kinabibilangan.

• Lumabas sa lansangan at sumama sa pakikibaka ng mga makakaliwang

  grupo para humingi ng mga pagbabago sa pamahalaan.

Anong batas ang ipinatupad upang magkaroon ng legal na batayan sa iba’t

ibang desisyon at proseso ng pamamahala ng solid waste sa bansa?

• Republic Act 9003

• Republic Act 8742

• Republic Act 7942

• Republic Act 7586

Paano tuwirang naaapektuhan ng climate change ang ating bansa kung aspeto

ng kalusugan ang bibigyang pansin?

• Patuloy ang pagtaas sa insidente ng dengue sa mga nasa squatters area.

• Pagliit ng produksiyon ng pagkain bunga ng el Nino at La Nina

• Paglakas ng bagyo na nagdudulot ng pagbaha at landslides

• Pagdami ng katiwalian sa pangangalaga ng kalikasan

Bakit mahalaga ang pagtutulungan ng iba’t ibang sector sa pagsugpo sa mga

suliraning pangkapaligiran?

• Mabalikat ang lahat sa pagsugpo sa iba’t ibang suliraning pangkapaligiran

• Malawak na suliranin ang mga isyung pangkapaligiran na nararapat

  harapin ng iba’t ibang sector sa lipunan.

• Makababawas sa mga gastusin ng pamahalaan ang pagtulong ng iba’t-ibang

  sektor sa pagsugpo sa mga suliraning pangkapaligiran

• Mahihikayat ang maraming dayuhan na pumunta sa ating bansa kung

  mawawala ang mga suliraning pangkapaligiran nito.

Malaki ang bahaging ginagampanan ng lokasyon sa pagtukoy sa mga

suliraning pangkapaligiran na maaring maranasan ng isang bansa. Katulad na

lamang ng Pilipinas na kabilang sa Pacific Typhoon Belt dahilan upang

makaranas tayo ng malalakas at palagiang pagbagyo, bukod pa dito ay

kabilang tayo sa Pacific Ring of Fire kung kaya’t ______________________________.

• madalas magkaroon ng forest fire

• maraming naitatalang biktima ng sunog dala ng kapabayaan

• mayroong mga kaso ng ilegal na pagkakaingin sa mga kabundukan

• madalas makaranas ng mga pagyanig o paggalaw ng lupa sapagkat

  maraming aktibong bulkan sa bansa

Ngayong taong 2022, naranasan natin ang hagupit ng bagyong Karding.

Bagama’t ito ay maituturing na isa sa pinakamalakas na bagyong tumama sa

ating bansa, maliit lamang ang naiulat na pinsala na dulot ng bagyong ito

kumpara sa mga nakaraang tala. Ang mga sumusunod ay maaaring dahilan

nito maliban sa __________________________________________________________.

• Bukas ang kaisipan ng mga mamamayan sa panahon ng kalamidad

• Nakapaghandang mabuti ang mga mamamayan dahil sa maagap na

  anunsiyo ng local na pamahalaan

• Marami sa mga Pilipino ay nannatili sa kanilang tahanan upang bantayan

  ang kanilang mga ari-arian

• Natatakot na ang mga Pilipino sa pinsalang maaring dulot ng bagyo bunsod

  ng kanilang mga naging karanasan sa mga nagdaang kalamidad