Ikaapat na Lagumang Pagsusulit sa Filipino 5-1st Kwarter

Sa isang family reunion, ipinakilala ni Carla ang kanyang sarili sa isang matandang kamag-anak na ngayon lamang niya nakilala. Aling paraan ng pagpapakilala ang pinakatama at kultural na angkop sa sitwasyong ito?

• Hi! I'm Carla.

• Uy, ako pala si Carla.

• Magandang araw po, ako po si Carla, apo po ako ni Mang Tomas.

• Uy, kamag-anak pala kita!

Nakatanggap ka ng liham mula sa kaibigang matagal mo nang hindi nakikita. Sa liham, ikinuwento niya ang hirap niya sa online learning. Ano ang pinakaangkop na paraan ng pagsagot mo sa kanyang liham?

• Bakit ngayon ka lang sumulat?

• Hindi ko alam kung ano ang masasabi ko.

• Nalulungkot akong marinig iyan, kaibigan. Sana'y magkita tayo muli at magkuwentuhan.

• Ako rin, ayoko na sa school.

Napansin mong may bagong kaklase na hindi pa nakikihalubilo sa iba. Gusto mo siyang makausap pero nahihiyang lumapit. Anong angkop na wika ang maaari mong gamitin upang simulan ang pakikipagkaibigan sa paraang magalang at naaayon sa sitwasyon?

• Ang tahimik mo naman, gusto mo bang makipagkaibigan?

• Pwede bang sumama ka na lang sa amin?

• Kumusta ka? Ako si Mark. Gusto mo bang sumama sa amin?

• Uy, bakit ganyan ka?

Sumusulat ka ng panuto para sa paggawa ng simpleng paper craft para sa inyong proyekto. Anong panandang ginagamit sa tekstong naglalahad ang dapat mong gamitin upang maging malinaw ang mga hakbang?

• Ngunit, datapwat, subalit

• Una, pangalawa, pagkatapos

• Dahil, sapagkat, upang

• Gayundin, bukod pa rito, kaya

Nakita mo ang isang slogan na may temang pangkalikasan na ganito: "Bawat Basura, May Kinalalagyan - Kalikasan ay Alagaan!" Ano ang layunin ng slogan na ito bilang bahagi ng multimedia?

• Magsalaysay ng karanasan

• Magpahayag ng emosyon

• Manghikayat at magbigay ng paalala

• Magbigay ng impormasyon

Sa isang open forum sa klase, sinabi ng kaklase mong si Julia: "Hindi ako sang-ayon sa panukala dahil masyado itong magastos." Ano ang maaaring pinakaangkop mong sagot upang ipakita ang panang-ayon na may respeto sa kanyang opinyon?

• Wala kang alam!

• Tama ka Julia, pero may iba pa tayong paraan upang mapagtipid ito.

• Mali ka! Dapat tuloy ang proyekto.

• Ganyan ka talaga palagi.

Ipinapanood sa inyo sa klase ang isang instructional video tungkol sa tamang paglalaba. May mga subtitles at tekstong lumalabas sa video. Ano ang mahalagang dahilan kung bakit idinagdag ang text at subtitle sa multimedia presentation?

• Para mas maging makulay ang video

• Para hindi na kailangan ng guro

• Para madaling masundan ang proseso kahit walang tunog

• Para madagdagan ng salita ang video

Gumawa ka ng infographic tungkol sa tamang nutrisyon at gumamit ka ng mga salitang: "Una," "Pangalawa," "Pangatlo," at "Sa wakas." Anong kayarian ng teksto ang ginamit mo?

• Naghahambing

• Naglalahad (pagsusunod-sunod sa proseso)

• Nanghihikayat

• Nagpapaliwanag ng sanhi at bunga

Sa biruan ng magkakaibigan, sinabi ni Mico sa kaklase niyang si Alan: "Ang talino mo talaga, parang calculator!" Paano mo maipapaliwanag na ito ay positibong biruan?

• Dahil sinasabi nito na wala talagang alam si Alan

• Dahil inaasar niya lang si Alan sa harap ng iba

• Dahil pinalalakas nito ang loob ni Alan sa positibong paraan

• Dahil gusto ni Mico na matawa ang iba

Ikaw ay gagawa ng liham-pangkaibigan. Ilalagay mo ang tirahan at petsa kung saan at kailan mo isinulat ang liham. Sa anong bahagi ng iyong liham mo ito maaaring isulat?

• Pamuhatan

• Bating Pangwakas

• Bating panimula

• Katawan ng Liham