UJIAN SEKOLAH BAHASA JAWA

Gatekna geguritan iki!

Bocah sekolah iku

Wajibe kudu sregep sinau

Mituhu wong tuwa lan manembah Gusti

Bakal seneng urip iki

Gegayuhan mesthi klakon.

Isi geguritan ing dhuwur yaiku bocah sekolah iku gegayuhane bakal klakon yen ....

• sregep sinau, mituhu wong tuwa, lan manembah Gusti

• bakal urip seneng, mituhu wong tuwa, lan manembah Gusti

• sregep sinau, bakal urip seneng, lan mituhu wong tuwa

• bakal urip seneng , manembah marang Gusti, lan wong tuwa

Wacanen kang patitis!

Prabu Yudhistira iku ratu ing negara Ngamarta. Garwane asma Dewi Drupadi.

Yudhistira ratu kang jujur, ora tau nesu, lembah manah, lan seneng ngalah. Sajrone dadi ratu, Yudhistira tansah tumindak adil lan ngutamakake kapentingan kawulane. Mula negarane gemah ripah loh jinawi, tata tentrem, karta raharja, kawulane guyub rukun lan sengkut makarya.

Isi wacan ing dhuwur yaiku ….

• Prabu Yudhistira iku ratu kang jujur lan ora seneng ngalah, tansah tumindak adil, lan ngutamakake kapentingane kawulane

• Prabu Yudhistira ratu ing Ngamarta watake luhur tansah tumindak adil lan ngutamakake kapentingan kawulane

• Ngamarta negara gemah ripah loh jinawi, tata tentrem, karta raharja, kawulane guyub rukun lan sengkut makarya.

• Negara kondhang gemah ripah loh jinawi, tata tentrem, karta raharja, kawulane guyub rukun lan sengkut makarya.

Nyadran

Nyadran iku kalebu salah sawijining tradhisi adat Jawa kang dileksanani saben wulan Ruwah seminggu sadurunge dhugdheran ngadhepake wulan Pasa. Wujude tradhisi Nyadran yaiku tilik lan reresik kubur sarta kirim donga kanggo para leluhur kang wis seda. Kang diancasana ing tradhisi Nyadran iki yaiku ndongakake para leluhur kang wis seda supaya diapura sakabehing dosane dening Gusti Allah.

Tradhisi Nyadran iki antarane desa siji lan desa liyane ora padha utawa ora bareng. Biyasane tradhisi Nyadran diwiwiti tanggal 15 sasi Ruwah. Dene dipungkasi ing punkasan wulan kira-kira tanggal 27. Malah ana sing ngepasi nganti tanggal 29. Panetepaning wektu kanggo ngleksanani tradhisi Nyadran gumantung rembuge warga desa.

Isine wacan ing dhuwur yaiku ….

• acara Nyadran iku ndongakake para leluhur kang wis seda supaya dingapura dosane dening Gusti Allah.

• tradhisi tilik lan reresik kubur sarta kirim donga kanggo para leluhur kang wis seda kang dileksanani warga desa

• Nyadran iku dileksanani saben wulan Ruwah kanthi reresik kubur sarta kirim donga kanggo para leluhur kang wis seda.

• tradhisi reresik kubur lan kirim donga diwiwiti tanggal 15 nganti dipungkasi ing tanggal 29 ing sasi Ruwah .

Wacane ....

• Adik dolanan boneka

• Bapak tindak kantor

• Aku lunga sekolah

• Ibu tindak peken

Prabu Dewatacengkar ratu ing Medhangkamulan sing wengis lan seneng mangan daging wong. Mula kawulane padha ngungsi, wedi yen dadi pangane ratune. Ajisaka trenyuh atine banjur sabiyantu kawula Medhangkamulan. Ajisaka madhep marang Dewatacengkar menawa dheweke gelem dadi dhaharane, nanging njaluk syarat. Ajisaka njaluk lemah saambene ikete, lan Dewatacengkar nyaguhi. Bareng iket dibukak, Dewatacengkar kang nyeneng iket nganti tekan segara kidul. Ajisaka nyendhalake ikete njalari Dewatacengkar kecemplung segara lan malih dadi baya putih. Wiwit wektu kuwi Ajisaka dadi ratu ing Medhangkamulan lan kawulane urip ayem tentrem.

Dudutan utawa simpulan crita ing dhuwur yaiku ….

• Ajisaka sing wengis lan seneng mangan daging wong.

• Ajisaka wani marang Prabu Dewatacengkar.

• Ajisaka mbiyantu rakyat Medhangkamulan.

• Ajisaka dadi kawulane Prabu Dewatacengkar.

Gatekna tembang Gambuh ing ngisor iki !

Sekar gambuh ping catur,

Kang cinatur polah kang kalantur,

Tanpa tutur katula-tula katali,

Kadaluwarsa kapatuh,

Kapatuh pan dadi awon.

Isi tembang Gambuh ing dhuwur yaiku ....

• pocapan kang trep bisa njalari cilaka

• pocapan kang ora trep bisa njalari cilaka

• solah bawa kang ora trep bisa njalari urip mulya

• solah bawa kang trep bisa njalari nelangsa

Bima Bungkus

Raden Werkudara utawi Bima kagungan asma kathah sanget, kadosta: Bratasena, Balawa, Birawa, Bayusuta, lan Jagal Abilawa. Raden Werkudara punika putranipun Dewi Kunthi kaliyan Prabu Pandudewanata. Nalika miyos, Werkudara utawi Bima punika awujud bungkus. Badanipun kabungkus “selaput” kang mboten saged dipun suwek ngagem gaman punapa kemawon. Babagan punika ndadosaken Dewi Kunthi lan Prabu Pandudewanata manahipun mboten sekeca. Lajeng Begawan Abiyasa kaliyan Pandu mbucal bayi bungkus wonten ing tengah wana Krendhawahana.

Isine crita ing dhuwur yaiku ….

• Raden Werkudara utawa Bima kagungan asma akeh banget, kayata: Bratasena lan Jagal Abilawa.

• Raden Werkudara iku putra nomer loro saka Dewi Kunthi karo Prabu Pandudewanata.

• Bima putrane Prabu Pandudewanata nalika lair awujud bungkus dibuwang ing tengah alas Krendhawahana.

• Begawan Abiyasa karo Prabu Pandu mbuwang bayi bungkus ing tengah Alas Krendawahana.

Ukara “tukang gawe sega bakar” yen ditulis nganggo aksara Jawa sing bener ana ing nomer ….

• 1

• 2

• 3

• 4

Bapak lan Ibu Guru sarta para siswa, ana ing kalodhangan iki, Bapak arep ngandhakake bab kebersihan lan kuwarasan. Tegese mengkene, menawa sekolah kita resik, para siswa banjur bisa ngrasakake seneng ana ing sekolahan amarga sekolah iki asri lan endah. Kajaba saka kuwi, para siswa dadi sehat amarga adoh saka lelara. Mula, ayo kita kabeh kudu ngupaya kepriye carane sekolah iki bisa resik kapan wae, ora ana panggonan reged. Regu piket kudu sengkut anggone tugas. Dene sing pinuju ora piket, ya ayo padha melu njaga kebersihan. Muga-muga kanthi njaga kebersihan, para warga sekolah tansah sehat.

Tembung kang kacetak miring ana wacan ing dhuwur tegese ….

• longgar wektu, kepenak dideleng

• longgar wektu, panggonan kang sehat

• sekolah, panggonan kang sehat

• sekolah, kepenak dideleng

1. Wosipun sumpah saha prasetya punika dipunwarisaken dhumateng putra wayah lan mujudaken sedaya gegayuhan kamardikan saha gesang kanthi gemah ripah loh jinawi tata tentrem kerta raharja.

2. Bapak Kepala Sekolah ingkang satuhu kula bekteni, Bapak lan Ibu Guru saha sedaya para rawuh ingkang kula mulyaaken. Mangga kita sedaya ngaturaken puji syukur wonten ngersanipun Gusti Allah Ingkang Mahaagung ingkang tansah paring nikmat dhumateng kula lan panjenengan sami.

3. Cekap semanten ingkang saget kula aturaken babagan Sumpah Pemuda. Mbok bilih wonten klenta-klentunipun anggen kula matur, nyuwun agunging samudra pangaksama.

4. Mbok bilih ing tanggal 28 Oktober menika Bangsa Indonesia mengeti Dinten Sumpah Pemuda inggih punika salah satunggaling kadadosan ingkang nedahaken, dhateng kita sedaya bilih Bangsa Indonesia nggadhahi gegayuhan ingkang makantar-kantar.

Urutane supaya dadi pidhato kang trep yaiku ….

• 2 – 1 – 4 – 3

• 2 – 1 – 3 – 4

• 2 – 4 – 1 – 3

• 2 – 4 – 3 – 1