Upacara Adat Pethik Pari Wilayah Banyuwangi pancen kesuwur dadi daerah pertania, ambi asile uga dikenal sampek njaba negara. Wayah jaman Presiden Soekarno, beras Banyuwangi tau dikirim kanggo mbantu kelaparan ring Nepal. Sak liyane asil lan kesuburan, tradisi hang ngelingkupi tetani mau uga macem-macem. Kaya ring Dusun Sumber Rejeki, Desa sumber Asri, Kecamatan Purwoharjo, ana tradhisi adat pethik pari. Kaya desa liyane, ring puterane wayah tetanduran mau pancen diubengi tradhisi-tradhisi adat kanggo Ndonga nyang Hang Kuwasa makene tandurane selamet, sing keneng ama sampek panen. Uga ana tradhisi sukuran kanggo ngucap kesuwun nyang Hang Maha Kuwasa, merga diparingi panenan akeh lan luput teka ama penyakit. Naming saiki tradhisi adat mau, sithik-sithik wes mulai ilang. Paran maning piranti tetanen hang asale teka tenaga menungsa lan kewan, mulai disiluri ambi mesin. Maknane adat pethik pari iku ngandung nilai hang apik kadhung diungkapaken lan dijelenteraken, kanggo saiki uga wong waktu mengarep. Noring adat Pethik Pari diajaraken menungsa iku kudu urip rukun, padha ngajeni siji lan sijine, uga njaga hubungan menungsa ambi alam, serta menungsa ambi Gusti Allah. (@Hasan Sentot)
Paran judul wacan ring duwur ?