LS4- EL

Si Paul ay mahilig magtahi at magaling magdisenyo ng mga gown. Anong posibleng negosyo ang nababagay sa kanya?

• Magtayo ng sari-sari store.

• Magtayo ng couture house.

• Mag-apply sa pagawaan ng damit.

• Mag-apply sa tindahan ng mga tela.

Ginagampanan ni Ruel nang maayos ang trabaho sa kanilang kompanya. Hindi siya nahihiyang magtanong at magpaturo sa kanyang mga kasamahan. Ibinabahagi rin niya ang kanyang nalalaman. Ano ang pinakamalamang na magiging epekto ng pag-uugaling ito ni Ruel?

• Magiging modelong manggagawa siya.

• Uunlad ang kompanya dahil sa kaniya.

• Magiging responsable lahat ng manggagawa.

• Maghahanap ng panibagong manggagawa ang kompanya.

Si Ana ay nagbebenta ng yema. Sinisigurado niyang malinis ang pagkakagawa nito. Nilalagyan niya ito ng tamang sangkap upang mas magustuhan ng kanyang mga suki. Kung mapapanatili niya ang dekalidad na produkto, ano ang mangyayari sa kanyang negosyo?

• Matitigil ang paggawa ng produkto.

• Mababawasan ang bibili ng produkto.

• Pararamihin ang produksiyon ng produkto.

• Tatangkilin at hahanap-hanapin ang produkto.

Sa paglipas ng panahon, dahil sa kapabayaan at pang-aabuso sa kalikasan, unti-unting nasisira ang ganda ng mga pangunahing tourist destination sa ating bansa. Alin sa mga reaksiyon sa ibaba ang HINDI makatutulong sa paglutas ng problema?

• Magkibit-balikat at ipaubaya ang problema sa pamahalaan.

• Gumawa ng sama-samang pagkilos para sa pagsasaayos nito.

• Pag-aralan ang mga nakababahalang pangyayari sa kalikasan.

• Makiisa sa kampanya sa pagpapanatili ng kaayusan ng kapaligiran.

Ang Boracay ay isang malaparaisong lugar, subalit sa labis na pang-aabuso ng mga pumupunta dito, ito ay ipinasara ng anim na buwan. Sa muling pagbubukas ng Boracay, ipinatupad ang Municipal Ordinance No. 320 Series of 2018. Ito ay makatutulong sa paglutas ng problema dahil mahigpit na ipinagbabawal ang

• panghuhuli ng mga isda

• pagpasok ng mga dayuhan

• paggamit ng mga plastic at styrofoam

• pagtatayo ng mga gusali malapit sa dagat

Unang araw sa trabaho ni Glen, kaya maaga siyang pumasok. Siya ay nagulat sa lugar na kanyang pagtatrabahuan dahil napakagulo nito. Gumawa siya ng sistema sa pagtatrabaho, ngunit nangamba siya na baka hindi ito magustuhan ng kanyang superbisor. Ano pa ang maaari niyang gawin?

• Humingi ng permiso sa superbisor.

• Humingi ng tulong sa ibang trabahador.

• Iligpit ang mga gamit nang sama-sama.

• Hintayin na lamang kung ano ang sasabihin ng superbisor.

Si Alwin ay malikhain at mahilig magtanim ng iba’t ibang halaman. Ang kanilang bahay ay nakatayo sa harap ng sementeryo. Madalang ang nagpapalinis ng puntod, kaya siya ay naghahanap ng dagdag na mapagkakakitaan. Anong negosyo ang maaari niyang pasukin na HINDI nangangailangan ng malaking puhunan?

• Magbenta ng ataol.

• Magbukas ng karinderya.

• Magtinda ng bulaklak at kandila.

• Magbenta ng semento at buhangin.

Kung namimili si Aling Tessie, ayon lang sa kanilang pangangailangan. Minsan, nakabili siya ng mga produktong hindi naman niya balak bilhin. Napansin niyang makintab ang balot at talaga namang nakakahalina. Alin sa sumusunod ang magandang batayan upang bilhin ang isang produkto?

• Makikislap ang balot nito.

• Iniindorso ng maraming artista.

• Maayos ang pagkasalansan nito.

• Kompleto ang impormasyon sa etiketa.

Sa isang isla sa Barangay Malibayo ay may isang tindahan na nagbebenta ng mga pangunahing pangangailangan ng mga tao doon. Ang paninda dito ay halos doble ang presyo, ngunit napipilitan silang bumili dito dahil kinakailangan pa nilang tumawid ng dagat papuntang bayan upang doon bumili ng mas mura. Alin sa sumusunod ang maaaring mangyari kung magkakaroon ng kooperatiba sa isla?

• Bababa ang presyo ng paninda.

• Magkakaroon ng pondo ang barangay.

• Bababa ang dami ng produktong paninda.

• Marami ang pupunta sa bayan upang doon bumili.

Ang isang manggagawa ay may mga karapatan at mga tungkulin. Alin sa sumusunod ang HINDI tungkulin?

• Magkaroon ng sapat na benepisyo.

• Dumating sa trabaho ng tamang oras.

• Sundin ang lahat ng alituntunin ng kompanya.

• Panatilihin ang maayos na patakbo ng mga gamit sa kompanya.