Pagsusulit sa Araling Panlipunan 7

Alin sa sumusunod na konsepto ang tumutukoy sa pagpapalawak ng kapangyarihan ng isang dominanteng bansa sa pamamagitan ng pang-ekonomiya, pampulitika, pangkabuhayan, at pangkultura na paraan?

• Imperyalismo

• Kapitalismo

• Kolonyalismo

• Neokolonyalismo

Ito ay tumutukoy sa direktang pananakop ng isang makapangyarihang bansa sa isang teritoryo o estado upang pakinabangan ang mga yamang taglay nito.

• Imperyalismo

• Kapitalismo

• Kolonyalismo

• Neokolonyalismo

Ano ang dalawang bansang kanluranin na nanguna sa eksplorasyon sa malawak na karagatan at mga lupain ng daigdig noong ika-15 siglo?

• Espanya at England

• Espanya at France

• Portugal at Espanya

• Portugal at France

Paano nakaapekto ang imperyalismo sa mga hangganan ng mga bansa sa Timog-Silangang Asya?

• Naging mas malinaw at tiyak ang mga hangganan ng mga bansa.

• Nagbigayan ng teritoryo ang mga bansa sa Timog-Silangang Asya.

• Absolut ang bawat hangganan sa lupa at katubigan.

• Ang mga hangganan ay hindi naging natural at patas.

Isang malaking kompanyang Amerikano ang nagbabalak na magpatayo ng isang malawak na minahan sa lalawigan ng Rizal na inaasahang makapagbibigay ng mas maraming trabaho sa mga Pilipino. Alin sa mga sumusunod ang pinakamabisang paraan upang maiwasan ang pag-ulit ng mga negatibong epekto ng kolonyalismo batay sa nabanggit na sitwasyon?

• Pag-asa sa mga dayuhang kompanya para sa pag-unlad ng ekonomiya ng bansa.

• Pagpapalakas sa mga lokal na negosyo at pagsuporta sa Pilipinong Entrepreneur.

• Pakikipag-alyansa sa mga makapangyarihang bansa sa larangan ng ekonomiya at depensang Militar.

• Pagpapaalis sa lahat ng dayuhang kompanya sa Pilipinas.

Aling yugto ang tumutukoy sa panahon ng panggagalugad, pagpapalawak, at pagtatatag ng mga kolonya sa iba't ibang bahagi ng daigdig noong ika-15 hanggang sa ika-17 siglo na kinilala rin bilang "Age of Discovery"?

• Unang Yugto ng Imperyalismo

• Ikalawang Yugto ng Imperyalismo

• Panahon ng Eksplorasyon

• Panahon ng Rebolusyong Industriyal

Maraming mga Kanluranin ang nagnais na marating at maangkin ang lupain na tinatawag na "Spice Island" o Moluccas Islands dahil sa masaganang produkto ng pampalasa. Saang bansa sa Timog Silangang Asya ito matatagpuan?

• India

• Indonesia

• Malaysia

• Pilipinas

Ang mga sumusunod ay mga epekto ng pananakop ng mga kanluranin sa mga bansa sa Asya MALIBAN sa:

• Pag-unlad ng Sistema ng transportasyon at komunikasyon upang mapabilis ang pagluwas ng produkto.

• Napanatili ang katutubong kultura, paniniwala at tradisyon ng mga Asyano.

• Nakaranas ng pang-aabuso at pang-aalipin ang ating mga ninuno.

• Pagkakaroon ng mestizo o paghahalo ng mga lahi dahil sa pag-aasawa ng dayuhan at katutubo.

Anong ideolohiya ang mas malawak na ginamit sa ikalawang yugto ng imperyalismo kumpara sa unang yugto?

• Liberalism at humanismo

• Social Darwinism at White man's burden

• Kapitalismo at komunismo

• Marxismo at sosyalismo

Anong ideolohiya ang ginamit ng Britanya at Amerika na nagsusulong ng karapatan ng isang indibidwal, kalayaan, at pagkakapantay-pantay sa batas ng pamahalaan upang mahikayat ang mga katutubong Asyano na sumunod sa kanilang kagustuhan?

• Demokrasya

• Liberalismo

• Merkantilismo

• Sosyalismo