Quarter 2 Exam - Edukasyon sa Pagpapakatao 8

Bakit itinuturing na unang kapuwa ang magulang?

• nagsisilbing gabay sa ating buhay

• may malaking impluwensiya sa lipunan

• naghubog sa pagbasa, pag-uugali at pagpapahalaga

• unang tao na nakasasalamuha mula pagkaluwal sa atin bilang tao

Alin sa mga sumusunod na pahayag ang nagpapakita ng pakikipagkapuwa?

• si Toni na nagpahiram ng pera kay Alex na may kasamang interes

• si Joey na nag-alok ng tulong sa kaniyang kasamahan na napilayan

• si Bryan na masugid na manliligaw ni Lisa noong una pa lamang silang magkakilala

• si Rosa na laging masama ang tingin kay Lennie habang naglalakad sa pasilyo ng paaralan

Sino ang pangalawang magulang na umaalalay sa paghubog nang buong pagkatao ng isang indibidwal?

• guro

• kaibigan

• kapitbahay

• magulang

Sila ang kapuwa sa lipunan na nagsisilbing tagapagtaguyod sa pangunahing pangangailangan ng mga tao tulad ng bigas at prutas?

• bombero at kapulisan

• tindera at manggagawa

• alkalde at mga opisyales

• magsasaka at mangingisda

Alin sa mga sumusunod ang matatawag na unang kapuwa?

• kaibigan at kaaway

• kakilala at kapitbahay

• kapatid at kamag-anak

• kakwentuhan at kakulitan

Alin sa pahayag ang nagpapakita ng likas na katangian ng tao na pinagkaiba niya sa ibang nilalang?

• ang pagiging tapat sa tungkulin

• ang pagkakaroon ng kakayahang mag-isip

• ang pagkakaroon ng kakayahang tugunan ang pansariling pangangailangan

• ang pagkakaroon ng kakayahang mamuhay sa lipunan at maging bahagi nito

Aling aspekto ng pagkatao ang higit na napauunlad sa pamamagitan ng paghahanapbuhay?

• intelektuwal

• panlipunan

• pangkabuhayan

• politikal

Ano ang nakahahadlang sa makabuluhang pakikipag-ugnayan sa kapuwa?

• kakayahang tugunan ang pangangailangan ng kapuwa

• pagkilala sa sarili na mas matalino siya kaysa ibang tao

• kakayahan ng taong makibahagi sa mga gawaing panlipunan

• pagkikitungo sa iba sa paraang gusto mo ring pakitunguhan ka

Ano ang ibig sabihin ng pahayag sa Romano 14:7 na "Sapagkat ang sinoman sa atin ay hindi nabubuhay sa kaniyang sarili, at sinoman ay hindi namamatay sa kaniyang sarili"?

• Ang tao ay nabubuhay para sa pansariling kapakanan.

• Ang tao ay hindi maaaring mabuhay nang mag-isa at hindi nakikibahagi sa lipunan.

• Ang tao ay may makakasama ngunit hindi ibig sabihing tutulong ito sa anumang bagay.

• Ang tao ay maaaring mabuhay nang mag-isa sa mundo hangga't may sapat itong kaalaman.

Sa pagpasok ni Jun bilang sakristan ay marami siyang natutunan kung paano tinutupad ng mga pari ang kanilang mga katungkulan sa simbahan. Napagtanto niyang masaya ang ganitong uri ng bokasyon sapagkat hindi lamang natututunan ang mga aral ng Diyos, pati na rin kung paano makisalamuha sa mga tao. Paano nahubog ni Jun ang intelektuwal na aspekto ng pakikipagkapuwa?

• Nalaman niyang malaki ang sahod ng isang pari.

• Natutunan niya kung paano makisalamuha sa mga tao sa simbahan.

• Pumasok siya bilang sakristan at natuto sa mga tungkulin ng mga pari sa simbahan.

• Pinag-aralan niya ang mga tungkulin ng mga pari at nagpanggap siyang kabilang dito.