Kisi-kisi Soal ASAS B.Jawa kelas 7

Gatekna teks wacan iki!

Kanca Anyar

Indri mlebu sekolah sepisanan ing dina iki. Indri minangka siswa anyar kelas 7 ing SMP Bakti Luhur. Satekane sekolahan, ana ing njero kelas Indri ketemu karo kanca-kanca, Indri banjur ngajak kenalan kancane sing lungguh ana ngarepe.

“Eh mbak, jenengmu sapa? Aku Indri.” Indri takon ngajak tetepungan kancane, karo mesem. “Jenengku Nisa.” Wangsulane kancane karo mesem uga.

“Mbiyen saka SD ngendi Nis?”

“Aku saka SD Suka Maju, lha kowe saka SD ngendi Indri?” “Aku mbiyen saka SD Madusari.”

Ngono rembugane antarane Indri karo Nisa, bocah loro padha kenalan sadurunge pasinaon kawiwitan

1. Unggah ungguh basa kang digunakake Indri lan Nisa nalika kenalan bisa nuduhake menawa?

• Bocah loro kuwi padha ngajenine

• Nisa ora ngajeni marang Indri

• Indri wis kenal karo Nisa

• Indri lan Nisa saumuran

Gatekna teks wacan ing ngisor iki!

Ana ing sekolahanku saben wayah esuk nalika arep mlebu sekolah ana pembiasaan senyum, sapa lan salam. Gandheng iki lagi pandemi mula pembiasaan senyum, sapa lan salam ditindakake kanthi netepi protokol kesehatan. Para siswa unggah-ungguhe ya tetep senyum diwujudake kanthi mesem, ngaturake salam minangka wujud sapaan lan salam kang biasane kanthi ngaras astane bapak ibu guru diganti karo nangkepake tangan neng dada karo manthuk.

2. Adhedhasar wacan ing ndhuwur para siswa ngaturake salam kagem bapak lan ibu guru. Ing ngisor iki ukara kang nuduhake unggah-ungguhe siswa nalika ngaturake salam kagem bapak lan ibu guru yaiku?

• “Pak,bu… asmanipun sinten?”

• “Sugeng enjing pak, sugeng enjing bu.”

• “Nuwun sewu, ndherek langkung pak, bu.”

• “Pak, bu kula nyuwun pamit badhe budhal sekolah rumiyin.”

Gatekna teks iki!

Nalika pasinaon Basa Jawa ana siswa kang durung paham marang apa kang diterangake dening Pak Samsul. Pak Samsul banjur menehi kalodhangan marang siswa sing arep nyuwun pirsa.

Ukara kang becik tumrap siswa menawa arep nyuwun pirsa marang guru yaiku matur?

• ” Pak, kula badhe tangklet Pak, amarga dereng mudheng.”

• “ Pak, menawi kepareng kula ajeng taken.”

• “ Pak, kula badhe nyuwun pirsa.”

• “ Pak guru, aku arep takon.”

Gathukna kang trep antarane ukara iki karo unggah-ungguh basa sing bener!

“Ngendikane ibu, bapak arep tindak Surabaya sore iki.”

• Krama lugu

• Krama alus

• Ngoko lugu

• Ngoko alus

Aku sing didhawuhi​ ​ (a)   dhaharan simbah saben dina.”

• Maringi
• Nyukani
• Ngaturi
• Nyaosi

Ing ngisor iki kang ora kalebu bab-bab kang kudu digatekake kanggo njupuk dudutan (kesimpulan) teks profil tokoh yaiku?

• Mangerteni urut-urutan struktur teks profil tokoh

• Mangerteni ukara kang dadi topik lan punjering informasi ing sajroning paragraf

• Nulis dudutan ukara kang dadi punjere informasi ing sawijine perangan/paragraf dadi bakune gagasan (pokok pikiran)

• Ora perlu nggathukake bakune gagasan ing antarane perangan/paragraf siji karo perangan/paragraf candhake

Pitakon ing ngisor iki wangsulana kanthi milih aksara wangsulan luwih saka siji !

Tembung andhahan yaiku tembung sing owah saka asale jalaran oleh?

• Wuwuhan

• Pangrangkep

• Wancahan

• Purwakanthi

]Susun pilihan-pilihan iki miturut kategori sing bener (Tembung Lingga lan Tembung Andhahan)

Groups:

(a) Tembung Lingga

,

(b) Tembung Andhahan

• Pacul

• Mangan

• Playu

• Mlayu

• Mlaku

• Dakpangan

• Kojupuk

• Jiwit

• Waca

• Dakgandheng

• Ngombe

• Tuku

Seni Reyog Ponorogo asale saka Jombang

• Bener

• Salah

Barongan ing pagelaran seni Reyog Ponorogo nggambarake Prabu Singobarong

• Bener

• Salah