Karapatang Pantao Quiz

Ang __________ ay tumutukoy sa mga prinsipyo na nagsisilbing gabay sa mga pananaw ng tao na may kinalaman sa kung papaano niya itrato ang kanyang kapuwa at sa kanyang dignidad bilang tao.

• karapatan

• konsensiya

• sinseridad

• tungkulin

Alin sa mga sumusunod ang tungkulin ng isang mag-aaral?

• pagsuot ng uniporme

• pagsuot ng Identification Card (ID)

• pagpasok sa paaralan sa takdang oras

• lahat ng mga nabanggit

Isang pulubi na maraming dumi sa katawan at may masangsang na amoy ang nais pumasok sa isang supermarket upang bumili ng kanyang pagkain. Subalit hindi siya pinatuloy ng gwardya. Tama ba ang naging pagtrato sa kanya?

• Opo, dahil pangingilagan siya ng ibang namimili kapag pumasok siya sa loob.

• Hindi, dahil may pambayad naman siya.

• Opo, dahil pwede naman siyang bumili sa mga maliliit na tindahan sa labas.

• Hindi, dahil hangad lamang niya na makabili ng pagkain at may karapatan at kalayaan din siya kagaya ng iba pang mamamayan.

Ang mga sumusunod ay mga paglabag sa karapatang pantao maliban sa isa __________.

• terorismo

• pagpatay sa sanggol

• pagbabayad ng utang

• diskriminasyong pangkasarian

Sa papaanong paraan napapakinabangan ng tao ang karapatan?

• sa paggawa ng moral na kilos

• dahil tao lamang ang nakagagawa ng moral na kilos

• dahil tao lang ang may isip

• dahil tao lang ang marunong kumilos

Hindi maaalis sa tao ang karapatang ito dahil kailangan niya ang mga ari-arian upang mabuhay nang maayos at makapagtrabaho ng produktibo. Ito ay karapatan ng __________.

• pribadong ari-arian

• mag-impok sa bangko

• bumili ng mga ari-arian

• umangkin ng ari-arian

Kapag nilabag ang karapatang pantao magkakaroon ng __________.

• pag-iisip ng pagsisisi

• pananagutan

• damdamin ng pagsisisi

• pagmumuni

Kayong magkaka-eskwela ay nasa paborito ninyong kainan. May pumasok na binatilyo na may kapansanan sa paglalakad. Napansin mong walang bakanteng lamesa at upuan para sa binatilyo na tila uhaw at gutom na. ano ang gagawin mo?

• Hahayaan ko siya at patuloy akong makikipagkwentuhan at tawanan sa aking mga kaeskwela.

• Tatawagin ko siya para umupo nang sandal sa aming grupo habang naghihintay siya ng may mabakante.

• Tatawagin ko ang pansin ng isa sa mga service crew para maglaan ng lugar para sa mga taong may kapansanan.

• Makikipagkilala at makikipagkwentuhan ako sa binatilyong may kapansanan habang hindi pa siya nakakahanap ng lugar sa kainan.

Ang kagustuhan na lumipat o tumira sa ibang lugar at magkaroon ng oportunidad tulad ng trabaho o komportableng pamumuhay o ligtas sa anumang panganib ay sinusuportahan ng karapatang __________.

• magtrabaho o maghanap buhay

• pumunta sa ibang lugar at maghanap buhay

• pumunta sa ibang lugar

• mag-abrod

May nakita kang isang lalaking naka-kotse na pinapagalitan ang isang matandang drayber dahil sa hindi pagpaparada nang tama sa kanyang dyip. Habang pinagsasalitaan siya nang hindi maganda, naroon sa tabi niya ang kanyang paslit na apo. Ano ang gagawin mo?

• Panonoorin ko ang nangyayaring kaganapan.

• Tatawagin ko ang paslit na apo para lumayo kani sa kaganapan.

• Tatawag ako ng kinauukulan tulad ng barangay tanod o pulis para mamagitan sa kanila.

• Pupuntahan ko ang lalaki at ang matandang drayber at pagsasabihan ko sila na tumigil na.