Gawe Layangan
Mangsa ketiga mangsa ora ana udan. Angine banter. Ing mangsa ketiga boicah-bocah padha dolanan ngulukake layangan. Anggone ngulukake layangan ing pesawahan, lapangan lan rupane werna-werna. Saiki layangan akeh diedol ing toko-toko. Layangan uga bisa digawe dhewe.
Bahan lan pirantine kanggo gawe layangan gampang goleke. Bahane ing antarane yaiku pring, kertas, benang lan lem. Dene pirantine ing antarane yaiku gunting, arit utawa lading lan garisan. Urut-urutane cara gawe layangan bisa kaperang dadi telu. Urut-urutane yaiku gawe ragangan, nempelake kertas ing ragangan, lan menei tali goci. Saben urutan kudu ditindakake kanti tlaten lan premati.
Ragangan layangan digawe saka pring disigar cilik-cilik manut ukuran sing dikarepake. Sigarane pring cilik-cilik kuwi disisiki nganggo arit utawa lading supaya alus. Diukur nganggo garisan. Ragangan diwenei palang. Ragangan ditali tengahe lan diwenei benang gatuk antarane pucuking ragangan. Nempelake kertas ing ragangan carane ambane kertas diukur diluwihi setitik ketimbang ambane ragangan. Tujuane supaya bisa ditekuk mblebet benang kang ngubengi ragangan. Yen kertas wis dilem karo ragangan, urutan sing pungkasan yaiku menei tali goci. Tali goci bisa diwenei rong titik ngisor lan duwur. Tali goci uga bisa diwenei telung titik, kiwa tengen lan ngisor. Yen wis tali gocine layangan siap diulukake, mung kari nambah benange.
Apa irah-irahan wacan nk duwur?