DS1 Uri at Kayarian ng Pangngalan

“Bunso, isasama na kita sa paaralan araw-araw,” balita sa akin ni Nanay isang umaga. “Talaga ‘Nay?” ‘di komakapaniwalang tanong. “Oo, Bunso, lahat naman puwede mong gawin sa paaralan huwag lang ang pag-iyak,” bilin ni Nanay.

Ang salitang BALITA ay pangngalang _________. (Pantangi o Pambalana) (1 pt.)

Sabay kaming naligo ni Nanay. Sabay kaming kumain ng pandesal. Sabay kaming nagsipilyo. Sabay kaming nagbihis ng damit.

Ang salitang NANAY ay pangngalang _________. (Pantangi o Pambalana) (1 pt.)

Araw-araw na akong isasama ni Nanay sa paaralan. May bitbit na bag si Nanay. May bitbit din akong bag na may gatas ko, biskuwit, bimpo, papel, lapis at mga laruan ko. Ang laki-laki pala ng paaralan!

Ang salitang PAARALAN ay pangngalang _________. (Pantangi o Pambalana) (1 pt.)

Ang dami kong nakitang tao. Ang problema ko lang, wala akong makitang bata na tulad ko. Malalaki na talaga sila, mga mama at ale na sila.

Ang salitang PROBLEMA ay pangngalang _________. (Pantangi o Pambalana) (1 pt.)

At nagsimulang makinig si Nanay Dina sa nagsasalita sa harap. Nagsulat si Nanay sa kuwaderno niya. Nagtataas ng kamay. Nagsasalita. Nagbasa. Ganito ba talaga ang paaralan parang di para sa mga bata? Nakakainip talaga!

Ang salitang DINA ay pangngalang _________. (Pantangi o Pambalana) (1 pt.)

Sa araw-araw na isinasama ako ni Nanay sa paaralan, di-nawawala ang pisil at halik sa pisngi ko at ang karga ng mga mama at ale.

Ang salitang PISNGI ay pangngalang _________. (Pantangi o Pambalana) (1 pt.)

Sa araw-araw, may nagturo sa aking magkulay sa aking coloring book. At nakalimutan kong umiyak. May bata palang di-umiiyak sa paaralan, at ako iyon. May gumawa ng Sampaguita sa guhit kong puso.

Ang salitang SAMPAGUITA ay pangngalang _________. (Pantangi o Pambalana) (1 pt.)

Kapag abala si Nanay sa paaralan, may nagpatulog sa akin sa isang mahabang upuan. Lahat naman ng gusto kong gawin sa paaralan ni Nanay, may tumutulong sa akin.

Ang salitang UPUAN ay pangngalang _________. (Pantangi o Pambalana) (1 pt.)

Isang umaga, “Bunso, papasok na tayo uli sa paaralan araw-araw,” sabi ni Nanay. May bitbit din akong bag na maypapel, lapis, krayola, coloring book, dinosaur na regalo ng ninang ko, at may nadagdag pang mga kuwaderno at libro

Ang salitang NINANG ay pangngalang _________.

• Pantangi

• Pambalana

Mabigat-bigat na talaga ang bag ko pero kayang-kaya kong bitbitin. At nagulat ako! Kasi kay dami-daming bata akong nakita. Kasi mula sa araw na ito, magiging titser ko na ang Nanay ko!

Ang salitang BATA ay pangngalang _________.

• Pantangi

• Pambalana