Mapanagutang Paggamit ng Kalayaan

Alin sa aytem sa ibaba ang hindi naaangkop na gawain sa pagtugon ng tunay na kalayaan?

• Kusang-loob

• makasarili

• pagmamahal

• responsibilidad

Ano ang itinuturing na kakambal ng kalayaan?

• kilos-loob

• konsensiya

• pagmamahal

• responsibilidad

Ang pinakamalaking hadlang sa kalayaan ay hindi ang nagmumula sa labas ng tao kundi ang nagmumula mismo sa loob ng tao. Ano ang nais ipakahulugan nito?

• Ang kalayaan ay matatagpuan sa sarili.

• Nakahahadlang ang kapwa sa pagkamit ng kalayaan.

• Niloob ng tao ang antas ng kaniyang pagiging malaya.

• Ang hadlang sa pagiging malaya ay ang sarili niyang pag-uugali.

Bakit may kakayahan ang taong kumilos ayon sa sariling kagustuhan at ayon sa pagdidesisyon kung ano ang gagawin?

• Dahil ang tao ay may malayang kilos-loob.

• May likas na batas moral na gumagabay sa kaniya.

• May kakayahan ang taong gamitin ang kaniyang konsensiya.

• Sapagkat ang tao ay may kakayahang pag-isipan ang mga ito

Alin sa sitwasyon ang nagpapakita ng tunay na kalayaan?

• Nagagawa ni Connie ang mamasyal anumang oras niya gustuhin.

• Inamin ni Lala ang kaniyang pagkakamali at humingi ng paumanhin sa ginawa.

• Hindi mahiyain si Greg kaya nasasabi niya ang gusto niyang sabihin sa isang tao.

• Kahit pagod na galing sa trabaho, sinamahan pa rin ni Jake ang kapitbahay na isinugod sa ospital.

Ang responsibilidad ay ang kakayahang tumugon sa tawag ng pangangailangan ayon sa sitwasyon. Ang pahayag ay:

• Tama, dahil ang tunay na responsableng kalayaan ay ang pagtulong sa kapuwa.

• Tama, dahil may kakayahan ang taong magbigay paliwanag sa kilos na ginawa.

• Mali, dahil ang responsibilidad ay palaging kakambal ng kalayaan na ginagamit ng tao.

• Mali, dahil ang responsibilidad ay ang pagtanggap sa kahihinatnan ng kilos na ginawa.

“Higit na nagiging malaya ang tao kapag ginagawa niya ang mabuti. Walang tunay na kalayaan kundi sa pagmamahal at paglilingkod.” Ano ang mensahe nito?

• Ang kalayaan ay ang paggawa ng mabuti.

• Ang pagiging malaya ay nakabatay sa kilos ng tao.

• Makabubuti sa bawat tao ang pagkamit ng kalayaan.

• Ikaw ay malaya kapag naipakita ang pagmamahal at paglilingkod.

Bakit kailangang lumaya ang tao mula sa makasariling interes, pagmamataas, katamaran, at iba pang negatibong pag-uugali?

• Nakasentro lamang siya sa kaniyang sarili kaya hindi makakamit ang kalayaan.

• Magkakaroon ng kabuluhan ang buhay kung walang ganitong katangian.

• Nag-iiwan ito ng hindi magandang imahe sa pagkatao ng tao.

• Nilalayuan ng ibang tao ang may ganitong mga pag-uugali.

Hindi naunawaan ni Alex ang leksiyon ng iyong guro at nababagot sa kaniyang pakiramdam kaya nawalan siya ng interes na makinig. Dahil dito wala siyang natutuhan sa itinuro. Sinisi niya ang iyong guro. Sang-ayon ka ba kay Alex?

• Sang-ayon, dahil responsibilidad ng guro ang maipaunawa sa mga mag-aaral ang leksiyon.

• Sang-ayon, dahil kailangang mapaganda ang leksiyon para hindi nakababagot sa mag-aaral.

• Di sang-ayon, dahil may pananagutan ang tao sa kaniyang kilos.

• Di sang-ayon, dahil walang kakayahan ang taong piliin ang kanyang kilos.

Bilang mag-aaral, ano ang kailangan mong gawin upang makamit ang tunay na kalayaan?

• Magpasa ng batas sa kongreso.

• Manahimik at maglathala ng mga storya ng naging biktima ng pang-aapi sa social media.

• Gumawa ng plakard at magwelga sa kalsada o sa labas ng gate ng paaralan.

• Makipag-usap sa kaukulang tao at magbigay ng suhestiyon o panukala tungkol sa isyu.