Грузияның Батуми қаласында сән апталығы өтті. Сән саласының басын қосқан шараға екі жүзге жуық дизайнер қатысты. Олардың арасында Қазақстаннан келгендер де бар. «Аджара Фэшн Уик 2018» деп аталатын апталықта сәнгерлер ерекше киім топтамасымен халықты таң қалдырды.
«Адам көркі шүберек» демекші Батумиде дүйім жұртты елең еткізген сән апталығы өтті. Талантты дизайнерлердің киім үлгісін тамашалауға жиналғандардың қарасы қалың.
І. Манана Гогличидзе, Грузиядағы сән және дизайн Ассоциациясының президенті:
– Сән апталығы осымен төртінші маусым өтуде. Шараға қатысқан 16 дизайнердің алтауы шетелдік кутюрье болса, сегізі Батумиден, ал қалғандары Кутаиси мен Тбилисиден келгендер. Биылғы жылы Жібек жолы елдерінен келгендер көп. Тақырып еркін болды. Мен «Әйел адамның хромосомасы» атты топтамамды шығардым. Аджарияда сән апталығын ұйымдастырған кезде басты мақсат – өңірдегі туризмнің дамуына септігін тигізу болды. Қазақстаннан келген дизайнерлердің жұмысы да жақсы әсер қалдырды. Әйел болмысына ерекше нәзіктік беретін киім үлгілері көптің көңілінен шыққан сыңайлы.
ІІ. Александр Ли, Қазақстаннан келген дизайнер:
– Топтама грузин әйелдеріне арналған. Өткен жылы «Аджар фэшн» апталығына қатысқанда грузин әйелдерінің киіміне аса назар аударған едім. Сондықтан болар биыл таңдауымыз қара түске түсті. Топтама жеңіл матадан тігілген соң өзіндік әсемдік беріп тұр. Жаңа үлгідегі грек стилі мен қазақтың ұлттық нақышы да байқалады.
ІІІ. Юсон Бердзибай, Аджариядағы сән апталығының ұлттық өкілі:
– Осы жылы көрсетілген жаңа топтама басқаларына қарағанда ерекше ұнады. Көптеген дарынды мамандар өз өнерлерімен көзге түсті. Биыл Қазақстан дизайнерлерінің үлгілерін көрсететін модельдер де келді. «Аджария фэшн уик»-те өткен көрсетілім жұрттың қызығушылығын тудырды. Тіпті коллекциялар сатылымға шығып үлгерген. Ал келесі сән апталығы қазан айының ортасында Тбилиси қаласында өтеді.
Қазақ дизайнерлерінің өнімін халыққа ұнағанын кім айтты?
