Networking විභාග ප්‍රශ්න 2018 -2021

දත්ත සම්ප්‍රේෂණයෙහිදී භාවිත වන නියමු මාධ්‍ය (guided media) සම්බන්ධයෙන් පහත කවරක් නිවැරදි වන්නේ ද?

A - දත්ත සම්ප්‍රේෂණයට භෞතික පථයක් භාවිත වේ.

B - සංඥාව වායුගෝලය හරහා විකාශය වේ.

C - උදා: ගුවන් විදුලි තරංග

• A පමණි

• B සහ C පමණි

• A සහ B පමණි

• A, B සහ C සියල්ලම

• A සහ C පමණි

ප්‍රතිසම (analog) සංඥා, අංකිත (digital) ලෙස නිරූපණය කිරීමට පහත කවරක් භාවිත කළ හැකි ද?

• වැහැරීම (attenuation)

• විකේතනය (decoding)

• විකෘතිය (distortion)

• ස්පන්දන කේත මූර්ඡනය (pulse code modulation)

• සමමුහුර්තකරණය (synchronization)

ජාලයක් හරහා උපාංගවලින් දත්ත යැවීම හා ලැබීම සිදුවන විට, යවන්නාගේ අතුරු මුහුණත අනන්‍යව හඳුනා ගැනීමට හා ග්‍රාහකයාගේ අතුරුමුහුණතට නිවැරදිව දත්ත ළඟාකරවීමට නියමාවලියක් (protocol) යොදාගැනේ.

ඉහත වගන්තියේ රචකයා අදහස් කරන නියමාවලිය කුමක්ද?

• FTP

• HTTP

• MAC

• TCP

• UDP

පහත ඒවායින් UDP නියමාවලියෙහි ලක්ෂණ වන්නේ මොනවාද?

• ඉහළ විශ්වාසනීයත්වයක් සහ සම්ප්‍රේෂණ කාලය එතරම් වැදගත් නොවන යෙදුම් සඳහා ඉතා යෝග්‍ය වේ.

• වේගවත් සහ අඩු සම්පත් ප්‍රමාණයක් අවශ්‍ය වේ.

• කිසිදු පොදියක් (packet) නැති නොවන බවට සහතික වේ.

• පොදි අනුපිළිවෙළට නොලැබීමට ඉඩ ඇත.

• අන්තර්ජාලය හරහා කටහඬ සන්නිවේදනයට භාවිත වේ.

සේවායෝජක - සේවාදායක (Client-Server) ආකෘතියේ භාවිතය සඳහා උදාහරණ වන්නේ මොනවාද?

A - තම පරිගණකයට සම්බන්ධ කර ඇති මුද්‍රකයක් මගින් පරිශීලකයකු ලේඛනයක් මුද්‍රණය කිරීම

B - බැංකු ගනුදෙනුකරුවකු වෙබ් අතරික්සුවක් හරහා මාර්ගගත බැංකු සේවාවන් වෙත පිවිසීම

C - සාප්පුවක මුදල් අයකැමි (cashier) විසින් ණයපත් මගින් කරන ගෙවීම් භාරගැනීම

• A පමණි

• B පමණි

• C පමණි

• A සහ C පමණි

• B සහ C පමණි

HELLO යන පණිවුඩය B වෙත යැවීමට Aට අවශ්‍ය ය. එම පණිවුඩය යැවීමට පෙර එය IFMMP බවට හරවනු ලැබේ. මෙම අවස්ථාවට අදාළව පහත කවරක් නිවැරදි ද?

A - HELLO සරල පෙළ (plaintext) වන අතර IFMMP කේතික පෙළ (ciphertext) වේ.

B IFMMP යනු HELLO මත ASCII කේතය යෙද වූ විට ලැබෙන ප්‍රතිඵලයයි.

C - කේතන යතුර (encryption key) +1 වන අතර විකේතන යතුර (decryption key) -1 වේ.

• A පමණි

• A සහ B පමණි

• A සහ C පමණි

• B සහ C පමණි

• A, B සහ C සියල්ලම

කාර්යාලයක පරිගණක කිහිපයක් ඇති විට, එම එක් එක් පරිගණකයට පෞද්ගලික IP යොමුවක් (address) දිය හැක. කාර්යාලයේ මං හසුරුවට (router)..... A ...... IP යොමුවක් ලැබෙන අතර, නියමු/නියමු නොවන මාධ්‍ය හරහා එම මං හසුරුවට සම්බන්ධ අනෙකුත් එක් එක් පරිගණකයට ,....... B....... වෙතින් .......C...... නියමාවලිය හරහා පෞද්ගලික IP යොමුවක් ලබා දේ.

• A - පෞද්ගලික (private)

  B - ගොනු සේවාදායකය (file server)

  C - HTTP

• A - පෞද්ගලික

  B - අන්තර්ජාලය

  C - DHCP

• A - පෞද්ගලික

  B - මං හසුරුව

  C - FTP

• A - පොදු (public)

  B – ගොනු සේවාදායකය

  C - FTP

• A - පොදු

  B - මං හසුරුව

  C - DHCP

නියමු (guided) මාධ්‍ය සහ නියමු නොවන (unguided) මාධ්‍ය සම්බන්ධයෙන් පහත කවර වගන්ති සත්‍ය වේද?

• නියමු මාධ්‍ය වල සම්ප්‍රේෂණය, නියමු නොවන මාධ්‍යවල සම්ප්‍රේෂණයට වඩා ඉහළ දත්ත වේග (data speeds) ලබා ගැනීමට ඉවහල් වේ.

• නියමු මාධ්‍ය, නියමු නොවන මාධ්‍ය වලට වඩා අඩු නිරෝධනයට (interference) බඳුන් වේ.

• නියමු නොවන මාධ්‍ය වල සම්ප්‍රේෂණය, නියමු මාධ්‍යවල සම්ප්‍රේෂණයට වඩා ආරක්ෂාකාරී වේ.

• නියමු නොවන මාධ්‍යවල සම්ප්‍රේෂණය, නියමු මාධ්‍ය වල සම්ප්‍රේෂණයට වඩා අඩු කලාප පළලක් (bandwidth) භාවිත කරයි.

දත්ත සම්ප්‍රේෂණයෙහි ඇති මූර්ජන තාක්ෂණයේ දී (modulation technique) සිදු කෙරෙන ක්‍රියාවලිය කුමක්ද?

• සම්ප්‍රේෂණය කරන ලද සංඥාවෙහි තොරතුරු කේතනය කිරීම

• සම්ප්‍රේෂණය කරන ලද තොරතුරුවල සංඥා කේතනය කිරීම

• සම්ප්‍රේෂණය කරන ලද සංඥාවෙන් තොරතුරු ලබා ගැනීම (extraction)

• සම්ප්‍රේෂණය කරන ලද තොරතුරු වලින් සංඥාව ලබා ගැනීම

• අවම විකෘතියක් (distortion) සහිතව තොරතුරු හුවමාරු කිරීම

බස් ස්ඵලකය (bus topology) පිළිබඳ පහත කවර වගන්ති සාවද්‍ය වේ ද?

• පරිගණක සහ ජාල උපක්‍රම තනි රැහැනකට (cable) සම්බන්ධ කර ඇත.

• සියලුම ගමනාගමන (traffic) දක්ෂිණාවර්තව හෝ වාමාවර්තව හෝ සිදු වේ.

• කලාප පළල නෝඩු (nodes) අතර හවුලේ බෙදා ගැනේ.

• සෑම නෝඩුවක්ම තමන්ගේ අසල්වැසියන් දෙදෙනාට සම්බන්ධ කර ඇත.