សំណួរធ្វើតេស្ត (មេរៀនទី១៖ សេចក្តីផ្តើមនៃនីតិអន្តរជាតិឯកជន)

១. នីតិ គឺជាសំណុំវិធានគតិយុត្តទាំងឡាយណា ដែលចេញដោយអង្គការមានសមត្ថកិច្ច មានលក្ខណៈទូទៅ(មិនចំពោះ) លក្ខណៈក្រៅឆន្ទៈបុគ្គល និងចាប់បង្ខំឱ្យអនុវត្ត(ដាក់ទណ្ឌកម្មដោយអំណាចសាធារណៈ)។

• ក. ត្រូវ

• ខ. ខុស

២. នីតិ បែងចែកជា៖

• ក. នីតិឯកជន និងនីតិសាធារណៈ

• ក. នីតិព្រហ្មទណ្ឌ និងនីតិរដ្ឋប្បវេណី

• គ. ក និង ខ

៣.​ នីតិសាធារណៈ មាន៖

• ក. នីតិរដ្ឋធម្មនុញ្ញ និងនីតិរដ្ឋបាល

• ខ. នីតិជាតិសាធារណៈ និងនីតិអន្តរជាតិសាធារណៈ

• គ. ក និង ខ

៤. នីតិឯកជន មាន៖

• ក. នីតិជាតិឯកជន និងនីតិអន្តរជាតិឯកជន

• ខ. នីតិរដ្ឋប្បវេណី និងនីតិពាណិជ្ជកម្ម

• គ. ក និង ខ

៥. នីតិអន្តរជាតិឯកជន គឺជាសំណុំនៃវិធានបទដ្ឋានគតិយុត្តិទាំងឡាយ ដែលមានគោលដៅគ្រប់គ្រង (ធ្វើនិយ័តកម្ម) ទៅលើទំនាក់ទំនងបុគ្គលឯកជនជាលក្ខណៈអន្តរជាតិ(ធាតុបរទេស) នូវគ្រប់ទិដ្ឋភាពលើផ្នែករដ្ឋប្បវេណី ។

• ក. ត្រូវ

• ខ. ខុស

៦.​ រូបវន្តបុគ្គល សំដៅដល់មនុស្សម្នាក់ៗ ដែលមានសមត្ថភាពខាងផ្លុវច្បាប់ ក្លាយជាប្រធាននៃសិទ្ធិ និងកាតព្វកិច្ច។

• ក. ត្រូវ

• ខ. ខុស

៧. នីតិបុគ្គល សំដៅដល់ក្រុមមនុស្ស ឬមូលនិធិ ដែលមានបុគ្គលភាពគតិយុត្ត ក្លាយជាប្រធាននៃសិទ្ធិ និងកាតព្វកិច្ច។

• ក. ត្រូវ

• ខ. ខុស

៨. ធាតុអត្តនោម័តនៃជនបរទេស សំដៅដល់ទំនាក់ទំនង៖

• ក. រវាងរូបវន្តបុគ្គលជាតិ ជាមួយរូបវន្តបុគ្គលបរទេស

• ខ. រវាងរូបវន្តបុគ្គលជាតិ ជាមួយនីតិបុគ្គលឯកជនបរទេស

• គ. រវាងនីតិបុគ្គលឯកជនជាតិ ជាមួយរូបវន្តបុគ្គលបរទេស 

• ឃ. រវាងនីតិបុគ្គលឯកជនជាតិ ជាមួយនីតិបុគ្គលឯកជនបរទេស

• ង. ក ខ គ និង ឃ

៩. ធាតុជនបទេសដែលជាបេតិកភណ្ឌ ឬអបេតិកភណ្ឌ សំដៅទៅលើទំនាក់ទំនងទ្រព្រសម្បត្តិជាកម្មសិទ្ធិនៃរដ្ឋមួយ ប៉ុន្តែទ្រព្យសម្បត្តិនោះស្ថិតនៅលើទឹកដែនៃរដ្ឋដទៃផ្សេងទៀត។ មានន័យថា ពលរដ្ឋនៃរដ្ឋមួយមានកម្មសិទ្ធិនៅលើទឹកដីរដ្ឋមួយផ្សេងទៀត ដែលទ្រព្យសម្បត្តិនោះមានលក្ខណៈធាតុបរទេស។

• ក. ត្រូវ

• ខ. ខុស

១០. ធាតុជនបទេសដែលជាបេតិកភណ្ឌ ឬអបេតិកភណ្ឌ សំដៅទៅលើទំនាក់ទំនងទ្រព្រសម្បត្តិជាកម្មសិទ្ធិនៃរដ្ឋមួយ ប៉ុន្តែទ្រព្យសម្បត្តិនោះស្ថិតនៅលើទឹកដែនៃរដ្ឋដទៃផ្សេងទៀត។ មានន័យថា ពលរដ្ឋនៃរដ្ឋមួយមានកម្មសិទ្ធិនៅលើទឹកដីរដ្ឋមួយផ្សេងទៀត ដែលទ្រព្យសម្បត្តិនោះមានលក្ខណៈធាតុបរទេស។

• ក. ត្រូវ

• ខ. ខុស