BHS Sunda 24

Dio: “Padamelan bapa salian janten guru agama di sakola, aya padamelan sanés teu, Pa?”

Pa Pepep  : “Janten ustadz atanapi guru ngaji.”

Dio: “Langsung wé nya Pa kana jejer anu badé ditaroskeun.”

Pa Pepep  : “Sok atuh mangga.”

Dio: “Kumaha pamadegan bapa ngeunaan paripolah rumaja jaman ayeuna?”

Pa Pepep  : “Ceuk bapa mah, budak ayeuna téh itu embung, ieu horéam. Jigana budak ayeuna mah tong boro ngaji, maca buku pangajaran gé mumul. Digawé jadi kedul. Malah sok kalah ka loba ngawadul. Kadituna mah loba kibul.”

Dio: “Kinten-kintenna kasang tukangna naon, Pa? Nu matak ngabalukarkeun éta hal téh?”

Pa Pepep  : “Anu paling kuatna mah faktor lingkungan, lingkungan kulawarga,

lingkungan sosial, lingkungan media. Nu paling utamana mah lingkungan  kulawarga.”

Dio: “Numutkeun bapa, kamajuan teknologi pangaruhna kana paripolah rumaja jaman ayeuna?”

Pa Pepep  : “Ngaruh pisan. Justru nagara urang téh keur dijajah. Can merdéka sabenerna mah. Da kanyataanana masih dijajah.”

Dio: “Naon sababna, Pa?”

Pa Pepep  : “Ku sabab imanna turun-naék. Keur meumeujeuhna néangan jati diri.’

Dio : “Naon waé anu kudu dipilampah ku ibu rama sangkan kaum rumaja jaman ayeuna henteu kapangaruhan kana pergaulan bebas?”

Pa Pepep  : “Ngatik jeung ngadidik kudu bener-bener. Nu jadi fondasi utama nyaéta agama. Élmu agama kudu dinomerhijikeun. Apanan aya hiji ungkara kieu élmu tanpa iman, sasar. Iman tanpa élmu, buta. Jadi, sakumaha pinterna lamun teu iman, dicap goréng. Nu iman tapi teu pinter, angger bakal dicap goréng deui waé.”

Dio : “Naon balukarna saupama tina pergaulan bébas pisan?” ...

Jejer tina sempalan wawancara di luhur nya éta  .  .  .  .

• Kaayaan  jaman ayeuna

• Paripolah rumaja jaman ayeuna

• Kaayaan iman jaman ayeuna

• Pamadegan guru agama

Numutkeun Pa Pepep, kumaha cenah kaayaan rumaja jaman kiwari téh?

• Paripolah rumaja jaman kiwari leuwih saged nyanghareupan jaman

• Paripolah rumaja jaman kiwari leuwih kreatif

• Paripolah rumaja jaman kiwari mumul kana sagala hal      

• Paripolah rumaja jaman kiwari gaulna tinggaleun

Naon waé anu kudu dipilampah ku ibu rama sangkan kaum rumaja jaman ayeuna henteu kapangaruhan kana pergaulan bebas?

• Nurutkeun sagala kabutuhan budak

• Kudu méré kabébasan sakahayangna

• Kudu ngatik jeung ngadidik bener-bener

• Kudu méré fasilitas keur ngembangkeun bakatna

“Pangaruhna kamajuan teknologi kana paripolah rumaja jaman ayeuna kacida gedéna, unggal aya hal nu anyar asup ka nagara urang, langsung disantok” ieu hal ngandung arti yén  .  .  .  .

• Resep ngumpulkeun barang-barang nu anyar

• Bangsa urang téh resep barangbeuli

• Resep kanu hal-hal anu anyar

• Bangsa urang masih kénéh dijajah

Hal naon waé anu ngébréhkeun goréngna paripolah rumaja kiwari? Iwal

• Kurang bémakrama

• Dangdanan sakahayangna

• Mumul kana gawé jeung diajar

•  Leuwih kréatif tur rancagé

Kagiatan gunem catur ku hiji narasumber nu tujuanana pikeun meunangkeun informasi disebut ….

•  ngawangkong

•  ngobrol

•  wawancara

•  diskusi

Ieu di handap nya éta hal-hal nu biasa dilakukeun saméméh wawancara nya éta ....

•  tangtukeun jejer/topik nu rék diwawancara

•  tangtukeun narasumber nurék diwawancara

•  nyieun kacindekan tina wawancara

•  nyieun sajumlah daptar patalékan ngeunaan topik nu rék diwawancara

Jalma nu diwawancara nu rék dipénta informasi disebut ….

• oratos

• narasumber

• komposer

• wartawan

Kecap dasar nu geus dirarangkénan atawa geus maké rarangkén disebut kecap ....

•  rarangkén

•  rundayan

•  asal

•  imbuhan

Nu kaasup kana conto kalimah réfléktif nya éta ….

•  Yuni silih poyok jeung adina.

•  Yani parebut HP jeung alona.

•  Isal keur nyisiran rambutna.

•  Ucing hideung jeung ucing belang keur silih koét.