2nd Summative Test in ESP

Alin sa mga sumusunod na sitwasyon ang hindi nagpapakita ng misyon sa buhay na nakabatay sa SMART?

• Pagsasagawa ng bagay para sa sariling adhikain.

• Pagpasok at pag-uwi ng tama sa oras.

• Pagsusumite ng mga hinihingi na dapat ipasa sa paaralan.

• Pagtuturo ng maayos dahil ito ang aking misyon.

Ayon kay Jeffrey, nais niyang matapos ang kanyang takdang aralin sa loob ng isang oras. Alin sa mga sumusunod na krayteriya ng SMART ang tumutukoy sa layuning itinakda ni Jeffrey?

• Time bound

• Measurable

• Attainable

• Specific

Alin ang di kabilang sa pagbuo ng Personal na Pahayag ng Misyon sa Buhay?

• Suriin ang iyong sarili

• Sukatin ang mga kakayahan

• Tipunin ang mga impormasyon

• Tukuyin ang mga pinahahalagahan

Si Anna ay nagtatanong sa kanyang pamilya at mga kaibigan na makaaktulong sa kanyang pagtatakda ng sariling layunin sa buhay. Ano ang tumutukoy sa hakbang na ito sa pagbuo ng Personal na Pahayag ng Misyon sa Buhay?

• Suriin ang iyong sarili

• Sumangguni sa iba

• Tukuyin ang mga pinahahalagahan

• Tipunin ang mga impormasyon

Ang mga sumusunod ay mga hadlang sa pagpapasya ng mga mithiin sa buhay maliban sa isa:__________________________.

• Panggagaya sa nakikita o naririnig sa iba

• Pagiging totoo sa sarili

• Masyadong abala at kulang sa poku

• Takot mabigo

Ang mga sumusunod ay kabilang sa mga paraan kung paano maiiwasan ang mga hadlang sa pagbuo ng Personal na Misyon sa Buhay, maliban sa isa: _________________.

• Palagiang unahin ang sarili bago ang kapakanan ng nakararami

• Palaging isipin bakit mo gagawin ang mabuting pagpapasya

• Pag-aaralang mabuti ang mga kakaharaping balakid sa iyong pagpapasya

• Huwag madaliin at mag-umpisa sa pinakamababa

Sa pagtatakda ng mga mithiin sa buhay, mahalaga na mayroong gabay, at ang krayteriyang SMART ang madalas na ginagamit bilang batayan sa pagsasagawa ng mga layuning ito. Ang mga sumusunod na sitwasyon na tumutukoy sa krayteriya ay kabilang sa SMART maliban sa isa:

• Si Rhea ay mag-aaral sa baitang 9. Kinuha ng nanay niya ang lahat ng modyuls sa linggong iyon sa kanilang paaralan. Dapat masagutan ang mga ito upang maibalik sa araw ng Biyernes. Ngunit si Rhea ay palaging naglalaro ng ML at pinabayaan na lamang ang kanyang modyul.

• Si Mang Julio ay isang magsasaka. Malapit na ang anihan ng palay. Plano niyang umpisahan ang anihan sa darating na Lunes at kailangang tapusin ito sa loob lamang ng dalawang araw para mabilad ang mga produkto at maibinta sa kanilang suki sa lungsod.

• Si Teacher Michelle ay guro sa elementarya. Gumagawa siya ng modyul para sa ikatlong markahan. Plano niyang gawing madali ang modyul para sa kanyang mga mag-aaral upang mataas ang iskor pati din ang kanilang marka.

• Si Renato ay mahusay sa Mathematics nang siya ay nasa hayskul pa lamang. Noong siya ay nasa kolehiyo na ay kumuha siya ng kursong pagiging enhinyero.

. Saan dapat makabubuti ang isasagawang pagpapasiya?

• Kapakanan ng pamayanan/ komunidad

• Pansariling kapakanan

• Ispirituwal na aspeto

• Sarili, kapwa at lipunan

Ang pagkilala sa sarili ay bahagi ng mga hakbang na kailangang daanan upang maka-buo ng Personal na Pahayag ng Misyon sa Buhay. Alin sa mga sumusunod ang makakatulong sa pagkilala sa sarili?

• Inililista ang mga kalakasan at kahinaan sa iba’t-ibang mga larangan batay sa tunay na obserbasyon sa sarili

• Pagkukunwari at pagkukubli sa tunay na pag-uugali

• Ang pakikinig sa mga husga ng taong hindi kilala.

• Inililista lamang ang mga sariling katangian o ugali na mabuti o maganda

Si Hannah ay nagsumikap sa kaniyang pag-aaral at ng kalauna’y naging isang ganap na doctor. Nakadadama siya ng labis na kasiyahan sa kanyang panggagamot. Madalas rin siyang nagsasagawa ng mga medical missions sa mga probinsya upang matulungan ang mga kapuspalad. Alin sa mga sumusunod ang tumutukoy sa ginawa ni Hannah?

• Propesyon

• Misyon

• Bokasyon

• Bisyon