Pagtataya sa Filipino 9

Ang mga salitang NOLI ME TANGERE na sinipi sa ebanghelyo ni San Lucas sa Bibliya o banal na aklat ay nangangahulugang “Huwag mo akong salingin”. Mayroong tatlong aklat na naging inspirasyon ang ating pambansang bayani sa pagsulat ng akdang ito. Iyon ay ang mga sumusunod; Uncle Tom’s Cabin na patungkol sa diskriminasyong nararanasan ng mga negro sa kamay ng mga puting Amerikano. Nais naman ipakita ni Rizal ang pang-aaping nararanasan ng mga Pilipino sa mga Kastila, The Wandering Jew (Ang Hudyong Lagalag) na matapos niyang mabasa ay nabuo sa kanyang puso na sumulat ng isang nobelang gigising sa natutulog na damdamin ng mga Pilipino at sisiwalat sa kabuktutan ng mga Espanyol, at ang huli ay ang Bibliya kung saan niya kinuha ang pamagat ng nasabing nobela.

Ano ang layunin ni Dr. Jose Rizal sa pagsulat ng nobelang Noli Me Tangere?

• Gisingin ang natutulog na damdamin ng mga Pilipino

• Ipagmalaki ang bansa kahit sakop ito ng Espanya

• Layunin niyang mainis o magalit sa kanya ang mga Espanyol

• Gisingin ang natutulog na damdamin ng mga Pilipino at isiwalat ang kabuktutan ng mga Espanyol

Alin sa mga sumusunod ang kondisyong panlipunang nagaganap pa rin sa kasalukuyan?

• Kahirapan

•  Pag-abuso sa kapangyarihan

• Paghahari ng mga Kastila

• Kawalan ng karapatang makapagpahayag

Ano ang kahulugan ng salitang may salungguhit sa pangungusap: “Itinambad niya ang totoong larawan ng relihiyong itinuro ng mga Espanyol sa mga Pilipino”?

• ipinamalita

• ipinakita

• isiniwalat

• ikinuwento

Masayang binakas  ni Maria Clara ang kanilang kamusmusan, paglalaro, pagtatampuhan at muling pagbabati ni Ibarra.

• iginuhit

• inalala

• inisip

• kinalimutan

“Ang pagbabago-bago, kawalang moral at disiplina ng matataas na opisyal, pagtatangkilikan, kalapitan sa Espanya, at kamurahan ng pamasahe patungong Pilipinas ang ugat ng lahat. Nagpupunta rito ang mga taong isinusuka na ng Espanya.

• Ang paglaban ng tao sa pamamahala

• Ang kawalan ng tiwala sa mga opisyal

• Ang pagtangkilik natin sa mga dayuhan

•  Ang pang-aabuso sa kapangyarihan ng mga opisyal

Bagamat Pilipinong-Pilipino sa dugo at hitsura si Kapitan Tiyago ay matagal na niyang itinakwil ang pagiging isang Pilipino at itinuturing ang sarili na Kastilang tunay.

Batay sa pahayag, ano ang pananaw mo sa katangian ni Kapitan Tiyago?

• Ang pagbabalat-kayo ay makatutulong sa isang tao.

•  May mga taong pilit na itinatago ang tunay na pagkatao.

•  Itinatago ng isang tao ang kanyang tunay na pagkatao para lang tingalain sa lipunan.

• Itinago ang tunay na pagkatao para lang mapabilang sa mga maimpluwensiya at makapangyarihan.

 "Kung mababasa po ito ng mga tao sa kinabukasan na nakaiintindi, ____________ ay sasabihin nila na "Hindi pala lahat ay natutulog sa panahon ng ating mga ninuno." (paglalahad ng sariling pananaw)

• Sa aking isipan

• ikinatatakot ko

• Sa aking palagay

• sa totoo lamang

 "Hindi po papayag ang pamahalaan, ang relihiyon at Diyos na dumating ang araw na sinasabi ninyo. _________ ang mga Pilipino ay madasalin at nagmamahal sa Espanya." (Pagpapatunay)

•  Sa aking pagsusuri

• Pinagtitibay na

• Sa katunayan

• Tumutulong

 Si Crisostomo ang pinakamahalagang tauhan sa nobela. Ano ang kanyang sinisimbolo?

• marurunong at may ambisyon  sa buhay

• kabataang Pilipino na gustong  mangibang-bansa para guminhawa ang buhay

• kabataang Pilipino na marunong  gumawa ng paraan para malutas ang mga problema ng bansa

• mayayamang Pilipino na nakapag-aral sa ibang  bansa na may puso para sa kapwa at sa bayan

 Pinadala ni Don Rafael si Crisostomo sa Europa upang mag-aral. Ano ang kahalagahan ni Don Rafael Ibarra bilang pantulong na tauhan sa nobela?

• sumasagisag sa mga amang mapag-aruga sa anak.

• larawan ng mga amang naghahangad ng kabutihan at magandang kinabukasan ng mga anak

• sumisimbolo sa mga mayayamang Pilipino na may gustong may malawak na lupain sa bansang Pilipinas

• sumisimbolo sa mga mayamang Pilipino na may malasakit sa kanyang kapwa, may matibay na paninindigan sa buhay at isang ama na nagbibigay-halaga sa edukasyon para sa anak