Kolonyalismo at Imperyalismo sa Timog at Kanlurang Asya

Ano ang angkop na paglalarawan sa sistemang caste?

• Ito ay ang pagkakapangkat-pangkat sa iba’t ibang antas ng mga tao sa lipunang Hindu.

• Ito ay ang sistema ng pagtatalaga sa mga pinakamakapangyarihan bilang pinuno ng lipunang Hindu.

• Ito ay ang sistema ng pantay na pagkakahati-hati ng mga tao sa lipunang Hindu.

• Ito ay ang sistemang panlipunan kung saan inihihiwalay ang mga tao sa lipunang Hindu kung sila ay kabilang sa mababang antas.

Answer explanation

Ang sistemang caste na pinaniniwalaang pinasimulan ng mga Aryan ay tumutukoy sa pagkakahati-hati ng mga tao sa lipunang Hindu sa iba’t ibang antas. Bawat antas ay may nakatakdang kwalipikasyon, tungkulin, at karapatan.

Alin sa sumusunod ang nagpapakita ng layunin ng sistemang caste sa ilalim ng Hinduismo?

• Lumaganap ang diskriminasyon sa lipunang Hindu.

• Nagkaroon ng pagpapangkat sa mga tao upang magkaroon ng kaayusan sa lipunang Hindu.

• Nagkaroon ng malaking agwat at hindi pagkakaunawaan ang mga tao sa lipunan.

• Napanatili sa kapangyarihan ang lahat ng pinakamalalakas sa lipunan.

Answer explanation

Ang layunin ng sistemang caste ay upang maisaayos ang lipunang Hindu sa pamamagitan ng paglilimita sa mga tao na kumilos nang naaayon sa antas na kaniyang kinabibilangan. Sa bawat antas sa sistema ay may kani-kaniyang tungkulin na nararapat sundin ang kasapi ng lipunan upang mapanatili ang organisasyon at kaayusan.

Paano binibigyang pagpapakahulugan ang relihiyon sa Asya?

• sistema ng pagtatatag ng organisadong paniniwala upang pamunuan ang iba pang kasapi ng lipunan

• sistema ng pagsasama-sama ng paniniwala mula sa iba’t ibang kasapi ng lipunan

• sistema ng pagsunod sa kung ano ang pinaniniwalaan ng iba

• sistema ng paniniwala at paggalang sa higit na makapangyarihang puwersa sa kalikasan

Answer explanation

Batay sa mga gawain at pagpapahalagang iginagawad ng mga Asyano sa relihiyon, ito ay maaaring maunawaan bilang organisadong sistema ng paniniwala at paggalang ng mga tao sa higit na makapangyarihang puwersa na gumagabay sa mga pang araw-araw na gawain sa lipunan.

Maituturing bang mali ang pag-uugnay ng ilang pangkat sa relihiyon sa mga usaping pulitikal at panlipunan? Bakit?

• Hindi, sapagkat ang relihiyon ay itinakdang magkaroon ng maliit na sakop sa lipunan.

• Oo, sapagkat hindi naman gampanin ng relihiyong maglahad ng opinyon hinggil sa mga isyung pulitikal at panlipunan ng bansa.

• Hindi, sapagkat mula noon hanggang ngayon ay ibinabatay ng mga Asyano ang kanilang mga desisyon at gawain sa relihiyong kanilang sinusundan.

• Oo, sapagkat ang relihiyon ay hindi naman dapat inihahalo sa iba pang aspekto ng pamumuhay.

Answer explanation

Hindi, sapagkat ang relihiyon ay itinakda na magkaroon ng malawak na sakop sa lipunan at ito ang batayan ng desisyon at gawain ng mga Asyano.

Ano ang neokolonyalismo?

• Ito ay ang makabagong paraan ng pananakop kung saan ang mga bansang Asyano ay sinakop ang mga bansang Kanluranin.

• Ito ay ang pagpapalawak ng kontrol ng mga mauunlad na bansa sa mga papaunlad pa lamang gamit ang aspektong pulitikal, pang-ekonomiya, at kultural.

• Ito ay ang makabagong paraan ng pananakop kung saan kusang-loob na nagpapasakop ang mga papaunlad pa lamang na bansa sa mga mauunlad na.

• Ito ay ang patuloy na pananakop ng mga bansang Kanluranin sa mga bansang Asyano sa pamamagitan ng paggamit ng karahasan.

Answer explanation

Ang neokolonyalismo ay makabagong mukha ng nagpapatuloy na pananakop ng mga bansang mauunlad sa mga bansang papaunlad pa lamang sa pamamagitan ng pakikisangkot sa mga usaping pulitikal, pang-ekonomiya, at kultural sa nasabing mga bansa.

Alin sa mga sumusunod ang hindi kabilang sa mga mauunlad na bansang higit na nagpalawak ng impluwensiya sa Asya?

• Pransya

• Britanya

• India

• Estados Unidos

Answer explanation

Bagama’t pinakamalaking bansa ang India sa Timog Asya, ito ay muli lamang napasailalim sa kontrol ng mga mauunlad na bansang Kanluranin sa pamamagitan ng neokolonyalismo.

Alin sa mga sumusunod ang higit na makatutulong sa pagwawaksi ng neokolonyalismo sa bansa?

• pag-ayon lamang sa mga polisiya ng kalapit na bansa

• paglilimita sa impluwensiyang dayuhan na tinatanggap

• paglilimita sa paggamit ng media

• pagtangkilik sa sariling atin

Answer explanation

Ang neokolonyalismo ay patuloy na nagaganap sapagkat ang mga umuunlad pa lamang na bansa ay patuloy na bukas sa mga kaisipan at polisiya ng mga mauunlad na bansa na wala man lamang pagsasaalang-alang sa pangangailangan at kalagayan ng mga mamamayan. Upang mapigilan ang malawakang impluwensiya ng neokolonyalismo, mahalagang ang mga mamamayan, gayundin ang mga namumuno sa bansa, ay tangkilikin at bigyang pagpapahalaga lagi ang mga bagay na sumasalamin sa tunay na pagkakakilanlan ng bansa.

Ano ang naging pangunahing kahalagahan ng mga bansang papaunlad pa lamang sa mga bansang maunlad na?

• Ang mga papaunlad na bansa ang tumangkilik sa hakbangin sa pagpapaunlad ng mga mauunlad ng bansa.

• Ang mga papaunlad na bansa ang nangalaga sa mga likas na yamang kailangan ng mga mauunlad na bansa.

• Ang mga papaunlad na bansa ang nanguna sa boluntaryong pagsuporta sa mga bansang mauunlad.

• Ang mga papaunlad na bansa ang pinanggagalingan ng yamang likas at yamang tao na kailangan ng maunlad na bansa.

Answer explanation

Malaki ang interes ng mga mauunlad na bansa, kagaya ng Amerika, sa mga bansang papaunlad pa lamang, sapagkat dito nila kinikuha ang mga yamang likas at lakas paggawa na kailangan nila upang maipagpatuloy ang kanilang kaunlaran.

Ano ang sinasalamin ng mga arkitektura ng India?

• Ito ay sumasalamin sa mayamang kaalaman sa arkitektura ng mga taga-India kaysa iba.

• Ito ay sumasalamin sa makalumang mga paniniwala ng mga taga-India.

• Ito ay sumasalamin sa mayamang paniniwala ng mga taga-India hinggil sa mga puwersa sa kapaligiran.

• Ito ay sumasalamin sa karangyaang taglay ng mga nagpapagawa ng mga naggagandahang estruktura.

Answer explanation

Ang arkitektura ng India ay karaniwang binubuo ng tatlong elemento: ang paa, katawan, at ulo ng taong cosmic. Ang kanilang mga disenyo ay nakaayon sa kanilang paniniwala at pagpapahalaga sa mga puwersa sa kapaligiran at maging sa kalawakan na pinaniniwalaan nilang gumagabay sa sanlibutan.

Paano nakatulong ang mga mahahalagang tuklas sa siyensya at medisina ng mga Arabo sa pagpapatatag ng pagkakakilanlang Asyano?

• Pinatunayan nito ang hindi pangangailangan ng mga Asyano na makisalamuha sa sinuman upang mapaunlad ang kanilang kaalaman.

• Pinatunayan nitong may kakayahan ang mga Asyano na manguna sa pagtuklas at makapag-ambag ng mahahalagang kaalaman sa mundo

• Pinatunayan nitong ang mga Asyano ay may karapatang maging superyor kaysa ibang bansang Kanluranin.

• Pinatunayan nitong ang mga Asyano lamang ang nangunguna sa pagtuklas ng mahahalagang kaalaman sa mundo.

Answer explanation

Sa tuwing may mahahalagang tuklas, agad itong iniuugnay sa mga Kanluranin. Subalit, ang pagkakalahad ng mga mahahalagang tuklas na natunghayan ng daigdig mula sa mga Arabo ay patunay na ang mga Asyano ay may kakayahan din na manguna sa mga bagay na makapagbibigay ng saysay at bagong kaalaman sa nakararami. Pinatunayan din nito na ang mga Asyano ay hindi lamang tagatanggap ng mga kaalaman mula sa mga dayuhan.