Globalisasyon at Paggawa Quiz

Ang mga manggagawang Pilipino ay humaharap sa iba't ibang suliranin tulad ng paglitaw ng iba't ibang anyo ng kontraktuwalisayon. Paano madaling naipataw ng mga kapitalista ang patakarang ito?

• Sa pamamagitan ng kasunduan ng mga bansa sa pandaigdigang kalakalan

• Binigay ito na probisyon ng pandaigdigang institusyon pinansyal sa Pilipinas

• Sa pamamagitan ng mga probisyon ng batas sa pamumuhunan, kalakalan, at batas paggawa

• Sa pamamagitan ng kasunduan ng mga kapitalista at mga collective bargaining unit

Sa taong 2018, anong sektor ang may pinakamataas na bilang ng naempleyo?

• Agrikultura

• Serbisyo

• Industriya

• Lahat ng nabanggit

Isa sa mga naidulot ng globalisasyon ay pagtaas ng demand ng bansa para sa iba't ibang kasanayan sa paggawa na globally standard. Paano ito tinutugunan ng ating bansa?

• Pagdaragdag ng sampung taon sa basic education ng mga mag-aaral.

• Pagtatayo ng mga paaralan na maglilinang sa mag-aaral upang maging globally competitive.

• Pagdaragdag ng mga asignatura sa sekondarya na may kinalaman sa kalakalan at pagmamanupaktura.

• Pagdaragdag ng dalawang taon sa basic education at lilinangin sa mga mag aaral ang mga kasanayan na pang ika-21 siglo upang sila ay maging globally competitive.

Sa taong 2019, alin sa sumusunod na sektor ang may pinakamaliit na bilang ng naempleyo?

• Agrikultura

• Serbisyo

• Industriya

• Lahat ng nabanggit

"Binago ng globalisasyon ang bahay-pagawaan ng mga manggagawang Pilipino", ano ang nais ipahiwatig ng pahayag na ito?

• Pag-angat ng kalidad ng mga manggagawang Pilipino.

• Pagdagsa ng mga Business Process Outsourcing (BPO) sa bansa.

• Paghuhulog, pagbabayad at paglalabas ng pera gamit ang mga Automated Teller Machine (ATM).

• Pagdagsa ng mga produktong dayuhan sa Pilipinas.

Alin sa sumusunod ang HINDI naging epekto ng paglaganap ng pandemiyang COVID 19?

• Paglaganap ng turismo sa bansa.

• Pagbaba ng Gross Domestic Product growth at pagtaas ng budget deficit.

• Patuloy na pagtaas ng tanto ng kawalan ng empleyo sa iba't ibang panig ng daigdig na nakaapekto nang lubos sa ekonomiyang pambansa.

• Pansamantalang itinigil ang pasukan ng mga paaralan upang mapangalagaan ang mga mag-aaral sa lumalalang pagdami ng mga nahahawa sa sakit na ito.

Isa sa mga isyung kinakaharap ng bansa sa paggawa kaugnay ng paglaki ng unemployment at underemployment ay ang paglaki ng job-mismatch? Bakit ito nangyayari?

• Dahil sa kakulangan sa iba't ibang kasanayan ng mga manggagawang Pilipino

• Ang mga kursong pinili ng mga mag-aaral ay taliwas sa kanilang interes at kakayahan.

• Dahil sa kulang ang kaalaman ng mga nagtapos sa kolehiyo batay sa itinakda ng kompanya.

• Hindi makasabay ang mga nakapagtapos ng kolehiyo sa dapat na kasanayan at kakayahan na kailangan ng kompanya.

Ang globalisayon ay nagdulot ng maraming suliranin sa paggawa. Alin sa sumusunod ang HINDI kabilang?

• Demand ng bansa para sa iba't ibang kakayahan o kasanayan sa paggawa na globally standard.

• Mabibigyan ng pagkakataon ang mga lokal na produkto na makilala sa pandaigidigang pamilihan.

• Ang palagiang pangingibang bansa ng mga artista para magbakasyon o umiwas sa mga intriga na ipinupukol sa kanila ng mga taong galit sa kanila.

• Binago ng globalisasyon ang pook pagawaan at mga salik ng produksiyon tulad ng pagpasok ng iba't ibang gadget, computer/IT programs, complex machines at iba pang makabagong kagamitan sa paggawa.

Ang pagpasok ng Pilipinas sa mga usapin at kasunduan sa mga pandaigdigang institusyong pinansyal tulad ng IMF-WB at WTO ay lalong nagpahina sa kita ng mga lokal na magsasaka. Alin sa sumusunod na pahayag ang sumusuporta dito?

• Ang mga produktong agrikultural ay malayang naiaangkat sa ibang bansa.

• Ang mga dayuhang produktong agrikultural ay malayang naibebenta sa mga lokal na pamilihan sa mababang halaga.

• Ang mga lokal na de-kalidad na produkto tulad ng mangga at saging ay itinatanim at nakalaan lamang para sa ibang bansa.

• Ang mga lupaing mainam na taniman ay sumasailalim sa land conversion at pinatatayuan ng iba't ibang dayuhang industriya.

Isa sa mga kinakaharap na isyu sa paggawa sa Pilipinas ay ang pag-iral ng sistema ng mura at flexible labor. Alin sa sumusunod na pahayag ang naglalarawan sa konsepto ng mura at flexible labor?

• Ito ay paraan ng mga mamumuhunan na bigyan ng kalayaan ang mga manggagawa sa pagpili ng kanilang magiging posisyon sa kompanya.

• Ito ay paraan ng mga mamumuhunan na ipantay ang kanilang kinikita at tinutubo sa pagpapatupad ng malaking pasahod at paglilimita sa panahon ng paggawa ng mga manggagawa.

• Ito ay paraan ng mga mamumuhunan na palakihin ang kanilang kinikita at tinutubo sa pamamagitan ng pagpapatupad ng mababang pasahod at paglilimita sa panahon ng paggawa ng mga manggagawa.

• Ito ay paraan ng mga mamumuhunan na palakihin ang kanilang kinikita at tinutubo sa pamamagitan ng pagpapatupad ng malaking pasahod at pagpapahaba sa panahon ng paggawa ng mga manggagawa.