PAS BAHASA SUNDA KELAS 7 2023

1. Ilo paguneman di handap ieu ! Ningsih“Bapa abdi katitipan saur ti pun bapa. Saurna hatur nuhun, Ningsih parantos diwidian besuk pun Nini ka Bandung.” Pa Hasan:..............Ningsih :“Alhamdulillah, ayeuna mah rada sakinten, dirawat di Rumah Sakit Umum Hasan Sadikin, sauna mah tos opat dinten.”Pa Hasan:“Alhamdulillah.” Kalimah nu cocog pikeun nyampurnakeun paguneman di luhur, nya éta ....

• Nya heug, kumaha Nini hidep ?”
• B. ”Kumaha bapa hidep, séhat ?”
• C. ”Papendak bapa jeung nini hidep ?”
• D. ”Nini hidep téh teu damang ?”

2. abdi pun Anwar, dupi .... di Kampung Sukasari Nomer 24. Kecap nu cocog pikeun nyampurnakeun paguneman ngenalkeun diri di luhur, nya éta ....

• A. Nami, bumi
• B. Wasta, rorompok
• C. Ngaran, imah
• D. Jenengan, bumi

3. Lengkepan paguneman di handap ku kecap-kecap nu saluyu jeung undak-usuk basa ! Pa RT : Jang, Bapa aya ? Ujang : Oh, tos ... ka kantor, Pa. Nembé pisan. Manawi aya pikersaeun naon ?

• A. Indit
• B. Angkat
• C. Mios
• D. Berangkat

4. Conto kalimah nu eusina pamitan nu cocog, nya éta ....

• A. Bapa, abdi téh badé permios margi parantos sonten.
• B. Bapa, kuring téh permisi margi tos sonten teuing.
• C. Bapa, abdi badé mulih da tos burit.
• D. Bapa, abdi nyuhunkeun widi, rék balik, margi parantos sonten.

5. Ilo paguneman di handap ieu ! Putri:“Basa Sunda téh hésé.” Dani :“Ceuk saha hésé ?” Roni:“Loba anu nyarita kitu téh. Malah mah loba nyaritakeun lamun nyarita ku basa Sunda sok sieun salah. Aska:“Ceuk Aska mah teu hésé. asal dibiasakeun unggal poé, jadi moal hésé jeung karagok dina nyarita basa Sunda téh. Jeung ulah sieun salah deuih. Kacindekan tina eusi paguneman di luhur nya éta ....

• A. Basa Sunda hésé lantaran aya undak-usuk basa
• B. Basa Sunda teu hésé asal dibiasakeun nyarita ku basa Sunda unggal poé
• C. Nyarita ku basa Sunda sok loba salahna
• D. Lamun tara nyarita ku basa Sunda moal bisa-bisa

6. Pun bapa kantos ... yén Gerakan Literasi Sekolah sanés mung maos buku wungkul.

• A. Nyarita
• B. Nyanggem
• C. Nyarios
• D. Ngomong

7. Kalimah nu eusina ngucapkeun hatur nuhun, nya éta .....

• A. Bu, abdi mah engké neda téh hoyong sareng hayam geprék !
• B. Kang, titip pangmésérkeun buku novel sunda di Gramédia !
• C. Kang, ieu hatur lumayan baé, saur ibu téh !
• D. Cenah Dédé nu ngabéjaan kuring gering, puguh teu kaburu nitipkeun surat, nuhun nya !

8. 1) Tipayun neda sihapunten samudaya kalepatan, bilih aya lepat ucap bahé carék. 2) Ibu, abdi neda dihapunten, rumaos abdi sok baha kana paréntah Ibu. 3) Sawangsulna abdi neda dihapunten, ti luhur sausap rambut ti handap sahibas dampal. 4) Dihapunten pisan, éstu clik putih clak hérang, caang bulan opat welas jalan gedé sasapuan. Kalimah nu eusina ménta hampura, nya éta .....

• A. 1,2,3
• B. 1,2,4
• C. 1,3,4
• D. 2,3,4

9. “Basa Sunda téh basa indung pikeun urang Sunda. Basa anu pangheulana dipikawanoh sarta dipaké dina kahirupan sapopoé urang Sunda.” “Basa Sunda mangrupa bagian penting tina kabudayaan Sunda.” “Malah bisa disebutkeun, basa Sunda mangrupa salahsahiji ciri utama pikeun urang Sunda anu ngaku sélér bangsa Sunda. Anu matak aya ungkara nu nyebutkeun, yén “basa téh cicirén bangsa, ilang basana bisa ilang bangsana”. Jadi lamun sélér Sunda embung leungit, salahsahiji carana kudu dipiara tur dimumulé basana.” Téma paguneman di luhur nya éta ....

• A. Basa Sunda jeung budaya Sunda
• B. Basa Sunda kudu dipaké dina kahirupan sapopoé
• C. Basa téh cicirén bangsa, ilang basana bisa ilang bangsana
• D. Basa Sunda kudu dipiara tur dimumulé

10. “Pikeun barudak SMP ngamumulé basa jeung budaya Sunda dimimitian ku cara basajan, nya éta ngagunakeun basa Sunda dina kahirupan sapopoé. Kudu ngarasa reueus ngagunakeun basa Sunda, ulah éra-éra. Di sagigireun éta, jadi pamilon atawa panitia dina kagiatan nu sipatna kasundaan.” Pananya dina paguneman, nu jawabanana saperti ungkara di luhur nya éta ....

• A. Naon sababna ngamumulé basa Sunda perlu ?
• B. Ti iraha urang bisa ngamumulé basa Sunda ?
• C. Kumaha upaya siswa SMP dina ngamumulé basa Sunda ?
• D. Naon tanggungjawab barudak SMP kana budaya Sunda ?