FIlipino 6

Kilala tayong mga Pilipino sa buong mundo sa pagtataglay ng mga mabubuting katangian. Isa sa mga katangiang maipagmamalaki natin ay ang mabuti nating pagtanggap sa mga panauhin. Mahusay tayong magpatuloy ng bisita at mag-asikaso sa kanila. Tayong mga Filipino ay matatag sa ano mang pagsubok na hinaharap. Taglay rin natin ang pagkakaisa, pagtutulungan, at pagmamahalan. Ano ang angkop na pamagat sa binasang teksto?

• Ang Susi sa Tagumpay

• Mga Katangian ng mga Pilipino

• Magagandang Tanawin sa Pilipinas

• Pagmamahal sa Bansa

Ang niyog (coconut) ay mahalagang produkto ng Pilipinas. Natatangi sa lahat ng puno ang niyog sapagkat bawat bahagi nito ay mahalaga. Bukod sa pagbibenta ng kopra, buko at niyog sa pagluluto, marami pa itong gamit. Ang niyog ay sangkap rin sa paggawa ng sabon, shampoo, at iba pa. Ano ang angkop na pamagat sa binasang teksto?

• Ang Kahalagahan at Gamit ng Niyog

• Ang Paggawa ng Sabon at Shampoo

• Pagbebenta ng Kopra, Buko at Niyog

• Pagtatanim ng Niyog

Gustong-gustong makinig ni Linda sa mga kuwento ng kanyang Lola Basya. Walang araw na dumaan na hindi ito nagpapakwento sa kanyang lola. Kapag kasama niya ang kanyang mga kaibigan mga kwentong kababalaghan ang madalas nilang pakinggan. Ano ang angkop na pamagat sa binasang teksto?

• Ang mga Kwento ni Lola Basya

• Ang Masayahing si Linda

• Si Linda

• Si Linda at si Lola Basya

Malinis at maituturing na kahanga-hanga ang aming pamayanan. Kayraming turista ang nagaganyak na pasyalan ang aming lugar. Tanyag ang mga bundok, ilog, at iba pang tanawin. Marami rin kaming mga kababayang may kani-kaniyang talino sa iba’t ibang larangan — sa sining, sa edukasyon, at sa palakasan. Ano ang angkop na pamagat sa binasang teksto?

• Ang Aming Pamayanan

• Malinis na Pamayanan

• Mga Gawain sa Pamayanan

• Turista sa Pamayanan

Mahalaga sa pagpapanatili ng kalusugan at pag-iwas sa sakit ang pagkain ng prutas at gulay. Isa ang mga madilaw na prutas at gulay na kailangan ng katawan. Ang bitaminang taglay ng mga ito ay nakapagpapalinaw ng paningin. Kaya, kumain ng carrots, kalabasa, kahel, hinog na mangga, at iba pa. Ano ang angkop na pamagat sa binasang teksto?

• Iba’t ibang Prutas

• Masarap na Prutas at Gulay

• Pagkain ng Prutas at Gulay

• Pag-iwas sa Sakit

Sa dulo ng kuwento makikita ang pamagat.

• Mali

• Siguro

• Tama

• Walang sagot

Ang lahat ng letra sa pamagat ay dapat nakasulat sa malalaking letra.

• Mali

• Siguro

• Tama

• Walang sagot

Ang pamagat ay dapat na kaakit-akit upang mahikayat ang mambabasa na ituloy ang pagbabasa sa mga akda.

• Mali

• Siguro

• Tama

• Walang sagot

Likas sa isang maliit na barangay ng Lomboy ang pagiging masigasig ng mga magulang upang mapaaral ang mga anak. karamihan sa nakatira dito ay nagtatrabaho sa palaisdaan bilang tagabantay. Ang pagiging tagabantay ng isang palasidaan ay nakasalalay ang ikinabubuhay ng mga taga-Lomboy. Sa kabila ng kahirapan sa buhay, sadyang pinaaaral ng mga magulang ang kanilang mga anak. Karamihan din sa mga pamilya dito ay kinabibilangan ng malaking mag-anak na anim ang pinakamababa na bilang ng isang mag-anak. Kaya marami sa mga mag-anak dito ay nakapagtapos ang kanilang mga anak at naging matagumpay. Mayroon na silang guro, inhinyero, accountant at karamihan ay nagtatrabaho sa mararangal na opisina. nabigyan ng parangal ang barangay na ito dahil tagumpay ng pamilya ay tagumpay din ng barangay.

• Ang Barangay Lomboy

• Ang marangyang Barangay

• Ang Matagumpay na Barangay

• Ang Tagumpay ng Pamilya ay Tagumpay din ng Barangay

Sakay ng isang malaking bus ay tinungo ni Rita at ng kaniyang ina ang Capiz. Dumeretso sila sa isa sa mga kilalang lugar doon upang mamasyal at kumain. Pagkatapos ay binisita nila ang tanyag na simbahan sa Panay na kung saan makikita ang pinakamalaking kampana sa buong Asya. Tinungo rin ng mag-ina ang isang tanyag na restoran upang doon maghapunan. Tuwang-tuwa si Rita dahil sa wakas ay nakapamasyal na rin siya ng Capiz.

• Ang Capiz

• Si Rita at ang Ina

• Pagsakay ni Rita sa Bus

• Ang Pamamasyal ni Rita sa Capiz