MILLIY SERTIFIKAT TESTI

1. Imloviy jihatdan to‘g‘ri yozilgan so‘zlar qatorini aniqlang.

• A) taassuf, murojatnoma, tabiiy

• B) tanazzul, muassasa, ma’dad

• C) muvofiq, taasurot, taalluqli

• D) maishiy, tafovut, tafakkur

2. Imloviy jihatdan to‘g‘ri yozilgan so‘zlar qatorini aniqlang.

• A) o‘zidan-o‘zi, voy-voy, baxt-u saodat

• B) o‘z-o‘zidan, voy-voylamoq, hol-ahvol

• C) o‘z-o‘zicha, voy-voyiga, baxt-saodatli

• D) o‘z-o‘zligicha, voyvoyak, tarjimayi-hol

3. Qaysi gapda ochiq so‘zi o‘z ma’nosida qo‘llangan?

• A) Nafisa o‘z fikrlarini ko‘pchilik oldida ham ochiq ifoda qila olardi.

• B) Yig‘ilishda aytilgan anchagina muammolar ochiq qoldi.

• C) Haftaning dushanba kuni ochiq eshiklar kuni deb e’lon qilindi.

• D) Ismat ota ochiq derazadan boshini chiqarib, o‘g‘lini chaqirdi.

4. O‘zaro ma’nodoshlik hosil qila oladigan so‘zlarni aniqlang.

• A) noo‘xshash, farq, tafovut

• B) basavlat, sumbat, gavda

• C) turfa, g'alati, ajoyib

• D) qasoskor, o'ch, intiqom

5. Qaysi gapda qo‘shimcha qo‘llash bilan bog‘liq uslubiy xatolik mavjud EMAS?

• A) Iqtisodiy islohotlarning sersamaradorligini ta’minlash uchun ishlar olib borilmoqda.

• B) So‘zlarimizning ma’noviy bo‘yoqdorliligi nutqimiz jozibasini yanada oshiradi.

• C) Qadriyatlarimizga nopisandsizlik bilan munosabatda bo‘lish milliy fojiamizdir.

• D) Olimlarimiz havola etayotgan ushbu loyiha yashash sifatini oshirishga qaratilgan.

6. Qaysi gapda g‘urur so‘zi “kibr” ma’nosida qo‘llangan?

• A) Gapingizni qarang, bunchalik g‘ururga berilmang, g‘urur g‘urbatga solar.

• B) Do‘ppi − o‘zbek xalqining milliy iftixori va milliy g‘ururi hisoblanadi.

• C) G‘ofur aka yuragi g‘ururga to‘la chin inson va otashnafas shoir edi.

• D) Uning yigitlik g‘ururi yordam so‘rab borishga yo‘l qo‘ymadi.

• @onlaynonatili_uz kanali orqali milliy sertifikat imtihoniga tayyorlaning!

7. Qaysi gapda nuqtalar o‘rnida so‘z yasovchi, lug‘aviy shakl yasovchi va sintaktik shakl yasovchi qo‘shimcha qo‘llanadi?

• A) Vatan ravnaq. . . yo‘lida xizmat qil. . . barchamizning sharafli burchimiz. . . .

• B) Ta’lim tiz. . . ining barcha bo‘g‘in. . . i o‘zaro hamjihatlik bilan ishla. . . i kerak.

• C) Boy. . . ing bo‘lma. . . ham, do‘stlaring ko‘p bo‘lsin, ular kulfatda madad. . . bo‘lishadi.

• D) Sohada sifat ko‘rsat. . . larining o‘sib bora. . . i ijobiy o‘zgarishlardan dalolat ber. . . .

8. Har uchala parchada ham ishtirok etgan fe’l shakllarini aniqlang.
I. Yomon holga tushganning shod et dilin, Unutma, yomon kun kelib qolmasin.
II. Shirin so‘zli shilgay g‘anim po‘stini, Dag‘al so‘zli dushman qilur do‘stini.
III. Shirin so‘zni o‘rgan mudom Sa’diydan, Dag‘al so‘zli odam o‘tar g‘am bilan.
1) buyruq maylidagi fe’l; 2) qo‘shma fe’l; 3) ko‘makchi fe’lli so‘z qo‘shilmasi; 4) sifatdosh; 5) III shaxs birlikdagi fe’l; 6) sof fe’l

• A) 1 va 5

• B) 3 va 4

• C) 2 va 6

• D) 5 va 6

9. Berilgan gapda ishtirok etgan ko‘makchi qanday mazmuniy munosabat ifodalagan?
Buyuk bobolarimizning ma’naviy merosi xususida so‘z yuritganimizda Alisher Navoiyning “Xamsa” asarini alohida tilga olamiz.

• A) vosita ma’nosini

• B) fikr mavzusi ma’nosini

• C) tarz, holat ma’nosini

• D) yo‘nalish ma’nosini

10. Berilgan gap haqidagi to‘g‘ri fikrni aniqlang.
Xalqimizning asrlar davomida shakllangan qadimiy madaniyati va qadriyatlarini asrab qolishimiz uchun yosh avlodni milliy ruhda tarbiya qilishimiz lozim.

• A) Ravish holi ot kesimga to‘g‘ridan to‘g‘ri tobelangan.

• B) Payt holi fe’l kesimga to‘g‘ridan to‘g‘ri tobelangan.

• C) Maqsad holi vositasiz to‘ldiruvchiga tobelangan.

• D) To‘ldiruvchi aniqlovchiga kelishik yordamida tobelangan.