Edukasyon sa Pagpapakatao 10 - Summative Test

Alin sa mga sumusunod ang siyang bunga ng nahubog na isip at kilos-loob na batay sa katotohanan sapagkat ang katotohanan ay inaalam sa tulong ng pag-iisip at akmang kilos-loob?

• isip

• kilos-loob

• emosyon

• karunungan

Alin sa mga sumusunod na sa pamamagitan nito ang tao ay nakapagpapasiya at isakatuparan ang pinili?

• isip

• kilos-loob

• pagkatao

• damdamin

Alin sa mga sumusunod na sa pamamagitan nito ay may kaalaman ang tao sa kung ano ang mabuti sa masama?

• isip

• kilos-loob

• pagkatao

• damdamin

“Ang Tao ay nilikha ayon sa wangis ng Diyos kaya’t siya ay tinawag na Kaniyang obra maestro.” Ano ang nais iparating ng kasabihan?

• Ang tao’y may katangiang tulad ng katangiang taglay Niya.

• Kamukha ng tao ang Diyos.

• Kapareho ng tao ang Diyos.

• Ang tao ay inilikha ayon sa pisikal na katangian ng Diyos.

Ano ang pangunahing gamit ng kilos-loob?

• Ito ang pagpili at kilalanin ang pagkakaiba ng nararamdaman o emosyon, paghuhusga at pagpapasiya.

• Ito may kakayahang magnilay o magmuni-muni kaya’t nauunawaan nito ang kaniyang nauunawaan.

• Ito ang kakayahang kumuha ng buod ng esensiya sa mga partikular na mga bagay.

• Ang tunguhin ng isip ay katotohanan at kakayahang magnilay.

[Si Arvin ay mahilig sa chocolate subalit nang nagkaroon siya ng sakit na diabetes naging maingat na siya sa pagpili ng kaniyang kinakain kahit gustong-gusto niya nito.]

Bakit kaya ni Arvin na kontrolin ang sarili at ang udyok ng kaniyang damdamin?

• Ang tao ay may kamalayan sa sarili.

• Malaya ang taong pumili o hindi pumili.

• May kakayahan ang taong mangatwiran.

• May kakayahan ang taong mag-abstraksiyon.

[Si Arvin ay mahilig sa chocolate subalit nang nagkaroon siya ng sakit na diabetes naging maingat na siya sa pagpili ng kaniyang kinakain kahit gustong-gusto niya nito.]

Ano ang mensaheng mabubuo tungkol sa kakayahan ng tao sa sitwasyong ito?

• Ang tao ang namamahala sa kaniyang sarili at walang ibang makapagdidikta sa kaniya ng kailangan niyang gawin.

• Magagawa ng taong kontrolin ang kaniyang pandamdam at emosyon at ilagay ang paggamit nito sa tamang direksiyon.

• Kailangang maging maingat ang tao sa pagpili ng kaniyang kakainin upang maiwasan ang pagkakasakit.

• Hindi maaaring pantayan ng hayop ang kakayahang taglay ng tao kaya nga ang tao ay natatangi.

Nabibigyang kahulugan ng isip ang isang sitwasyon dahil sa kamalayan at kakayahang mag-abstraksiyon. Kapag nabigyan ng kahulugan ang isang bagay o sitwasyon nagkakaroon ito ng tawag (calling) sa tao na dapat tugunan. Ano ang kaisipan mula rito?

• Nagkakaroon ng kabuluhan ang mabuhay sa mundo.

• Nabibigyang daan nito ang pagtulong sa kapuwa.

• Napauunlad nito ang kakayahang mag-isip.

• Nagkakaroon ng pagpipilian ang kilos-loob.

[Nagkaroon ng pagsusulit si Andrie. Noong una, nag-iisip siya kung mangongopya sa pagsusulit o hindi. Napagpasiyahan niyang hindi na mangopya. Napagtanto niyang walang kasiyahan sa hindi pinagpagurang tagumpay. Mahalaga ang pagkakaroon ng prinsipyo sa pag-abot ng tagumpay.]

Ano ang pinatunayan ni Andrie sa sitwasyon ito?

• Ang tao ay may kakayahang pumili ng nais niyang gawin.

• Nakagagawa ang tao ng angkop sa kaniyang pagkatao.

• Ang tao ay may kakayahang alamin ang katotohanan sa bawat sitwasyon.

• May pag-unawa ang tao sa direksiyon ng kaniyang kilos.

[Nagkaroon ng pagsusulit si Andrie. Noong una, nag-iisip siya kung mangongopya sa pagsusulit o hindi. Napagpasiyahan niyang hindi na mangopya. Napagtanto niyang walang kasiyahan sa hindi pinagpagurang tagumpay. Mahalaga ang pagkakaroon ng prinsipyo sa pag-abot ng tagumpay.]

Ano ang mensaheng mabubuo tungkol sa mataas na gamit at tunguhin ng isip at kilos-loob ng tao sa sitwasyong ito?

• Natutukoy ng tao ang gamit at tunguhin ng kaniyang isip at kilos-loob sa angkop na sitwasyon.

• May kakayahaan ang tao na suriin kung ginamit niya nang tama ang kaniyang isip at kilos-loob.

• Ang isip at kilos-loob ay ginagamit ng tao sa paghahanap ng katotohanan at sa paglilingkod/pagmamahal.

• May kakayahan ang tao na makagawa ng mga angkop na kilos upang maipakita ang kakayahang mahanap ang katotohanan, maglingkod, at magmahal.