TAGISAN SA KASAYSAYAN - AVERAGE ROUND

Sampung araw bago ianunsyo sa telebisyon ni dating Pangulong Ferdinand Marcos ang deklarasyon ng Martial Law sa Pilipinas noong Setyembre 23, 1972, nagtalumpati sa Senado ang noo'y kalaban niya sa pulitika na si Benigno "Ninoy" Aquino Jr., at isiniwalat ang patungkol sa isang top secret military plan ng administrasyong Marcos na isailalim ang bansa sa Batas Militar. Ano ang tawag sa lihim na planong ito?

• Oplan Leonidas

• Oplan Constantine

• Oplan Mercurio

• Oplan Sagittarius

Sa buong panahong itinagal ng Batas Militar sa Pilipinas, pinamunuan ni Pangulong Marcos ang pagkilala sa Setyembre 21 sa ilalim ng Proklamasyon Blg. 1180 s. 1973. Ginawa niya ito upang mailapat sa kasaysayan ang araw ng pagkakatatag ng kaniyang Bagong Lipunan. Ang petsang nabanggit ay kinilala bilang ________.

• National Historical Day

• National Commemoration Day

• National Thanksgiving Day

• National Unification Day

Sa pagpapabisa ng proklamasyong ito, opisyal na nagtapos ang Batas Militar noong Enero 17, 1981. Sa kabila nito, siniguro ni Pangulong Marcos na ang kapangyarihan sa pagsasagawa ng batas ay mananatili sa kaniya.

• Proklamasyon Blg. 2043

• Proklamasyon Blg. 2044

• Proklamasyon Blg. 2045

• Proklamasyon Blg. 2046

Isa sa mga natatanging senador ng Pilipinas si Jovito R. Salonga. Nagsimula ang kanyang karera sa politika noong 1960 kung saan siya ay tumakbo at nanalo bilang Congressman ng (Ikalawang Distrito) ng Rizal. Tumakbo at nanalo siyang senador noong 1965 kung saan nanalo rin si Ferdinand Marcos bilang pangulo sa kanyang unang termino. Marami siyang isiniwalat na kamalian ng rehimeng Marcos tulad ng isang ma-anomalyang kontrata na tinawag niyang Benguet- Bahamas Deal. Dahil dito, ano ang ibinansag sa kaniya?

• Nation’s Examiner

• Nation’s Financer

• Nation’s Fiscalizer

• Nation’s Whistleblower

Nang inilunsad ni dating Pangulong Marcos ang Bagong Lipunan, ginamit niyang islogan ang katagang, “Sa ikauunlad ng bayan, disiplina ang kailangan.” Madaling napasunod ang karamihan sa paglikha ng mga bagong tanggapan. Sa panahong ding ito, inilunsad ang programang PLEDGES. Ano ang ibig sabihin ng letrang “G” sa programang ito?

• Good Governance

• Governance and Development

• Governing Institutions

• Government Reform

Sa panahon ng administrasyong Marcos, nagpatayo ng mga paaralang nakilala bilang “Marcos type” na mga paaralan. Anong programa naman ang inilunsad na naglayong linangin ang kasanayan sa paggawa at paglahok ng mag-aaral sa mga proyektong panlipunan?

• Civic Welfare Training Service

• Youth Civic Action Program

• Youth Civic Engagement & Leadership

• Youth Leadership for Democracy

Sa panahon ni Pangulong Ferdinand Marcos, isinulong niya ang Repormang Pansakahan sa pamamagitan ng atas na ito na inilabas noong ika-21 ng Oktubre, 1972 kung saan nagkaroon ng malawakang paglilipat ng mga lupa sa mga kasamá at binigyan ng karapatang magmay-ari ng lupa ang maliliit na magsasaka.

• Presidential Decree No. 25

• Presidential Decree No. 26

• Presidential Decree No. 27

• Presidential Decree No. 28

Ang Human Rights Victims’ Claims Board (HRVCB) ay inatasang tumanggap, suriin, iproseso, at imbestigahan ang reparation claims ng mga biktima ng mga paglabag sa karapatang pantao sa ilalim ng administrasyon ni dating Pangulong Ferdinand Marcos noong panahon ng Martial Law. Pagkatapos ng masusing deliberasyon, tinukoy ng Claim Board ang 11,103 claimants na karapat-dapat para sa monetary reparations. Anong batas ang nagpatibay ng pagkakatatag ng lupon na ito?

• Republic Act No. 10368

• Republic Act No. 11589

• Republic Act No. 11641

• Republic Act No. 11768

18. Siya ay isang matandang iginagalang mula sa tribong Butbut sa pamayanan ng Bugnay sa Cordilleras. Siya ay isang mahigpit na kalaban sa plano ng pamahalaang Marcos sa paglalagay ng isang napakalaking dam sa tabi ng Ilog Chico. Ayon sa tala, pinaulanan ng bala ang kaniyang bahay dahilan ng kaniyang pagkamatay. Dahil sa pagkalat ng balitang ito, binawi ng World Bank ang pagpopondo para sa dam ng Chico River. Sino ang matandang lalaking ito?

• Cesar Climaco

• Macli-ing Dulag

• Puri Pedro

• Rolando Fadul

Ang pagkakaproklama ni Pangulong Ferdinand E. Marcos sa Batas Militar noong 1972 ay sinasabing nagpapahiwatig ng pag-abandona sa mga impluwensya ng mga Amerikano. Sa katunayan, pinuri ng kanyang Foreign Minister ang pangyayaring ito bilang isang hakbang palayo sa mga mithiin ng Amerika -angkop sa isang umuunlad na bansa sa Silangan. Aniya, ang pamahalaang Marcos ay isang malaking pagbabago mula sa mga demokratikong gawi na minana natin sa panahon ng mga Amerikano. Sino ang Foreign Minister na ito?

• Carlos Romulo

• Joaquin Miguel Elizalde

• Juan Ponce Enrile

• Narciso Ramos