තොරතුරු හා සංනිවේදන තාක්ෂණයේ මූලික සංකල්ප

දත්ත සැකසීමේ ජීවන චක්‍රය නිවැරදිව ප්‍රකාශ වන්නේ පහත සඳහන් කවර ප්‍රකාශයේ ද?

• දත්ත එක් රැස් කිරීම / දත්ත ආදානය / සැකසීම / ප්‍රතිදානය / ගබඩා කිරීම

• ගබඩා කිරීම / සැකසීම / ප්‍රතිදානය

• සැකසීම / ප්‍රතිදානය / ගබඩා කිරීම / විමසීම

• දත්ත එක් රැස් කිරීම / සැකසීම / ප්‍රතිදානය / ආදානය / ගබඩා කිරීම

• දත්ත එක් රැස් කිරීම / දත්ත ආදානය / සැකසීම / ගබඩා කිරීම / ප්‍රතිදානය

ගුණාත්මක දත්තයක් පිළිබඳව කියවෙන ප්‍රකාශය කුමක්ද?

• ප්‍රභාත් ගණිත විෂයට ලබාගෙන ඇති ලකුණු ප්‍රමාණය 85 කි.

• මහනුවර සිට කොළඹට ඇති දුර ප්‍රමාණය කිලෝමීටර් 104 කි.

• සුනිමල් සුදු පැහැයෙන් යුක්තය.

• ශ්‍රී ලංකාවේ වෙසෙන මිනිසෙකුගේ සාමාන්‍ය ආයු කාලය අවු.67 කි.

• ඉහත කිසිවක් නොවේ.

දත්තයක ගතිලක්ෂණ නිවැරදිව ප්‍රකාශ නොවන්නේ පහත සඳහන් කවර ප්‍රකාශයෙන් ද?

• දත්ත ගබඩා කිරීමේ හැකියාවෙන් යුක්ත විය යුතුය.

• දත්ත සම්ප්‍රේෂණය කිරීමේ හැකියාව සහිත විය යුතුය.

• දත්ත සැකසීමේ හැකියාව තිබිය යුතුය.

• ගුණාත්මක සහ ප්‍රමාණාත්මක දත්ත ලෙස දත්ත වර්ගීකරණයක් සිදු නොවේ.

• කිසිඳු අයුරකින් හෝ සකස් නොකරන ලද දෑ දත්ත ලෙස නිර්වචනය කළ හැක.

තොරතුරක් සම්බන්ධව නිවැරදි නොවන ප්‍රකාශය තෝරන්න.

• තොරතුරක් සඳහා වටිනාකමක් පවතී.

• තොරතුරක් දැනුම වර්ධනය කිරීමට ඉවහල් වේ.

• තොරතුරු බිහි කරගැනීම සඳහා දත්ත භාවිතා වේ.

• කාලය ශුන්‍ය වන විට තොරතුරක අගය ඉතා ඉහළ මට්ටමක පවතී.

• තොරතුරු තීරණ ගැනීමට භාවිතා කළ නොහැක.

“සුපුන් 2015 වසෙර් සාමාන්‍ය පෙළ විභාගයට පෙනී සිටන ලදි. එහි ප්‍රතිඵල ලද දිනයේ ඔහුගේ දෙමාපියන්, සහෝදරයන්, ඥාතීන්, අසලවැසියන්, ගුරුවරුන් යන සියළු දෙනා ඉතා උනන්දුවෙන් යුක්තව ඔහුගේ ප්‍රතිඵල දැන ගැනීමට උත්සුක වූහ. ප්‍රතිඵල නිකුත් වූ දින ඥාතීන් කිහිප දෙනෙක්ම දුරකතනයෙන් සම්බන්ධ වී ප්‍රතිඵල විමසන ලදි. අද වන විට සුපුන් උසස් පෙළ විද්‍යා විෂය ධාරාව අධ්‍යයනය කරමින් සිටී. නමුත් ඔහුගෙන් කිසිවෙක් පසුගිය මාස කිහිපය තුළදී සාමාන්‍ය පෙළ විභාගයේ ප්‍රතිඵල පිළිබඳ විමසීමක් සිදු නොකරන ලදි.“ මෙම ප්‍රකාශය තුළින් තොරතුරක වටිනාකම තීරණය වීමට බලපාන සාධකයක් පිළිබඳව කියැවේ. එම සාධකය කුමක්ද?

• කාලය

• නිවැරදිභාවය

• අදාලත්වය

• සම්පූර්ණත්වය

• විශ්වාසනීයත්වය

දත්ත තොරතුරු බවට පත්කරලීමේ ක්‍රියාවලිය නිවැරදිව දක්වා ඇති ප්‍රකාශය තෝරන්න.

• දත්ත - ක්‍රියාවලිය - තොරතුරු

• දත්ත - ආදානය - ක්‍රියාවලිය - ප්‍රතිදානය

• ආදානය - ක්‍රියාවලිය - ප්‍රතිදානය

• ක්‍රියාවලිය - ආදානය - ප්‍රතිදානය

• දත්ත - තොරතුරු - ක්‍රියාවලිය

ප්‍රමාණාත්මක දත්තවලට නිවැරදි නොවන ප්‍රකාශය තෝරන්න

• එකතු කිරීම, අඩු කිරීම, වැඩි කිරීම, බෙදීම වැනි කාර්යයන් කළ හැකි වීම ප්‍රමාණාත්මක දත්තවල පවත්නා ලක්ෂණයකි.

• අනුපිළිවෙලට සැකසීමේ හැකියාව ප්‍රමාණාත්මක දත්තවල පවතී

• ප්‍රමාණාත්මක දත්ත මඟින් ප්‍රස්තාර නිර්මාණය කිරීමේ හැකියාව පවතී

• ප්‍රමාණාත්මක දත්ත ප්‍රකාශ කිරීම සඳහා සංඛ්‍යා යොදා ගැනීමට පුළුවන

• පැහැය, වර්ණය, සෞඛ්‍ය තත්වය ආදී දෑ ප්‍රමාණාත්මක දත්ත ලෙස සැලකිය හැක

හස්තමය දත්ත ආදාන ක්‍රමවලට වඩා, ස්වයංක්‍රීය දත්ත ආදාන ක්‍රම ලෙස හඳුනා ගත හැකි OMR, OCR, MICR වැනි ක්‍රම මඟින් දත්ත ආදානය කිරීමෙන් ලබගත හැකි වාසි නිවැරදිව ප්‍රකාශ නොවන වගන්තිය තොරන්න.

• නිවැරදිතාව උපරිම අයුරින් පවත්වා ගැනීමේ හැකියාව

• ඉක්මනින් දත්ත ආදානය කිරීමේ හැකියාව

• පිරිවැය අඩු කරගැනීමට හැකිවීම

• දත්ත සත්‍යාපනය සදහා යොමු වීමේ අවශ්‍යතාවය ඉතා අවම වීම

• ස්වයංක්‍රීය දත්ත ආදාන ක්‍රම මඟින් ආදානය කරන සෑම දත්තයක්ම සථ්‍යාපනයට ලක්වීම අනිවාර්ය වීම

බැංකුවකට සම්බන්ධ ක්ෂේත්‍ර නිලධාරියෙක් අදාල බැංකුව පිහිටි ප්‍රදේශයේ නගරය තුළ ව්‍යාපාරික ස්ථානවලට දිනපතා ගොස් ඔවුන්ගෙන් තැන්පතු මුදල් එකතු කිරීමක් සිදු කරනු ලැබේ. එසේ ලබාගන්නා නැත්පත් මුදල් ව්‍යාපාරිකයා සිටින ස්ථානයේදීම පරිගණකයට අතුළත් කරයි. එසේ ඇතුළත් කළ සැනින් අදාල ව්‍යාපාරිකයාගේ ගිණුමට එම මුදල් තැල්පත් වී නව ශේෂය සැකසීමක් ද සිදුවේ. මේ තුළින් ව්‍යාපාරිකයින් දිනපතා මුදල් තැන්පත් කිරීමට යොමුවනවා මෙන්ම බැංකුවේ තැන්පතු ප්‍රමාණයන් ද ඉහළ නංවා ගැනීමට හැකියාව ලැබී ඇත. මෙහිදී භාවිතා කරන ලද දත්ත ආදාන ක්‍රමය හඳුන්වනු ලබන්නේ කුමන නමකින් ද?

• මාර්ගගත දත්ත ආදානය

• ජංගම දත්ත ආදානය

• සෘජු දත්ත ආදානය

• වක්‍ර දත්ත ආදානය

• බැංකු ගිණුම් දත්ත ආදානය

පහත ප්‍රස්තාර අතරින් තොරතුරක උපරිම වටිනාකම නිරූපණය කිරීමට වඩාත් සුදුසුම ප්‍රස්තාර සටහන ලෙස හඳුනාගත හැක්කේ කුමක්ද?

• 
• 
• 
• 
•