Pagpapakita ng Paggalang sa ideya o Suhestiyon ng Kapuwa

Mayroon kang tinatapos na proyekto hanggang hating gabi. Upang hindi ka antukin ay nilakasan mo ang radyo. Lumabas sa kuwarto ninyo ang bunso mong kapatid at nakiusap na hinaan mo ito dahil hindi siya makatulog. Ngunit ang malakas na tunog lang ang nag-aalis ng antok mo. Ano ang gagawin mo?

• A. Hindi papansinin ang kapatid dahil wala naman siyang magagawa sa gusto mong gawin.

• B. Papatayin ang radyo. Maghahanap na lamang ng ibang paraan upang hindi antukin.

• C. Ihihinto ang ginagawang proyekto at matutulog nalang din. Kinabukasan ay isusumbong nalang sa nanay na inistorbo siya kaya hindi niya natapos ang gawain.

• D. Pagagalitan ang kapatid dahil nakikialam siya.

2. Pinagalitan ka ng iyong guro dahil sa isang pagkakamali na hindi naman ikaw ang gumawa. Napahiya ka sa buong klase. Napag-alaman mo na isa pala sa kamag-aral mo ang nakagawa ng mali at ikaw ang kaniyang naituro ng tanungin siya ng iyong guro. Humingi siya ng tawad sa iyo at nangakong sasabihin sa guro ang totoo. Ano ang gagawin mo?

• A. Aawayin siya ng husto dahil siya ang dahilan kung bakit ka napahiya sa klase

• B. Sasabihin sa kanya na huwag nang mag-abala dahil nasira kana sa inyong guro

• C. Pakikinggan ang kanyang paliwanag at tatanggapin ang kanyang suhestiyon

• D. Maghihiganti sa ginawang masama sa iyo ng iyong kaklase

3. Isang kamag-anak mo ang nagsabi na may ikinakalat na tsismis tungkol sa iyo ang iyong matalik na kaibigan. Nagkataong nakasalubong mo siya sa parke. Ano ang gagawin mo?

• A. Lalapitan at iimbitahin kung pwede ba kayo mag-usap sa isang tahimik na lugar. Mahinahong tatanungin kung totoo ba ang isinumbong ng kaniyang kamag-anak

• B. Hindi papansinin kailanman ang matalik na kaibigan

• C. Gagawan din ng tsismis ang matalik na kaibigan para makaganti

• D. Hindi papansinin ang sinabi ng kamag-anak.

4. Hiniram ng kaibigan mo ang aklat mo sa Agham. Ipinangako niyang isasauli niya iyon pagkaraan ng dalawang oras. Matagal kang naghintay, pero hindi bumalik ang kaibigan mo. Ano ang gagawin mo?

• A. Magpapahiram lamang ng gamit kung sa tabi mo lang siya gagamit.

• B. Kukumbinsihin ang sarili na walang magandang idudulot ang pagpapahiram ng mga gamit

• C. Hahanapin siya at magagalit dahil hindi siya sanay tumupad sa kanyang ipinangako

• D. Kakausapin siya tungkol sa kahalagahan ng pagsasauli ng hiniram sa takdang oras pinag-usapan

5. Usapan ninyong magkakaibigan na manonood kayo ng cultural show sa plasa. Nakatakda kayong magkita-kita sa hintayan ng sasakyan malapit sa inyong paaralan ng ika-5 ng hapon. Hindi dumating ang mga kaibigan mo. Nalaman mong nauna na sila sa plasa. Ano ang gagawin mo?

• A. Kakausapin sila tungkol sa nangyari at sasabihin kung ano ang nararamdaman tungkol doon

• B. Iiyak at hindi makikipag-usap sa kanila sa susunod na makita sila

• C. Magpapasalamat na habang maaga pa ay napatunayan mo na ang kanilang totoong pagkatao

• D. Aawayin sila kapag nasalubong mo sila sa paaralan