Quarter 2 Week 5 Filipino 6 Quiz

Masayang naglalaro sa parke ang magkaibigang Marvin at Jhimar nang

biglang napansin ni Marvin na walang suot na face mask si Jhimar.

__________________________.

• Tumakbo pauwi si Jhimar dahil hinabol sila ng aso.

• Niyaya na lang ni Marvin si Jhimar na pumunta sa simbahan.

• Nagtago si Jhimar sa likod ng mga puno para hindi siya makita ni

  Marvin.

• Pinagsabihan ni Marvin si Jhimar na huwag kakalimutang magsuot

  ng face mask.

Sa sobrang pagmamadali ni Marta sa paglilinis ng tukador, nakabig niya

ang mamahaling plorera ng kaniyang lola. ____________________________.

• Nahulog ito at nabasag.

• Nagluto ng pagkain si Marta.

• Tumakbo papuntang palikuran si Marta.

• Nagbihis at namasyal sa parke si Marta kasama ang kaniyang lola.

Napasigaw nang malakas si Fatima nang makita niyang nabundol ng

kotse ang alaga niyang aso. ______________________________________.

• Mangiyak-ngiyak siya sa sobrang galak.

• Hinimatay siya sa sobrang pagkagutom.

• Bumili siya ng laruang aso upang hindi malungkot.

• Tumakbo siya patungo sa kaniyang aso at tiningnan ang kalagayan

  nito.

Umuwi ang ina ni Rhegan mula sa ibang bansa gustong-gusto niyang

lapitan at yakapin ang ina ngunit sinabihan siya na hindi pa maaaring

gawin ito kailangang maghintay muna sila ng dalawang linggo.

_______________________________.

• Nagpumilit si Rhegan na maglaro sa kabilang bahay.

• Naglupasay sa pag-iyak si Rhegan sa sobrang sakit ng ngipin.

• Tumakbo papasok ng kuwarto si Rhegan at natulog dahil inaantok.

• Walang magawa si Rhegan kundi sundin ang sinabi sa kaniya.

Maraming bunga ang mangga ni Aling Fe kaya palaging namamasyal

doon ang magkakapatid na sina Rico, Jona at Ruffa,

______________________.

• nagselfie sila sa ilalim ng punong santol.

• tumulong maglinis ng bakuran ang magkakapatid.

• Umiigib ng tubig ang magkakapatid sa balon ni Aling Fe

• nanghingi ng bunga ng mangga ang magkakapatid at dinadala sa

  kanilang ina.

Masinsinang nag-uusap sina Bb. Faraon at Gng. Animas sa labas ng

paaralan nang biglang may mga batang naghahabulan papasok sa

paaralan. Nasagi ng isang bata si Bb. Faraon at natumba ito.

_____________________________________.

• Nagtawanan ang dalawang guro.

• Naglaro ang mga bata sa parke.

• Nagkayayaan ang mga batang mamasyal sa malapit na mall.

• Humingi ng paumanhin ang batang nakabangga sa kay Bb. Faraon.

Nagwawalis ng bakuran si Aling Magding nang biglang kumidlat nang

malakas. __________________________________.

• Nagtawanan ang mga batang naglalaro.

• Sa pagkagulat ay tumakbo siya papasok ng bahay.

• Nagbihis siya at nagtungo sa palengke para bumili ng lulutuing ulam.

• Pumasok siya sa bahay at nagluto ng pagkaing ihahain sa mga

  bisitang dadating

Mabilis magpatakbo ng motor si Johnald ipinagyayabang pa niya ito sa

kaniyang mga kaibigan. Isang araw niyaya niya si Leo na sila ay

magkarera. _________________________________.

• Nagtungo ang magkaibigan sa mall.

• Naglaro ang mga bata sa bakuran nila Johnald.

• Nagkarera silang dalawa at nanalo si Johnald.

• Naglaro ng basketball ang magkakaibigan.

Tutok na tutok sa panonood ng balita ang mag-anak na Turalba nang

biglang namatay ang TV at ang ilaw. __________________________.

• Nagsayawan ang mga bata.

• Namasyal ang mag-anak sa parke.

• Natakot ang mga bata at nagtakbuhan papunta sa kanilang

  magulang.

• Nagluto ng hapunan ang nanay habang ang itay naman ay nag-iigib

  ng tubig.

Habang kumakain ay may kinakausap sa cellphone si Kennan kaya’t

hindi niya namalayan na ang isdang kaniyang sinubo ay may tinik pa.

______________________________________.

• Napasigaw si Kennan sa sobrang saya.

• Sumayaw siya ng Tiktok kasama ang kaniyang mga kaibigan.

• Nabulunan siya at humarang ang tinik sa kaniyang lalamunan.

• Mangiyak-ngiyak si Kennan dahil aalis na ang kaniyang nanay

  papuntang Hongkong.