ESP 6

Paano mo maipapakita ang pakikiisa at pakikipagtulungan sa pasya ng grupo o pangkat?

• Sa pamamagitan ng pagpapatigil sa pasya ng nakararami.

• Sa pamamagitan ng pakikipagtalo sa pasya ng nakararami.

• Sa pamamagitan ng pagsang-ayon sa pasya ng nakararami.

• Sa pamamagitan ng hindi pagsunod sa pasya ng nakararami.

Bilang kasapi ng pamayanan, ano ang dapat gawin kung may mga itinakdang pagpupulong ang inyong lider o Barangay Kapitan?

• Umalis sa inyong lugar sa araw ng pagpupulong.

• Dadalo at makikibahagi sa araw ng pagpupulong.

• Manatili sa bahay habang ginaganap ang pagpupulong.

• Itaon sa araw ng pagpupulong ang pamamasyal at paliligo sa dagat.

Ipinapatupad ng inyong lungsod ang pagpapanatili ng mga tao sa bahay sa araw ng Linggo dahil sa nararanasang pandemya. Alin ang dapat gawin ng mga mamamayan?

• Maagang pumunta sa dagat at doon magpalipas ng maghapon.

• Magpunta sa simbahan at doon manatili sa buong araw.

• Pumunta sa kamag-anak sa kabilang lungsod.

• Manatili sa loob ng bahay sa buong araw.

Inutusan ka ng tatay at nanay mong dumalo sa pagpupulong ng inyong barangay bilang representante ng inyong pamilya.Napansin mong ang iyong mga katabi ay maingay at hindi nakikinig, ano ang gagawin mo?

• Sutsutan mo sila at sabihing makinig kayo upang may maunawaan sa pinag-uusapan.

• Magalang mo silang sasabihan na makinig upang maunawaan ang pinag-uusapan.

• Bubulungan mo ang tagapagsalita na hindi nakikinig ang mga katabi mo.

• Sisigawan mo sila at sabihing,”Hoy makinig naman kayo!”

Nagkaroon ng panukala ang iyong barangay kapitan na magkaroon ng“clean- up drive” sa darating na linggo na sinag-ayunan naman ng nakararami. Ano ang iyong magiging pasya?

• Magdadala ng gamit at makilahok sa gaganaping clean-up drive.

• Magpapakita lang at uuwi agad kapag walang may tumitingin.

• Pupunta ngunit makipagkuwentuhan lang sa kaibigan.

• Pupunta at sisilong lang sa mga lilim ng puno.

Pinagpasyahan ng inyong barangay na magkakaroon ng “curfew hour” sa inyong lugar. Bilang isang mamamayan susunod ka ba?

• Opo, dahil iyon ang napagpasiyahan at makakabuti sa buong barangay.

• Opo, dahil takot ako sa aming barangay kapitan

• Hindi, dahil para lang iyon sa mga gumagala.

• Hindi dahil wala akong pakialam.

May pagpupulong sa barangay na dinaluhan ng mga mamamayan. Ang pagpupulong ay tungkol sa kung paano maiiwasan ang sakit na dengue. Napagkaisahan na ang lahat ay maglilinis ng kani-kanilang bakuran. Lalong-lalo na ang mga kanal, alulod ng bahay at sa mga lugar na posibleng pamahayan ng lamok. Bilang mag-aaral at kasapi ng pamayanan, ano ang iyong magiging kontribusyon sa panukala ng iyong barangay?

• Susuportahan ko ang panukala ng barangay dahil ito ay nararapat gawin ng mamamayan at siyang makakabuti upang masugpo ang sakit na dengue.

• Susuportahan ko ang panukala ng barangay kung marami na ang magkakasakit ng dengue malapit sa aming tahanan o ng buong barangay.

• Hindi ko susuportahan dahil gagawa naman ng aksiyon o paraan ang mga taga DOH kapag may kaso ng dengue sa isang lugar.

• Hindi ko susuportahan ang panukala ng barangay dahil nag-iingat naman kaming mag-anak.

May ibinigay na ayuda ang barangay sa mga tao. Ang ilan sa nasasakupan ni Aling Rubi ay hindi nakatanggap. Bilang presidente ng purok, ano ang nararapat niyang gawin?

• Hahayaan na lang niya ang mga hindi nakatanggap dahil mga pasaway naman sila kanilang purok.

• Pagsasabihan na lang niya na hindi na magreklamo dahil marami naman silang hindi nakatanggap ng ayuda.

• Ipapaalam niya sa punong-barangay ang problema upang mahanapan ito ng solusyon o paraan kung paano mabibigyan ang mga hindi nakatanggap.

• Ipapaalam niya sa punong-barangay ang problema at kapag mabigyan na ng ayuda ay kanyang itatago at aangkinin dahil siya naman nagsikap upang mabigyan ang hindi nakatanggap

Sa Barangay Mapayapa ay mayroong internet café na malapit sa paaralan. May ordinansa ang barangay na hindi pwedeng mag-internet ang mga bata sa oras ng klase. Ngunit ipinagwalang bahala ito ng may-ari. Ano ang dapat gawin ni Mang Berto bilang isa sa mga

magulang ng mag-aaral?

• Isusumbong agad sa pulis ang may-ari upang hulihin at mailagay sa piitan

• Ipapaalam niya sa barangay upang maaksiyunan at makausap ang may-ari tungkol sa batas ukol dito.

• Sasabihan lang ang anak na hindi sya pupunta doon at hayaan na lang ang ibang bata kung nais nilang mag internet sa oras ng kanilang klase.

• Pagsasabihan ang mga kaibigan at kamag-aral ng anak na sa hapon na lang sila mag internet kapag wala ang kanilang guro sa panghuling klase.

Ano ang gagawin mo kung hindi ka sigurado sa pasya ng nakararami dahil mayroon kang pakiramdam na magdudulot ito ng hindi maganda at maaaring pagsisisihan ang pagsang- ayon sa kanilang pasya?

• Suriin at pag-aralan muna nang mabuti ang gagawing pagpasiya kung ito ba ay magdudulot ng maganda at siyang makakabuti para sa lahat upang walang masisisi.

• Ipagpaliban muna ng isang taon ang gagawing pagpapasya. Suriin at pag-aralan muna nang mabuti kung ito ba ay magdudulot ng kabutihan para sa lahat ng sa gayon ay hindi mo ito pagsisisihan.

• Ibibigay na ang pasiya agad-agad upang malaman kung magdudulot ba ng maganda o hindi maganda para sa lahat ang pasiya ng nakararami.

• Hindi na pag-aaksayahan ng panahon ang magiging resulta ng pagpapasiya, ang mahalaga ay naibigay na ang pasiya para sa lahat.