Pagtataya

Anong damdamin ang mahihinuha sa pahayag na,“Talagang grabi ang sabong! Isinusumpa ko na ang sabong! Ni ayaw ko nang makita ang anino ng sabungang iyan.”?

• lungkot

• saya

• takot

• galit

Sa pahayag na, “Iyan ang hirap sa sugal! Kulas, walang pinanghahawakan kundi ang suwerte!”, ano ang masasalaming katangiang taglay ng taong kaniyang kausap?

• masipag sa buhay

• may tiwala kay Kulas

• naniniwala sa suwerte

• naniniwala sa Diyos

Anong damdamin ang ibig ipakahulugan ng susunod na pahayag? “O, buweno. Wag mo ‘kong sisihin kung maubos ang kaunting pinagbilhan natin ng palay.”

• pag-aalala

• pagkatuwa

• pagtataka

• pagmamaktol

“Oo Celing. Ipinapangako ko sa iyo, hindi na ako magsasabong kailanman.” Ano ang mahihinuhang katangian ng taong nagsasalita?

• Walang anumang balak tumigil sa pagsasabong.

• Hindi seryoso sa pahayag tungkol sa pagsasabong.

• Totoo sa pangakong hindi na magsusugal kailanman.

• Malungkot at hinding-hindi na kailanman uulit sa nagawa.

“Sila ang magdadala sa atin ng grasya.” Ano ang kahulugan ng salitang grasya?

• kababalaghan

• biyaya

• malas

• pagkain

Anong damdamin ang ibig ipakahulugan ng susunod na pahayag? “Nakita mo na? Ang hirap kasi sa’yo di mo ginagamit ang ulo mo, hindi katulad ko, mautak.”

• pagkatuwa

• pagpapakumbaba

• pagmamagaling

• pananabik

Paano nagwakas ang mga pangyayari sa dulang “Sa Pula, Sa Puti?”

• katatawanan

• kapahamakan

• kalungkutan

• trahedya

Alin sa mga sumusunod ang tamang pagkakasunod-sunod ng mga pangyayari sa dula?

1. Hinihimas ni Kulas ang kanyang manok na panabong at magseselos ang asawa na si Celing.

2. Kinumbinsi ni Castor si Kulas na muling bumalik sa pagsasabong

3. Natalo sa sabong ang manok ni Kulas at nangakong hindi na magsasabong.

4. Dumating si Sioning at nagbalitang dumating na ang rasyon sa tindahan ni Aling Kikay.

5. Natalo sa pustahan ang mag-asawang Kulas at Celing kahit pa nanalo sa sabong ang kanilang manok.

• 1,2,4,3,5

• 3,5,4,1,2

• 1,4,3,2,5

• 1,3,4,2,5

Ano ang masasalamin sa kabuuang konsepto ng dulang “Sa Pula, Sa Puti?”

• Masasalamin ang paniniwala ng tao sa suwerte.

• Masasalamin sa dula na ang bisyo at pagsusugal ay nagdudulot ng negatibong epekto sa buhay ng tao.

• Masasalamin sa kabuuang konsepto ng dula na desisyon ng tao kung kailan ito titigil sa sugal.

• Masasalamin sa kabuuang konsepto ng dula na ang bisyo at sugal ay malaki ang naitutulong sa buhay.

Anong sangkap ng dula ang binibigyang-tuon sa pangungusap sa ibaba? “Isang karaniwang tahanan sa lalawigan. Ang pintuan sa likuran ay patungo sa labas, ang sa kanan ay patungo sa kusina.”

• tagpuan

• tauhan

• tema

• panahon