M10 Pre-Test

Laging pagod si Katrina sa trabaho niya bilang tagaluto at tagahugas ng plato sa pinapasukang karinderya pero hindi siya nagrereklamo at nagpapabaya sa kaniyang tungkulin. Paano isinasabuhay ni Katrina ang kagalingan niya sa paggawa?

• Ginagawa niya nang may kahusayan ang kaniyang tungkulin

• May pagmamahal at pagtatangi siya sa kaniyang katrabaho

• Ang kaganapan nang kaniyang pagiging mabuting manggagawa ay kaganapan ng kaniyang pangarap

• Ang pagnanais na magkaroon ng karagdagang benepisyo sa trabahong ginagawa

Inilunsad ng isang kilalang kumpanya ng softdrinks in can ang proyektong “Ang latang naitabi mo, panibagong pamatid uhaw ang dala nito sa Iyo”upang makaipon ng maraming lata na ibibigay sa Tahananag Walang Hagdan. Ang Programang ito ay tumutugon sa mga pagpapahalagang mayroon ang pagawaan o ang kompaya sa paglikha ng isang produktong may kalidad at nakikibahagi sa lipunan, lalo na sa mga may kapansanan. Kung ikaw ang lilikha ng produkto alin sa sumusunod ang dapat mong isaalang–alang?

• Gumawa ng produktong kikita ang tao

• Gumawa ng produktong makakatulong sa tao

• Gumawa ng produktong magpapabago sa buhay ng tao

• Gumawa ng produktong ayon sa kalooban ng Diyos

Maganda ang pagkakagawa ng pamilya ni Suzette sa mga bag na yari sa “Water lily”. Mabili ito lalo na ang mga disenyong may iba’t ibang kulay. Alin sa sumusunod na pahayag ang nagsasabuhay o nagpapakita sa kagalingan ng tao sa paggawa?

• Nagiging malikhain ang tao sa pa paggamit ng kaniyang mga kakayahan

• Nakagagawa ng paraan ang tao upang iangat ang kaniyang pamumuhay

• Nagkakaroon ng pagkakataon ang tao na magsama–sama sa mithiin ng lipunan

• Nagkakaroon ng kadahilanan ang tao para mabuhay

Pinalitan ni Gng. Quinto ang nagretirong punong-guro ng kanilang paaralan. Maraming nagsasabing hindi siya kayang higitan ang kabutihang nagawa at tagumpay na narating ng huli. Alin sa sumusunod ang dapat niyang linangin upang mapatunayan na siya ay karapat–dapat sa posisyong ibinigay sa kaniya?

• Magpakumbaba at ipagpatuloy ang mga programang nasimulan ng dating punong-guro.

• Gamitin ang ganda, angking karisma, talino at kaisipagan.

• Maging masipag, masigasig at malikhain sa pagsasabuhay nang kaniyang trabaho.

• Sundin ang payo at gusto ng mga matatandang guro upang maging maganda ang relasyon ng mga ito.

Hindi natapos ni Bernard ang kaniyang pag-aaral sa kolehiyo dahil sa kahirapan sa buhay. Sa kabila nito siya ay matagumpay dahil sa negosyong kaniyang itinatag at pinaunlad. Naging madali ito para sa kaniya dahil ito ay ayon sa kaniyang gusto at hilig. Ano ang katangian ang mayroon si Bernard?

• Masipag, madiskarte, at matalino

• May pananampalataya, malikhain, may disiplina sa sarili

• Maganda ang relasyon niya sa Diyos, may pagpapahalaga sa sarili, kapwa at bansa

• May angking kasipagan, tiyaga papupunyagi, malikhain, at may disiplina sa sarili

Sinasabing “Ang kasipagan ay kaakibat ng kaunlaran”.Sa ngayon pagsikapan natin na tapusin ang isang gawain na iniatang sa atin para sa ikabubuti ng lahat. Anong katangian na dapat taglayin ng isang tao ayon sa tekstong binasa?

• Masipag

• Matiyaga

• Makabayan

• Masigasig

Ang mga Pilipino ay kilala sa pagiging malikhain sa iba’t ibang larangan na bunga ng mayamang pag – iisip at hindi ng panggagaya o pangongopya ng gawa ng iba. Bakit hindi maaaring angkinin ang isang bagay na likha ng iba?

• Sapagkat ikaw ay makukulong at mapaparusahan ng panggagaya o pangongopya

• Sapagkat hindi ito magandang gawain ng isang taong may pagpapahalaga sa sarili

• Sapagkat madadaig ka ng mga taong may kagaya ng iyong gawa

• Sapagkat ito’y labag sa batas na simula’t sapul alam naman natin na ito ay bawal

Marami sa ating mga Pilipino ang nakakaranas ng diskriminasyon lalo na sa mga taong may kapansanan, ngunit hindi ito hadlang para sa mga taong may kapansanan gaya nina Apolinario Mabini na isang lumpo noong panahon ng Rebolusyon, at si Gennett Roselle Rodriguez Ambubuyog na isang bulag upang maisakatuparan ang kanilang mga pangarap sa buhay at sa bayan. Bilang isang mag – aaral paano mo maipapamalas ang iyong paghanga sa mga taong nabanggit sa teksto?

• Gawing inspirasyon at halimbawa ang mga ito

• Magsisikap para matulad sa kanila

• Magpapakita ng mga gawain na tulad ng ginawa ng mga nasabing personalidad

• Babanggitin ang kanilang mga pangalan sa tuwing may usapan sa klase

Ito ay pagtitiyaga na maaabot o makukuha ang iyong layunin o mithiin sa buhay na may kalakip na pagtitiis at determinasyon.

• pagsisikap

• pagpupunyagi

• kasipagan

• katiyagaan

Ito ay uri ng tao na alam ang hangganan ng kanyang ginagawa at mayroong paggalang sa ibang tao.

• May disiplina sa sarili

• masigasig

• matiyaga

• masipag