Թեմատիկ գրավոր աշխատանք 11-րդ դասարան Հայոց լեզու (Բայ)

Ո՞ր շարքի բոլոր բայերն են ա խոնարհման։

• գա, հավատա՛, զգա՛, ասա՛

• զարմանում, տվել, մոռացել, եղա

• զղջա, կերա, եկա, վերացած

• աղաց, թվաց, մուրացող, զգաց

Ո՞ր շարքի բոլոր բայերն են կազմությամբ պարզ (առանց բայական ածանցի)։

• դիպավ, ասել էր, հավատաց, երգում էր

• կորել էին,երգենք, խաղացինք, լսել

• վերագրում էին, զբոսնում է, թերագնահատել, համակրել

• մոտեցա,կանգնեց, կառչեցի, եկա

Ո՞ր նախադասության մեջ անորոշ դերբայ չկա։

• Հավատում էի, որ չէր կեղծում, երբ ասում էր, թե սիրում է, մահն անգամ չի կարող բաժանել մեզ իրարից

• Առանց մի խոսք արտասանելու՝ ձեռքը տարավ գրպանը, հանեց հուշատետրը և մի թուղթ մեկնեց աղջկան։

• Պատրիկյանը, մի հայացք ձգելով իր հնամաշ հագուստին, դուրս եկավ սենյակից։

• Իսկ նա ամենևին չէր փոխվել կամ, ավելի ճիշտ, այնքան էր գեղեցկացել, որ ես զարմանքից քարացա։

Ո՞ր տարբերակում ապակատար ձևաբայ (անկախ դերբայ) չկա։

• Մի մեծահարուստի ջանքերով է (ի դեպ, նա չի ցանկացել բացահայտել իր անձը) վերակառուցվելու եկեղեցին։

• Ասելու եմ մի բան, որ կթվա արտառոց, դա այն է, որ քաղաքականությունն ու բարոյականությունը թշնամիներ են։

• Նա է վերջին արշավի ժամանակ մեզ ուղեկցելու։

• Նա հեռացավ աշխարհից ՝ ապրելու տենչն իր սրտում։

Ո՞ր նախադասության մեջ հարակատար դերբայ կա։

• Մթամած երկնքում ամպերը գնալով խտանում էին, մինչև որ երկինքը բոլորովին մթնեց։

• Այդ հյուրընկալ օջախի սեղանից խորովածն ու գինին անպակաս էին։

• Մարդն աչքերը չորս արած զմայլվում է իր առջև բացվող խորհրդավոր պատկերով։

• Այս անգամ առաջ քաշվեց հայերենի՝ խեթերենից առաջանալու վարկած։

Ո՞ր շարքի բոլոր բառերն են ենթակայական դերբայներ։

• վարգող, նվագող, ձիագող, նորոգող

• պայթող, պաշտոնաթող, հայթայթող, գայթող

• խայտացող, հեռացող, կամեցող, անվադող

• կարդացող, մտածող, մոռացող, ընթերցող

Ո՞ր նախադասության մեջ անկատար ձևաբայ (կախյալ դերբայ) չկա։

• Հանդարտիկ զրույց էր աշխարհի, եղանակի, լսածի ու տեսածի մասին, և մարդ չէր հավատում, որ նրանք եկել են ձերբակալելու հովիկին։

• Գյուղխորհրդի նախագահն այդ օրը սարում հունձ անելիս գերանդիով կտրել էր ձեռքը։

• Նա մեկընդմիշտ կորցրել էր քաղաքի հույսերը և ուզում էր լինելուց հետո կարգին գյուղացի լինել։

• Կյանքից հոգնած սիրտը տրտում այն երկիրն է միշտ երազում...

Ո՞ր տարբերակում վաղակատար ձևաբայ (կախյալ դերբայ) չկա։

• Ես եղել եմ, կամ, կլինեմ հար ու հավետ, ինչ կա որ։

• Զորք ու բաբան խորտակվել են,

  Նրա բերդը՝ միշտ կանգուն։

• Ասել միայն բարի խոսքեր.

  Ահա մի բան, որ տրված չէ շատերին։

• Ահա եկել հավաքվել են

  Կտրիճները կովկասի։

Ո՞ր շարքի բոլոր բայերն են սահմանական եղանակի։

• չերգեցի, գրվելու է, խոնարհվեցին, չգնայի

• տալիս է, կամենում ես,ցանկանք, փախավ

• կային, չհուսահատվեցին, չգիտեն, խնդրեց

• պիտի որոշվի, խոսում եմ, գնացել էինք, մոտեցրի

Նշվածներից ո՞րը բայի սեռերից չէ։

• Ներգործական

• Ներգոյական

• Կրավորական

• Չեզոք