Lagumang Pagsusulit sa ArPan 6- Ikaapat na Markahan

Sino ang nagkaroon ng malawak na kapangyarihan sa ilalim ng Batas Militar?

• Senado

• Pangulo

• Kongreso

• Mamamayan

Alin ang pangyayaring hindi naganap bago ideklara ang Batas Militar ni Pangulong Marcos?

• Lumaki ang gastos at katiwalian sa pamahalaan na nagdulot ng paglaki ng utang ng Pilipinas sa ibang bansa.

• Naging madalas ang mga pagpupulong, pagrarali, at demonstrasyon ng mga estudyante at mga manggagawa.

• Naging magulo ang kalagayan ng politika sa ating bansa dahil sa pagsibol ng iba-ibang ideolohiya at paniniwala.

• Pinaghuhuli ang mga lider ng mga samahang nagsisipagrali, pati na ang mga politikong lumaban o sumalungat sa pamamalakad ni Pangulong Marcos.

Paano naapektuhan ng Batas Militar ang ating bansa?

• Sumuko ang mga rebelde

• Lumala ang kahirapan ng bansa

• Lumaki ang pondo ng pamahalaan

• Naging malinis at matapat ang pamahalaan

Alin ang hindi naging epekto ng Batas Militar?

• Dumami ang mga rebeldeng namundok at naghasik ng kaguluhan

• Nawala ng kalayaan ng mga tao sa pagsasalita at pagsulat

• Marami ang mga nakulong, nawala, at namatay na estudyante

• Nakabayad ng utang sa ibang bansa ang Pilipinas

Ano ang aral na naiwan sa panahon ng pagkakaroon ng Batas Militar?

• Dapat masunod ang mga patakarang nais ipatupad ng Pangulo

• Dapat maiwasan ang paglabag sa mga karapatan ng mga mamamayan

• Dapat manahimik ang mga mamamayan sa mga ilegal na paraan ng pamumuno ng Pangulo

• Dapat na hindi makialam ang mga taumbayan sa pamamalakad ng Pangulo sa ating bansa

Bakit nahirapan ang taumbayan sa ilalim ng Batas Militar ni Pangulong Marcos?

• Pinairal ang Expanded-VAT

• Tumaas ang presyo ng mga bilihin

• Tumaas ang kriminalidad sa bansa

• Nabawasan ang kanilang kalayaan at karapatan

Bakit bumagsak ang ekonomiya noong 1983?

• Dahil sa mga rebelde

• Dahil sa malaking utang

• Dahil sa pamumuno ni Marcos

• Dahil sa pagpatay kay Senador Ninoy Aquino

Paano nagsimula ang EDSA Rebolusyon o People Power I?

• Pinunit ng mga sundalo ang kanilang mga sedula

• Nagtipon-tipon ang napakaraming tao sa EDSA

• Nanawagan si Corazon Aquino sa taong-bayan

• Pinatay si Senador Benigno Aquino

Bakit nagkaroon ng EDSA Revolution?

• Pinaalis si Pangulong Marcos sa panunungkulan

• Humingi ng mataas na sahod ang mga manggagawa

• Nag-alsa ang mga sundalo laban kay Pangulong Marcos

• Humingi ng hustisya ang taong-bayan sa pagkamatay ni Senador Benigno Aquino

Bakit naging mahalaga sa mga Pilipino ang Rebolusyong EDSA?

• Nakatulong sila sa mga sundalo

• Nagkaisa sila para makamit ang isang layunin

• Naging daan ito para sa pag-unlad ng kalakalan sa bansa

• Nalutas ang kanilang suliranin sa kahirapan ng pamumuhay