Review Quiz - Filipino

Tukuyin ang kahulugan ng pahayag.

"Ang sariling wika ng isang lahi ay mas mahalaga kaysa kayamanan."

• Napakahalaga ng wika sa isang bansa, higit na mahalaga sa anomang uri o halaga ng kayamanan.

• Ang wika ay tulad ng kayamanang maibibilang na tunay na yaman ng bansa.

• Magiging mayaman ang isang bansa kung ito ay may wika.

• Ang wika ang makapagbabayad ng utang ng isang bansa.

Tukuyin ang kahulugan ng pahayag.

"Sapagkat ito'y (wika) kaluluwang lumilipat mula sa henerasyon patungo sa iba."

• Ang wika, kagaya ng kaluluwa, ay maaaring maglakbay sa iba't ibang lugar sa bansa at sa mundo.

• Ang wika, kagaya ng kaluluwa, ay buhay na maaaring ipamana sa susunod na mga salinlahi o henerasyon kung ito ay patuloy na gagamitin.

• Ang wika ay nagagamit na behikulo upang marating ang iba't ibang pangyayari sa bawat henerasyon at dako.

• Tulad ng kaluluwa, ang wika ay nakakatakot.

Tukuyin ang kahulugan ng pahayag.

"Minanang wikang tinanim sa isipan, iniwan ng ninuno, tula ng iniingatang yaman."

• Mahirap iwaglit sa isipan ang ating mabubuting natutuhan mula sa ating mga ninuno.

• Mayaman ang mga taong may natanggap na yaman mula sa kanilang mga ninuno.

• Ang wika ay pamanang ibinigay sa atin ng ating mga ninuno na kailanman ay mananatili sa ating isipan.

• Wika ang dahilan kung bakit mayroon tayong mga ninuno.

Tukuyin ang kahulugan ng pahayag.

"Para sa kaunlaran ay hindi dapat masayang tulad ng halamang natuyot at nangalagas ang tangkay."

• Kagaya ng halaman, ang wika ay kailangang diligin at alagaan dahil mawawala ito kung hindi aalagaan at babantayan.

• Mawawala at maglalaho ang wika kung hindi magkakaisa ang mamamayan.

• Dapat magamit ang wika bilang kasangkapan sa pagkakamit ng kaunlaran kaya huwag ito hayaang mabalewala tulad ng natuyong halaman.

• Wika ang magsisilbing halaman sa ating mga tahanan.

Tukuyin ang kahulugan ng pahayag.

"Wikang Kapampangan, ikaw ay mahalaga, sa lahat ikaw ay maikukumpara."

• Ang wikang Kapampangan, gaya ng wikang Filipino, ay mahalaga at natatangi.

• Ang wikang Kapampangan ay higit sa ano pa mang wika sa bansa.

• Wikang Kapampangan lamang ang dapat na pahalagahan ng lahat.

• Ang wikang Kapampangan ay natatangi at mahalaga kaya sa lahat - ito ang pinakadakila.

Paano natin mapahahalagahan ang mga wika at dayalekto sa ating bansa?

• Gamitin lang kapag kailangan.

• Ibahagi sa susunod pang henerasyon.

• Magpakasasa sa pag-aaral ng wika ng ibang bansa.

• Ipagmalaki ang wika ng ibang bansa.

"May dumi sa ulo, ikakasal sa Linggo.

Inalis inalis, ikakasal sa Lunes."

Ito ay isang halimbawa ng kaalamang-bayan na _____.

• Palaisipan

• Bugtong

• Tugmang de-gulong

• Tula/Awiting Panudyo

Mayroong tandang sa ibabaw ng bubong na piramido ang hugis. Nagtatalo-talo ang mga kapitbahay kung saan babagsak ang itlog ng tandang. Saan babagsak ang itlog ng tandang?

Ito ay isang halimbawa ng kaalamang-bayan na _____.

• Palaisipan

• Bugtong

• Tugmang de-gulong

• Tula/Awiting Panudyo

"Ang di magbayad mula sa kaniyang pinanggalingan

ay di makabababa sa kaniyang paroroonan."

Ito ay isang halimbawa ng kaalamang-bayan na _____.

• Palaisipan

• Bugtong

• Tugmang de-gulong

• Tula/Awiting Panudyo

"Ako ay may kaibigan, kasama ko kahit saan."

Ito ay isang halimbawa ng kaalamang-bayan na _____.

• Palaisipan

• Bugtong

• Tugmang de-gulong

• Tula/Awiting Panudyo