Ծնվում է ու մեծանում,

Հենց նույն օրն էլ՝ մահանում,

Հետո նորից կյանք առած

Պայծառ շորեր է հագնում։

• Կրակ

• Լուսին

• Արև

Հողն է մտնում մահանում,

Հետո նորից կյանք առնում,

Աչքը հառած երկնքին

Տարածվում է, շատանում։

• Գազար

• Ցորեն

• Արմատ

Չորս ոտք ունի, բայց շուն չի,

Ձու է ածում, թռչուն չի,

Խոտ է ուտում կովի պես

Պատյան ունի, բայց տուն չի։

• Կրիա

• Խխունջ

• Զրահակիր

Տուն է սպիտակ լայնատարած,

Սև հավիկներ մեջը թառած,

Խոսում են ու զրույց անում՝

Մարդու նման լեզու առած։

• Նոտաներ

• Գիրք

• Դաշնամուր

Խոսում է նա, լեզու չունի,

Շրջում է նա, ոտքեր չունի,

Բայց մտնում է ամեն մի տուն,

Ուրախ լուրեր բերում մարդուն։

• Սուրհանդակ

• Փոստատար

• Նամակ

Մի բան գիտեմ զարմանալի,

Նա մագիլներ ունի հավի,

Մութ անտառն է իրար տալիս,

Հարթում սիրուն ու ետ գալիս։

• Փոցխ

• Սանր

• Բահ

Մի օձ կա մեծ, գույնը կապույտ,

Հա գնում է պտույտ-պտույտ,

Նրանով են սնվում անվերջ

Ծառ ու ծաղիկ, խոտ ու առվույտ։

• Խողովակ

• Գետ

• Օձ

Գիշերով է նա լույս տալիս,

Եվ ապրում է ճիշտ մեկ ամիս,

Կիսվում է նախ և նորանում,

Կլոր դեմքով՝ աշխարհ գալիս։

• Լուսին

• Արև

• Աստղ

Մանուկն եկավ՝ պայծառ, անգին,

Կանաչ շորեր ունի հագին,

Թողեց հետքեր նա ամենուր

Ծաղկով լցրեց դաշտն ու այգին։

• Ամառ

• Աշուն

• Գարուն

Կա մի գմբեթ՝ բարձր ու լայն,

Կանգնած անսյուն ու անգերան,

Մեջը կանթեղ՝ պայծառ լույսով,

Կախված ջահեր, առանց պարան։

• Թանգարան

• Եկեղեցի

• Երկինք