Islam Quiz 3 (ST2)

ދިވެހި ބަހުގައި އިސްތިޢުމާރުގެ މާނައަކީ

• ގައުމަކަށް މިނިވަންކަން ހޯދައިދިނުމެވެ.

• މިނިވަން ގައުމެއް އަޅުވެތިކުރުމެވެ.

• ތަނެއް އާބާދުކޮށް ދިރިއުޅެވޭނެ މަގުފަހިކުރުމަށްޓަކައި ބޭނުންވާ މީހުންނާއި ތަކެތި ފޯރުކޮށްދިނުމެވެ.

• އެއް ގައުމުން އަނެއް ގައުމަށް އެހީވުމެވެ.

ތާރީޚާއި ޙަޟާރަތުގެ ޢިލްމުވެރިން އިސްތިޢުމާރު މާނަކުރައްވަނީ

• ދައުލަތަކުން އެ ދައުލަތުގެ އިން ފަހަނައަޅައި، އެހެން ދައުލަތެއްގެ މައްޗަށް، އެ ދައުލަތުގެ ރައްޔިތުންގެ ރުހުމާ ނުލައި ބާރު ހިންގުމެވެ.

• ތަނެއް އާބާދުކޮށް ދިރިއުޅެވޭނެ މަގުފަހިކުރުމަށްޓަކައި ބޭނުންވާ މީހުންނާއި ތަކެތި ފޯރުކޮށްދިނުމެވެ.

• ގައުމަކަށް މިނިވަންކަން ހޯދައިދިނުމަށެވެ.

• އެއް ގައުމުން އަނެއް ގައުމަށް އެހީވުމަށެވެ.

އިސްތިޢުމާރުކުރި ސަބަބުތަކުގެ ތެރޭގައި ހިމެނެނީ

• ގައުމުތަކުގެ ގުދުރަތީ މުއްސަނދިކަމުގެ މައްޗަށް ވެރިވެގަތުމެވެ.

• ނުއަގުގައި ނުވަތަ އެއްވެސް އަގަކާ ނުލައި މަސައްކަތްތައް ކޮށްދޭނެ މަސައްކަތު މީހުން ހޯދުމެވެ.

• ޔޫރަޕުގެ އުފެއްދުންތައް ވިއްކުމަށް އައު މާރުކޭޓުތައް ހޯދުމެވެ.

• އަނެއް 3 ޖަވާބުގައި އެވާ 3 ސަބަބު ވެސް ހިމެނެއެވެ.

އިސްތިޢުމާރީ ދައުލަތެކޭ ބުނެވެނީ

• އެ ދައުލަތަކުން އެހެން ދައުލަތެއްގެ ދާޚިލީ މިނިވަންކަމުގެ މައްޗަށް ބާރު ފޯރުވާ ދައުލަތްތަކަށެވެ.

• އެ ދައުލަތަކުން އެހެން ދައުލަތެއްގެ ޚާރިޖީ މިނިވަންކަމުގެ މައްޗަށް ބާރު ފޯރުވާ ދައުލަތްތަކަށެވެ.

• އެ ދައުލަތަކުން އެހެން ދައުލަތެއްގެ ދާޚިލީ ނުވަތަ ޚާރިޖީ މިނިވަންކަމުގެ މައްޗަށް ބާރު ފޯރުވައި އެ ދައުލަތެއްގެ ސިޔާދަތު ނިގުޅައިގަންނަ ދައުލަތްތަކަށެވެ.

• އެ ޤައުމަކަށް އެހީދޭ ދައުލަތްތަކަށެވެ.

މީލާދީން 1415 ވަނަ އަހަރު މަޣްރިބުގެ ސަބުތާއަށް ވެރިވެގަނެ އެތާގައި އެ މީހުންގެ "ކޮލޮނީ" އެއް ގާއިމްކުރީ

• ފަރަންސޭސީންނެވެ.

• އިނގިރޭސީންނެވެ.

• ޕޯޗުގީޒުންނެވެ.

• ހޮލެންޑުގެ ލަޝްކަރުތަކުންނެވެ.

ޕޯޗުގީޒުންގެ އަތްދަށުން ދިވެހިރާއްޖެ މިނިވަންކުރެއްވީ

• ދޮންބަންޑާރައިންނެވެ.

• މުޙައްމަދު ތަކުރުފާނެވެ.

• ޢަލިރަސްގެފާނެވެ.

• އިބްރާހީމް ނާޞިރެވެ.

"ސަތޭކަ އަހަރުގެ ހަނގުރާމަ" މި ނަމުން މަޝްހޫރުވެފައިވާ ހަނގުރާމައިން ކާމިޔާބު ހޯދީ

• ހޮލެންޑެވެ.

• އިނގިރޭސިވިލާތެވެ.

• ޖަރުމަނެވެ.

• ފްރާންސެވެ.

"ލަންދޭސީން"އަކީ

• އިންޑޮނޭޝިޔާ ސަރަހައްދުގައި އިސްތިޢުމާރުކޮށްގެން ތިބި ހޮލެންޑު މީހުންނަށް ދިވެހިން ކިޔައި އުޅުނު ނަމެކެވެ.

• މަޣްރިބުގެ ސަބުތާއަށް ދިޔަ ލަޝްކަރުގެ މީހުންނަށް ދިވެހިން ކިޔައި އުޅުނު ނަމެކެވެ.

• ޢަރަބި ބައެއް ދައުލަތްތައް އިސްތިޢުމާރުކުރި ފަރަންސޭސިންނަށް ދިވެހިން ކިޔައި އުޅުނު ނަމެކެވެ.

• ދިވެހިރާއްޖެ އިސްތިޢުމާރުކުރި ޕޯޗުގީޒުންނަށް ދިވެހިން ކިޔައި އުޅުނު ނަމެކެވެ.

"އެ ދިދައަކަށް އިރު ނުއޮއްސޭ ދިދައެއް" ކަމުގައި މިސާލު ޖެހިފައިވަނީ

• ފަރަންސޭސިވިލާތަށެވެ.

• އިނގިރޭސިވިލާތަށެވެ.

• ހޮލެންޑަށެވެ.

• ރަޝިޔާއަށެވެ.

ދުނިޔޭގައި އޮތް އެންމެ ބިން ބޮޑު ގައުމަކީ

• ރަޝިޔާއެވެ.

• އެމެރިކާއެވެ.

• ޗައިނާއެވެ.

• އިނގިރޭސިވިލާތެވެ.