Кантрольная тэставая работа 9 клас (Варыянт 3)

Адзначце правільныя сцверджанні:

• Складаны сказ – гэта сказ, які складаецца з адной граматычнай часткі.

• Складаны сказ – гэта сказ, які складаецца з дзвюх або некалькіх граматычных частак, яб’яднаных у адно цэлае па сэнсе, інтанацыйна і граматычна.

• Складаныя сказы могуць быць з адным спосабам сінтаксічнай сувязі.

• Складаныя сказы могуць быць з двума спосабамі сінтаксічнай сувязі.

• Складаныя сказы могуць быць з рознымі спосабамі сінтаксічнай сувязі.

Адзначце складаныя сказы:

• І неба было ўжо не лагоднае, не асмужана-гарачае, а халаднаватае і нядобрае, і, гледзячы на яго, хацелася зашпіліцца ці надзець паліто.

• Неспакойна шуміць вецер над лесам, і надрыўна галосіць на апусцелым полі, і гудзе-вые ў голым вецці рабін, параскіданых там-сям на пажаўцелых узмежках.

• Звінеў, то апускаючыся, то падымаючыся ўгору, жаўрук.

• То мільганула палянка, то падступіў аж да самай дарогі бор.

• Дзесьці праспявае чорная жаўна, ёй адгукнецца дрозд, дробна застукае аб сухое дрэва дзяцел, рэзка зашамаціць у голлі разбуджаная сава.

Адзначце правільныя сцверджанні:

• Да злучнікавых адносяцца складаныя сказы, у якіх граматычныя часткі звязваюцца пры дапамозе злучніка або злучальных слоў.

• Да злучнікавых адносяцца складаныя сказы, у якіх граматычныя часткі звязваюцца пры дапамозе прыназоўнікаў.

• Злучнікавыя складаныя сказы падзяляюцца на складаназлучаныя.

• Злучнікавыя складаныя сказы падзяляюцца на складаназалежныя.

• Злучнікавыя складаныя сказы падзяляюцца на адасобленыя.

Адзначце сказы з супраціўнымі сэнсавымі адносінамі:

• То свеціць сонца, то пахмурна.

• Настане ноч – і ўсюды ціха.

• Гара высокая ў тумане, а пад гарой зялёны гай.

• Навокал было цёмна, толькі агеньчыкі хат міргалі на ўзгорку.

• На дварэ было цёмна, затое яснымі былі думкі ў чалавека.

Адзначце сказы, у якіх паміж часткамі патрэбна ставіць коску:

• У цішыні часта і звонка падалі кроплі бярозавіку ў бляшаны бачок ды ледзь чутна шапацела голле.

• Для нас цвітуць сады і агароды і жытнія звісаюць каласы.

• Прайшоў цёплы дождж і на дварэ пасвятлела.

• Толькі жаўранак заспявае ў вышыні ды ветрык зашастае каласамі.

• Шторм спыніўся аднак мора яшчэ бушавала.

Адзначце складаназалежныя сказы:

• Калі перон сціх, апусцеў, старая ўслед за апошнімі пасажырамі выйшла на прывакзальную плошчу.

• Як бы чакаючы падтрымкі, жанчына нейкі час стаяла нерухома, азіраючыся па баках.

• У лазняку, пры якім мы ўладзіліся на мурожнай лапінцы, спусціўшы ногі ў пясчаную ямку, віднеліся падсохлыя палосы зляжалага ілу і рознага намытага бруду.

• Высока ў небе, здавалася, каля самых аблокаў, ківалі вяршынямі сосны, хоць ветру зусім не было.

• У рэчцы пад карчамі, калі я не памыляюся, водзяцца ракі.

Адзначце сказы, у якіх трэба паставіць дзве коскі:

• Не паспела змоўкнуць рэха як за густымі елкамі дзе знік заяц пачуўся страшэнны лямант.

• Ен знайшоў лавачку на ўскраіне парку адкуль найлепей глядзець на раку прысеў і паклаў побач партфель.

• Вы маладыя ўсе пакуль бацькі старыя жывуць няўмольным клопатам каб вам было лягчэй.

• Калі ідзеш па сцежцы пад нагамі шабуршыць мінулагодняе лісце на якім гуляюць залацістыя бліскаўкі-зайчыкі.

Адзначце, дзе правільна вызначана даданая частка складаназалежнага сказа:

Шпалеры на сценах да таго выцвілі, што нельга адгадаць іх першапачатковы колер.

• месца

• прычыны

• меры і ступені

• мэты

• спосабу дзеяння

Адзначце складаныя бяззлучнікавыя сказы:

• Залатое калоссе адшумела ў палях, жаўтагрудая восень сыпле лісце на шлях.

• Палявая дарога нырае ў лагчыны, узбіраецца на пагоркі і зноў падае ўніз.

• Вецер з шаленай восеньскай лютасцю абтрасаў бярозы над шляхам, церабіў, вымятаў маладняк прыспадаў, гнаў цераз чыгунку ў шэрую далеч шапатлівае лісце.

• Першы марозік моцна скаваў зямлю, у паветры кружацца рэдкія сняжынкі.

• Змрок парадзеў, на ўсходзе святлела неба, гасячы зоры.

Адзначце сказы, у якіх на месцы пропуску трэба паставіць двукроп’е:

• Адам Міцкевіч выказаў сябе не толькі ў паэзіі … ён чытаў лекцыі па рымскай літаратуры ў Лазанскім універсітэце, вёў кафедру славянскіх літаратур у Каледж дэ Франс, займаўся крытыкай, публіцыстыкай.

• Ранкам у лесе вісіць туман … рознакаляроване лісце ў промнях сонца няспешна апускаецца на зямлю.

• Дзіўны гук уразіў мой слых … недзе далёка, як мне здалося, спяваў паляўнічы рог.

• Шануй бацьку з маткай … другіх не знойдзеш.

• Пырснулі зялёнымі агеньчыкамі пупышкі ліп … пачалі выпроствацца кволыя, зморшчаныя лісцікі каштанаў.