Sempama Jaku Iban 1

1. Ati hari

• enda manah ati

• jampat berubah ati

• enda kala manah ati

• milih orang alai mantaika pemanah

Au belau

• nyaut au lalu ngereja

• nyaut au tang dalam ati enda setuju

• nyaut ngeleseka orang aja

• madahka au tang lalu enda ngereja pengawa

Berani kesa

• berani-berani takut

• berani ba mua orang mayuh aja

• kelalu berani nyau enda ngira nyawa diri

• berani ba pengawa ke tau ngasuh bebadi

Aum juak

• semina bulih penguntung mimit aja

• bulih penguntung ari sepiak-sepiak

• seruran baum lalu nadai pemutus

• semina deka ngiga penguntung kediri aja

Baka pendiau bunsu bubut

• kamah

• mangah

• diau kediri-diri

• rangka lebuh begulai enggau orang

Baka tekura enggai enda mantupka diri ba bandir

• kelalu bagas ngereja pengawa

• kelalu lubah lebuh ngereja pengawa

• enda mudah ngelengkaka pengawa; digaga sampai abis daya

• enda meda utai nganu lebuh ngereja pengawa; laban rindang

Baka tangga ngumbaka lalau, baka dampa ngumbaka langkau

• jai gamal, jai ga asil kereja

• jai gamal tang manah asil kereja

• manah gamal tang jai asil kereja

• manah gamal, manah ga asil kereja

Untung nemu beliung enda ngambuh, mudah bulih peredah enda ningkuh

• bulih utai enggau nasit

• bulih utai enggau pengelelak

• bulih utai enggau nadai pengiruh

• bulih utai ti enda disadang-sadang

Ngenung baka empelekung mabuk ambuh, ngetu baka puyu mabuk keruh.

• runggu

• rindang laban pengerami

• tesat enda nemu jalai pulai

• tegenung enda tepansutka jaku

Anang ngerabu jelu di puchuk kayu

• ngarapka ti endang nadai

• ngarapka bulih utai mudah

• ngarapka utai ti udah temu ulih

• ngarapka utai ti apin temu bisi